سؤال للإخوة الظباط ( شرطة- جيش) والمحاميين والمواطنين الطبيعيين

اقتباس:

---

المشاركة الأصلية كتبت بواسطة zarif

هقول لحضرتك على وقائع بتحصل قدام عينى كل يوم على الطريق

على ارض الواقع الظابط عمرة ما هيرخم على حد متعاون معاة

بشوف اللى قدام منى داخل على الكمين ولابس النضارة وبيتعامل مع الضابط اللى واقف بيحفظ الامن بتناكة ومنزل من الازاز 5 سم عشان التكييف وبيكلمة من ال 5 سم دول

الطبيعى اصلا لو حضرتك مكان الظابط ان هتمشيها ميرى وهات الرخص واركن على جنب وهتعيش معاة

والواقعة دى على فكرة ملهاش دعوة بظابط وفرد عادى

انت لو داخل اى مصلحة حكومية وقعدت تنفخ وتزهق على الناس اللى جوة هيمشوها معاك ميرى وهيلففوك حوالين نفسك السبع دوخات

بلاش دى ولا دى
انا عندى محل هدايا لما بلاقى زبون داخل عندى ومنفوخ وتنك كدة ويشاورلى كدة بطراطيف صوابعة ويقولى فرجنى على دى

بقولة مش فاضى

انا لما بدخل على لجنة لو بالليل بطفى النور واشغل الانتظار وافتح الازاز بتاعى للاخر واول ما ادخل على الظابط بروح منور نور الصالون عشان اساعدة يأدى وظيفتة والرخصتين فى ايدى الشمال وانا ماسك الدركسيون

بالوضعية دى مش عايز احلفلك عمر ما ظابط حتى قالى هات الرخص علما بانى فضلت ماشى بتصريح سير 3 شهور لمدة سنة وهو خلصان اصلا

التعايش يا سيدى الفاضل
وانك تحط نفسك مكان الطرف التانى

---

كلام مظبوط مليون في الميه
بعيدا عن تجاوزات بعض ظباط الداخليه اللي عمرهم ما بيطبقوا القانون على نفسهم من المشي عكسي و الفيميه
بس انا اخر ٣ لجان اتوقفت فيهم حصل الاتي
اول واحده كنت على طريق مرسى مطروح و كان فيه لجنة جيش و شرطه ما بيعدوش دبانه من غير تفتيش اول ما دخلت و قلت مساء الخير للظابط قال لي اتفضل حضرتك من غير ما يشوف رخص
تاني مره في ميدان الزهراء و كنت رايح النادي و سايب المحفظه في شنطة الرياضه في شنطة العربيه و قال لي رخصك قلت له الرخص موجوده بس المحفظه في شنطة العربيه تحب انزل اجيبها قال لي مفيش داعي
تالت مره كنت بعربية المدام و رخصة العربيه متعود انها تكون في التابلوه و اللجنه و قفتني و فوجئت ان الرخصه مش موجوده فسلمت امين الشرطه رخصة القياده فقط و فهمته الوضع قال لي اركن و تعال للظابط الظابط تعامل برضه بمنتهى الاحترام و بص في الرخصه و البطاقه و تفهم الوضع و سابني
الموضوع و ما فيه اظهر للغير بعض الاحترام اولا تجد الكثير منه

على فكره الاعتراض مش على الكماين ولا وجودها بالعكس وجودها فعلا امان انا واحد بسافر كتير وبتمنى يبقى في كماين كتير وكمان انا قلت ان الحمد لله عمري ما وقفت في كمين غير للرخص وعمري ما اتفشت واول ما بشوف كمين بطفي النور وبشغل انتظار وبنور نور الصالون كمان وبجهز الرخص مش عيب ولا حرام انه يشوف رخصي وانه يطلب بأدب واحترام انه يبص في الشنطه عادي الفكره في عدم الاحترام وان يكون في شويه فطنه في التعامل زي ما حكيت موقف خالي كده راجل كبير ومحترم ومتعاون وبرده مفيش اي سينس لكن
الاعتراض على ان في ناس شايفين ده حق مكتسب للشرطه انه يمرممطك ويفتشك ويقل قيمتك لمجرد ان شكلك معجبوش وفي الاخر ممكن ميكونش في اي حاجه هل هيردلك كرامتك بقه اللي اتبعترت ولا هيرميلك الرخص وتمشي ولو اعترضت ساعتها يمرمط فيك شويه كمان وياخدك يعملك محضر زي ما حصل مع واحد هنا في الموضوع وفي الاخر يقولك تعايش طيب ومين يرد لي كرامتي ؟ ولا هي كلمه كرامه دي ماوصلتش للقاموس عند بعض الناس ؟
ولعى فكره الكلام ده مش جديد اعتقد ان الناس كلها كانت معترضه على الشرطه وطريقتها من ايام اللامبارك الله ينتقم منه وايام مرسي منه لله والايام دي عشان محدش يطلع ويوقلك اخوان وزفت

اقتباس:

---

المشاركة الأصلية كتبت بواسطة zarif

الفكرة فى كل الكلام اللى انا بكتبة حضرتك انك ممكن تلخصة فى سطر واحد وباللهجة العامية

انى بقول لصاحب الموضوع معلش تعالى على نفسك شوية ومش هتخسر حاجة لحد ما ظروف البلد الامنية تتعدل

فى حين ان الطرف التانى عمال بيحرضة بشكل مباشر وغير مباشر وكلام من عينة ازاى ولية وبتاع اية وحقك ودى مش دولة الى اخر الاسطوانة التحريضية المشروخة

حضرتك واخد بالك من المصيبة هنا
حضرتك واخد بالك من الكمين
حضرتك واخد بالك من الهدف


اقولك انا وهشرح لك اللى بين السطور اللى حضرتك مش واخد بالك منة

لو الراجل المحترم صاحب الموضوع عمل بنصيحتى فغالبا وطبيعى مش هيحصل لة اى احتكاكات او مواقف بايخة مع الجهات الامنية (النصيحة الطيبة)

لكن لو الراجل الطيب صاحب الموضوع سمع لكلام الاخوة اللى من الاتجاة الاخر وكبرت فى دماغة فالطبيعى ان لما ظابط ييجى يفتشة يقولة لية وبتاع اية ومش من حقك والموضوع يكبر واضعف الايمان صاحب الموضوع ممكن يتعرض لوقت عصيب او بايخ (النصيحة الخبيثة)

حضرتك واخد بالك من الهدف

اسمح لى اتعمق معاك شوية فى الفكر الشيطانى

بعد ما الراجل صاحب الموضوع يتعرض لوقت او موقف عصيب وبايخ من الظابط فطبيعى انة يقول عندهم حق الاخوان فى اللى بيعملوة فى الشرطة دول ولاد.................

اضعف الايمان هيتعاطف مع الاخوان فى اللى بيعملوة فى الاجهزة الامنية ومن وراها ممكن يصدق انهم على حق فى كل اللى بيعملوة

خد عندك المصيبة الاكبر بقة
خد عندك التقيلة بقى اللى جاية
خد الصدمة دى

ولا واحد من الناس اللى بتحرض الراجل المحترم تقدر تنفذ 1% من اللى كاتبينة فى اى كمين انة يقف ويقول لظابط مش من حقك وبتاع والكلام دة

حضرتك فاكرنى بكدب

للاسف لأ

لأن الارشيف بتاع المنتدى مسجل كل المشاركات للناس دى ولو انا مش عايز احرجهم هجيب لك اقتباس من كلامهم ومن مشاركاتهم هتعرف فيها انهم اضعف من الضعف واجبن من الجبن وماشيين جنب الحيطة والخوف ماليهم من انهم يتقبض عليهم

يعنى من الاخر

الناس دى بتاعة تحريض بس
يعنى من الاخر
الناس دى ابطال كيبورد

بس خلاص
خلص الكلام

---

استاذى الكريم انا فاهم قصد حضرتك وهو عدم التسخين واسمحلى اوافقك واعارضك فى نفس الوقت -ازاى
يعنى انا ضد التسخين اللى من اجل التسخين لكن بيان الحق والمستحق ليس بتسخين
ولو التعامل بين الافراد هيكون مبنى على الظروف والاحوال يبقى احنا ملناش نظام ويبقى برضه كل واحد بعمل اللى هو عايزه ويحدد حقه باللى يناسب هواه
احنا بنقول الاخوان بتعمل ارهاب وكأن الاخوان طابع مطبوع على الكتف اليمين ودى مصيبه وبنقول ان الاخوان سبب ارباك الداخليه وده غلط برضه لانه سلوك الداخلية من زمان وهو ليس مربوط بالاخوان بل كان الاخوان ساعتها هم المعارض البيييييس اللى مجهز شنطته ورا الباب ومستعد يقضى مواسم الانتخابات فى سجن المزرعة المكيف الهواء !!!!! بل قال البعض ان معارضتهم منسقه مع الحكومة -الان اصبحوا اراهاب واصبح هناك اخوان مسلمين نصارى !!!
الخلاصة
لا يجب ان اطالب بالتخلى عن حقى من اجل من يتجاوز تحت مبرر الظروف او الاحوال
يعنى لو انا نازل ومراتى منكده عليا وشفت عسكرى فى كمين ممكن اتعفرط عليه اصلى مدايق شويا ومراتى منكده عليا او الاخوان عاملين مسيره فزهقونى فمتنرفز شوية وممكن اتعفرط على الظابط اصل عندى ضغط فى الشغل وشغلى خطير بكون شايل فيه روحى على كفى ولو حصل مجرد غلطه هينفجر عشرات الكيلومترات بسكانهم يبقى ده مبرر انى مقفش فى كمين او اشاره او اتعدى القانون
اتمنى يكون المعنى وصل لحضرتك وقصة ان اللى بيسخنوا ضعاف او جبناء اذكرك بحديث للنبى وموقف حصل قدام السيده عائشة ان تبسم النبى لرجل بعدما فتح له الباب وقد كان قبل ان يفتح يقول بئس اخو العشير
فبين لها ان بئس العبد عند الله الذى يتقيه الناس مخافة فحشه
يعنى سكوت احدهم لضابط او امين او عسكرى ليس ضعفا او جبنا ولكن اتقاء فحش ورد فعل له مضره اعظم وادخال البلاد والعباد فى دوامة العنف والانتقام
ما اسهل من الانتقام من الضباط واسرهم الين يعتدون ولكن ما نهاىو موجات العنف والعنف المضاد ؟ صومال جديده او عراق او سوريا
فسكوت احدهم ليس بضعف وكنما يمر بمواقف يسكت فيها اتقاء لشر اعظم وصدق من قال ليس هناك اسهل من الشر

اقتباس:

---

المشاركة الأصلية كتبت بواسطة eng_hatemfathy

استاذى الكريم انا فاهم قصد حضرتك وهو عدم التسخين واسمحلى اوافقك واعارضك فى نفس الوقت -ازاى
يعنى انا ضد التسخين اللى من اجل التسخين لكن بيان الحق والمستحق ليس بتسخين
ولو التعامل بين الافراد هيكون مبنى على الظروف والاحوال يبقى احنا ملناش نظام ويبقى برضه كل واحد بعمل اللى هو عايزه ويحدد حقه باللى يناسب هواه
احنا بنقول الاخوان بتعمل ارهاب وكأن الاخوان طابع مطبوع على الكتف اليمين ودى مصيبه وبنقول ان الاخوان سبب ارباك الداخليه وده غلط برضه لانه سلوك الداخلية من زمان وهو ليس مربوط بالاخوان بل كان الاخوان ساعتها هم المعارض البيييييس اللى مجهز شنطته ورا الباب ومستعد يقضى مواسم الانتخابات فى سجن المزرعة المكيف الهواء !!!!! بل قال البعض ان معارضتهم منسقه مع الحكومة -الان اصبحوا اراهاب واصبح هناك اخوان مسلمين نصارى !!!
الخلاصة
لا يجب ان اطالب بالتخلى عن حقى من اجل من يتجاوز تحت مبرر الظروف او الاحوال
يعنى لو انا نازل ومراتى منكده عليا وشفت عسكرى فى كمين ممكن اتعفرط عليه اصلى مدايق شويا ومراتى منكده عليا او الاخوان عاملين مسيره فزهقونى فمتنرفز شوية وممكن اتعفرط على الظابط اصل عندى ضغط فى الشغل وشغلى خطير بكون شايل فيه روحى على كفى ولو حصل مجرد غلطه هينفجر عشرات الكيلومترات بسكانهم يبقى ده مبرر انى مقفش فى كمين او اشاره او اتعدى القانون
اتمنى يكون المعنى وصل لحضرتك وقصة ان اللى بيسخنوا ضعاف او جبناء اذكرك بحديث للنبى وموقف حصل قدام السيده عائشة ان تبسم النبى لرجل بعدما فتح له الباب وقد كان قبل ان يفتح يقول بئس اخو العشير
فبين لها ان بئس العبد عند الله الذى يتقيه الناس مخافة فحشه
يعنى سكوت احدهم لضابط او امين او عسكرى ليس ضعفا او جبنا ولكن اتقاء فحش ورد فعل له مضره اعظم وادخال البلاد والعباد فى دوامة العنف والانتقام
ما اسهل من الانتقام من الضباط واسرهم الين يعتدون ولكن ما نهاىو موجات العنف والعنف المضاد ؟ صومال جديده او عراق او سوريا
فسكوت احدهم ليس بضعف وكنما يمر بمواقف يسكت فيها اتقاء لشر اعظم وصدق من قال ليس هناك اسهل من الشر

---

كلام حضرتك كلة تمام والله
بس انا بقول اية
نتعايش مع تشديدات الامن لحد ما البلد تستقر امنيا
ولما البلد تبقى مستقرة يبقى حقى وحقك

يعنى طالما مفيش قانون طوارى يبقى مش من حقة يفتش عربيتك طالما القانون بيقول كدة وساعتها (لما البلد تكون مستقرة امنيا) لو انت ورقك سليم والظابط انت شايف ان لة مزاج يخنق عليك يبقى توقفة عند حدة وبرضو بالقانون والكلام المظبوط من غير تجعير وتناكة

وهقول لحضرتك على موقف حصل معايا من زمان ......يمكن فى 2009
فى احدى الكماين ظابط وقفنى وطلب الرخصة
اديتهالة وكانت سارية
طلب رخصتى
اديتهالة وكانت سارية برضة
طلب البطاقة
اديتهالة
لقيتة بيسالنى على عقد بيع العربية عشان الرخصة بتاعة العربية مش باسمى
طلعتلة صورة التوكيل اللى انا شارى بية

لقيتة بيقولى اركن على جنب
ركنت العربية على جنب ورحتلة لقيتة بيتلكك ان اصل التوكيل مش معايا
قلتة حضرتك مينفعش امشى باصل التوكيل فى العربية ليضيع منى
لقيتة بيخنق عليا ومصصم على موضوع اصل التوكيل وعايز ياخد الرخص

قلتلة عادى جدا ياباشا حضرتك خد الرخصتين وخد مفاتيح العربية اهة لو عايز وانا بكرة الصبح هنزل الزقازيق لمديرية الامن اللى فى الصاغة واخش لمفتش الداخلية اللى فى الدور التانى اقولة حصل كذا كذا كذا من الظابط اللى كان واقف فى كمين العاشر مدخل كذا الساعة كذا امبارح بالليل

لقيتة زغرلى كدة بعينة (بصة جانبية) وقالى صور التوكيل دة صورة نضيفة عشان دى مش واضحة ومحدش هيشوف منها حاجة ومتعملش نفسك ناصح ......وادانى الرخص ومشيت

دة فى الايام العادية لكن دلوقتى انا عاذرهم لان فية ناس منهم بتموت واهاليهم واسرهم مستهدفين فعشان كدة بقول لحضرتك تعايش وخليك ايجابى ودى نصيحة عمرها ما هتسبب لك ضرر

لكن لما حد يحرضك بشكل غير مباشر وهو نفسة ميقدرش ينفذ التحريض اللى بيقولك علية فيبقى دة عايز يلبسك فى الحيطة عشان تكرة الاجهزة الامنية ويسهل استقطابك ناحيتة ومش فارقة معاة لو اتورطت فى مشاكل او ولعت بجاز

حضرتك بالنسبة لة عنصر يمكن استقطابة وتحريضة على الاجهزة الامنية

لكن بالنسبة لى حضرتك راجل محترم داخل يسأل الناس على رايهم وفى نفس الوقت مشورتهم فلما اقولة على نصيحة يبقى اقولة على نصيحة انا نفسى اقدر انفذها

لان فية حكمة اغريقية قديمة بتقول : لا تطلب من الناس ما لا تستطيع تنفيذة
.....هوة دة الفرق

ــــــــــــــــــ
بالنسبة بقة للاخوة اللى بتسأل طب انت لية متعايشتش مع مرسى ومشاكلة هقولة ببساطة انا انتخبت مرسى وكنت متخيل ان عمر بن الخطاب قد يبعث من جديد فى شكل مصغر فى 2013 لانهم خيلوا للواحد ان فية عصر من الترف والنعيم والنهضة (اللى طلعت فنكوش) الواحد هيعيش فيهم وخصوصا بعد كلامهم ب 200 مليار داخلين البلد اول ما مرسى هيمسك ومشروع النهضة اللى كتبة تلتلاف عالم وانهار السمن والعسل اللى هنغرق فيهم الى اخر كل الوعود والعهود الكتييييييييييييييييييييي ييييييييييير جدا

وفى النهاية تكتشف ان كل دة كدب فى كدب فى كدب فيبقى دول شوية نصابين زيهم زى بتوع انتخابات مجلس الشعب ........وقت الانتخابات تسمع احلى كلام ووعود واول ما الواحد فيهم يقعد على كرسى البرلمان متشوفش وشة ولا حتى افاة

وكالعادة ردود مؤيدى الانقلاب ....... حمادة بالجنزبييييييل

تعايشوا يا جماعة تعايشوا

كنت اتمنى ان ارى مصداقية
يعنى رافض الانقلاب يبقى رفضه للاسلوب الذى اتبع فى الانقلاب واعتداءه على القانون وعلى رأى الاغلبية التى اثبتتها الصناديق وليس اقتناعا بنجاح الاخوان او اقتناعا بقدرتهم على البرنامج الخزعبلى
وكنت اتمنى من انصار الانقلاب ان يعترفوا بانهم استخدموا لمصالح اشخاص بعينها وان خارطة الطريق لم ينفذ منها حرف كما صيغت اولا وان استمارة تمرد كانت وهم ولم ينفذ من طلباتها حرف وان ايام الاخوان كانت افضل مليون مرة مما نعيشه من مشاكل ومصائب وانهيار اجتماعى وهو بداية وليس نهاية لانهيار دولة
كنت اتمنى ان من يدافع عن الضباط ان يدافع بحيادية اى يبين اخطائهم اوبمعنى ادق مصائبهم وفى نفس الوقت ينصح بالتحلى بالصبر الى حد لا يضيع حقا او يفرض واقعا بغيضا مرفوض
وممن يهاجمون ان يكونوا حصفاء فى البيان وليس مجرد هجوم

اقتباس:

---

المشاركة الأصلية كتبت بواسطة eng_hatemfathy

كنت اتمنى ان ارى مصداقية
يعنى رافض الانقلاب يبقى رفضه للاسلوب الذى اتبع فى الانقلاب واعتداءه على القانون وعلى رأى الاغلبية التى اثبتتها الصناديق وليس اقتناعا بنجاح الاخوان او اقتناعا بقدرتهم على البرنامج الخزعبلى
وكنت اتمنى من انصار الانقلاب ان يعترفوا بانهم استخدموا لمصالح اشخاص بعينها وان خارطة الطريق لم ينفذ منها حرف كما صيغت اولا وان استمارة تمرد كانت وهم ولم ينفذ من طلباتها حرف وان ايام الاخوان كانت افضل مليون مرة مما نعيشه من مشاكل ومصائب وانهيار اجتماعى وهو بداية وليس نهاية لانهيار دولة
كنت اتمنى ان من يدافع عن الضباط ان يدافع بحيادية اى يبين اخطائهم اوبمعنى ادق مصائبهم وفى نفس الوقت ينصح بالتحلى بالصبر الى حد لا يضيع حقا او يفرض واقعا بغيضا مرفوض
وممن يهاجمون ان يكونوا حصفاء فى البيان وليس مجرد هجوم

---

علي فكرة ياباشمهندس محدش من رافضي الانقلاب مقتنع بنجاح الاخوان بالعكس دول اكتر ناس بيعترفو بفشل مرسي ودعمهم ليست الا للشرعية يعني للراي الصندوق ( يعني لما كنت تتمناه ).حتي تلاقيهم تحت مسميات كتيرة مثل تحالف دعم الشرعية . طلاب ضد الانقلاب. مسيحيين ضد الانقلاب. لكن الاعلام هو من زج باسم الاخوان في كل شيء لشيطنتهم واصبحت ومسيرات اخوانية. طلاب اخوانيين. طالبات اخوانيات. تفجيرات اخوانية. من الاخر اي رافض للانقلاب هو اخواني.

علي النقيض تري كل ماكتبته فالنقاط الاخري دون ادني شيء يدين ظابط او قادة انقلاب او وزارة الانقلاب. بمعني ان كل من كان يعترض علي اداء ووارة مرسي لاسباب اصبح يلتمس العذر لوزارة الانقلاب اللي عندها نفس مشاكل وزارة مرسي من قطع كهربا ومشامل بنزين وغلاء اسعار.

فمن تري اكثر مصداقية مع انفسهم عالاقل من وجهة نظر حضرتك ؟؟؟؟؟؟

اقتباس:

---

المشاركة الأصلية كتبت بواسطة mr_vampire

علي فكرة ياباشمهندس محدش من رافضي الانقلاب مقتنع بنجاح الاخوان بالعكس دول اكتر ناس بيعترفو بفشل مرسي ودعمهم ليست الا للشرعية يعني للراي الصندوق ( يعني لما كنت تتمناه ).حتي تلاقيهم تحت مسميات كتيرة مثل تحالف دعم الشرعية . طلاب ضد الانقلاب. مسيحيين ضد الانقلاب. لكن الاعلام هو من زج باسم الاخوان في كل شيء لشيطنتهم واصبحت ومسيرات اخوانية. طلاب اخوانيين. طالبات اخوانيات. تفجيرات اخوانية. من الاخر اي رافض للانقلاب هو اخواني.

علي النقيض تري كل ماكتبته فالنقاط الاخري دون ادني شيء يدين ظابط او قادة انقلاب او وزارة الانقلاب. بمعني ان كل من كان يعترض علي اداء ووارة مرسي لاسباب اصبح يلتمس العذر لوزارة الانقلاب اللي عندها نفس مشاكل وزارة مرسي من قطع كهربا ومشامل بنزين وغلاء اسعار.

فمن تري اكثر مصداقية مع انفسهم عالاقل من وجهة نظر حضرتك ؟؟؟؟؟؟

---

مش محتاجه اجابه
اتفرج على برامج التوعية بتوفير الكهرباء اللى ظهرت الايام دى وكأنه اختراع مكنش موجود ايام هشام قنديل وانت تعرف الاجابة

اقتباس:

---

المشاركة الأصلية كتبت بواسطة احمد المصرى

اذا كان بيقتلوا الناس بدم بارد هل هتفرق معاهم كرامه المواطن او عربيته

---

جملة واحدة .. أبلغ من كلام كثير جدا .. وتصف الواقع تماما .. جزاك الله خيرا .. وربنا يصلح الحال !!

الحل الجذري المريح للجميع.....
اللي مش عاجبه مصر وحال مصر وكاره شرطة مصر وجيش مصر
روح ياعم الحج عيش في قطر عند تميم ابن حمد خليفة المؤمنين وراعي الشيوخ العظماء امثال "القرضاوي وغنيم والزمر وباقي جماعة الله المختارة واهو تبدأوا تعملوا الخلافة من قطر واعملوها عاصمة الخلافة

وممكن تروحوا تعيشوا في تركيا عند اردوغان امير المؤمنين وقائد جيوش الاسلام ورافع لواء رابعة

والافضل بقي انكم تروحوا تعيشوا في اسرائيل عند اصدقائك رئيسكم الاعزاء واهو بدل ما تروحوا للعبيد والاتباع تروحوا لاسيادهم الصهاينة مباشرةً وتعيشوا في رغد زي ما كان رئيسكم بيتمنالهم
وبكدة هتتحل مشاكل كل الناس ومش هيكون فيه كماين لأنكم هتسيبوا البلد لباقي الشعب اللي بيحب جيشه وزعلان علي ابنائه اللي بيموتوا كل يوم من الجيش والشرطة اللي بتقولوا عليهم عبيد البيادة

اقتباس:

---

المشاركة الأصلية كتبت بواسطة qkash.com

الحل الجذري المريح للجميع.....
اللي مش عاجبه مصر وحال مصر وكاره شرطة مصر وجيش مصر
روح ياعم الحج عيش في قطر عند تميم ابن حمد خليفة المؤمنين وراعي الشيوخ العظماء امثال "القرضاوي وغنيم والزمر وباقي جماعة الله المختارة واهو تبدأوا تعملوا الخلافة من قطر واعملوها عاصمة الخلافة

وممكن تروحوا تعيشوا في تركيا عند اردوغان امير المؤمنين وقائد جيوش الاسلام ورافع لواء رابعة

والافضل بقي انكم تروحوا تعيشوا في اسرائيل عند اصدقائك رئيسكم الاعزاء واهو بدل ما تروحوا للعبيد والاتباع تروحوا لاسيادهم الصهاينة مباشرةً وتعيشوا في رغد زي ما كان رئيسكم بيتمنالهم
وبكدة هتتحل مشاكل كل الناس ومش هيكون فيه كماين لأنكم هتسيبوا البلد لباقي الشعب اللي بيحب جيشه وزعلان علي ابنائه اللي بيموتوا كل يوم من الجيش والشرطة اللي بتقولوا عليهم عبيد البيادة

---

عندك حق فى كل كلمة كتبتها

او كما قال الشيخ محمد حسن يعقوب : اللى مش عاجبة يروح كندا

او كما قال احدهم موتوا بغيظكم

اقتباس:

---

المشاركة الأصلية كتبت بواسطة qkash.com

والافضل بقي انكم تروحوا تعيشوا في اسرائيل عند اصدقائك رئيسكم الاعزاء واهو بدل ما تروحوا للعبيد والاتباع تروحوا لاسيادهم الصهاينة مباشرةً وتعيشوا في رغد زي ما كان رئيسكم بيتمنالهم

---

ههههههههههههههههههههههههه ههههههههههههههههههههههههه هههههههههههههههههههه
ممكن تشوف الكام تصريح دول ولو اني ماظنش هايفرقوا معاك
http://www.nilemotors.net/Nile/417179-a.html

في المقابل
ارجو انك ما تزعلش من الارهابيين اللي بيفجروا و يقتلوا بقى حيث انهم بيتعاملوا بنفس منطقك ده بالظبط , و لو مش عاجبك روح عند حبايب عسكرك في اسرائيل برده و خد عسكرك معاك بالمرة هاتتمزجوا هناك اوي و يمكن من هناك تعلنوا الحرب على حماس الارهابية :)

و خلينا احنا و الارهابيين الغلابة زي حالاتنا اللي بينزلوا في مظاهرات و يتقتلواو يعتقلوا و تنتهك اعراضهم و انسانيتهم , احنا و هما من عينة بني ادمين واحدة بتتكلم بالحق , مش بالقوة و بس زيكم كده

اقتباس:

---

المشاركة الأصلية كتبت بواسطة احمد المصرى

اذا كان بيقتلوا الناس بدم بارد هل هتفرق معاهم كرامه المواطن او عربيته

---

+1
خلاصة الخلاصة

ليس بعد القتل ذنب
قياساً على
ليس بعد الكفر ذنب

يا راجل ده سؤال
إذا كانوا الداخلية والجيش بيطلعوا يهتكوا العرض والستر ويقتحموا بيوت الناس الفجر عشان يعتقلوا واحد من بيته شاكين إن قلبه مش زي قلوب العبيد بيهوى البيادة

هيتورعوا ويستحوا إنهم يتمتعوا بإذلال مواطن والترخيم عليه و يفتشوا عربية
خصوصا لو اللي سايق العربية باين عليه إنه مسلم يعرف ربنا ومتدين أو زوجته محجبه حجاب مقبول أو منتقبه

لكن طبعاً لو الأم المثالية عدت من الكمين هتاخد تعظيم سلام

ـ
-

اقتباس:

---

المشاركة الأصلية كتبت بواسطة shiko85

+1111111 معلش اللى بيهجموا الجيش و الشرطه ميعرفوش احساس انك تسيب البيت كل يوم و اهلك عارفين انك مش هترجع تانى, بيهاحموا و عمرهم ما فكروا ان كل يوم الواحد ممكن يفقد صديق او زميل

---

وبرضه بيبقوا عارفين إنك هتمسك واحد تعتقله وتلفقله تهمة وتصوره مع كام حتة سلاح ميعرفش اسمهم
وهتمسك واحد تنفخه وتكهربه
وهتحط في كل زنزانة 100 معتقل بلا محاكمة والعدد وصل 30000 معتقل وأكثر
وهتروح بيت واحد الفجر تهتك ستره وعرضه وتجيبه من على سريره من جنب مراته
وهتدي تعليمات للبلطجية عشان تمثيليات المواطنين الشرفاء اليومية ومهاجمة الناس وتخويفهم وقتلهم
وهتدي تعليمات إن أي واحد يتقتل وهو بيتظاهر يتكتب في تقرير الوفاه منتحر
ده غير طبعاً قتل 10 ولا 15 واحد عشان فض مظاهرة معارضة
والكبيرة بقى
قتل اللآلاف في فض ميدان رابعة

بتتعبوا ومحدش حاسس بيكوا

ربنا موجود

ـ

اقتباس:

---

المشاركة الأصلية كتبت بواسطة eng.osama.afifi

سؤال :
دلوقتي أنا لو دخلت على كمين ( جيش أو شرطة ) ... هل من حقه يفتشني ويفتش العربية ؟؟ مع العلم إن جميع الأوراق سليمة والبطاقة موجودة وسارية ومفيش أي مخالفة ؟

لأني حصل معايا موقف مع كمين جيش ... والعساكر كانوا ناويين يفتشوا كل ميلي في العربية ... ولما الظابط شاف المهنة ومحل الإقامة قالوهم محدش يفتش حاجة ومشاني في ساعتها ... بس أنا بتوقع لو كانوا ابتدوا يفتشوا وأنا أعترضت ... هل من حقي ؟ مهو ممكن يقوم مبوظ حاجة أو يكسر حاجة أو يسرق حاجة وأنا معرفش ... وممكن يكون فيه تعسف ... يعني ممكن يقطع فرش العربية ويدور جواه مثلا ... إيه حدوده لو كان أصلا من حقه !!

---

قرات كل ماقام الاخوة الاعضاء بكتابته لاصل لاجابة لسؤالك ولم اجد
الا يوجد فرد واحد فى المنتدى متخصص فى القانون باى شكل ليجيب على السؤال بشكل مباشر ؟ انا شخصيا كان نفسى اعرف الاجابة
تحياتى

اقتباس:

---

المشاركة الأصلية كتبت بواسطة تامر.محمد

ههههههههههههههههههههههههه ههههههههههههههههههههههههه هههههههههههههههههههه
ممكن تشوف الكام تصريح دول ولو اني ماظنش هايفرقوا معاك
http://www.nilemotors.net/Nile/417179-a.html

في المقابل
ارجو انك ما تزعلش من الارهابيين اللي بيفجروا و يقتلوا بقى حيث انهم بيتعاملوا بنفس منطقك ده بالظبط , و لو مش عاجبك روح عند حبايب عسكرك في اسرائيل برده و خد عسكرك معاك بالمرة هاتتمزجوا هناك اوي و يمكن من هناك تعلنوا الحرب على حماس الارهابية :)

و خلينا احنا و الارهابيين الغلابة زي حالاتنا اللي بينزلوا في مظاهرات و يتقتلواو يعتقلوا و تنتهك اعراضهم و انسانيتهم , احنا و هما من عينة بني ادمين واحدة بتتكلم بالحق , مش بالقوة و بس زيكم كده

---

واضح انك بتاخد كلام اليهود علي انهم ملايكة لا ينطقون عن الهوا
عًموماً اذا كنت مؤمن اوي بصدق اليهود وبتستشهد بكلامهم
فده فيديو برده بيدعم رئيسكم
https://www.youtube.com/watch?v=JGnG2KJYHPM
اليهود يقولوا زي ما هما عايزين
انما انت تبعت رسالة تقوله عزيزي وصديقي العظيم
وفي النهاية تختم بصديقك الوفي وبتتمني الرغد والسعادة لشعبه تبقي راجل خاين

بما ان بنى صهيون طذبه فليس العبره بالكلام انما بالفعل ولا ابلغ مما نراه من تعاون مع بنى صهيون لم نره من قبل وعدم ذكر لفظه عدو اصبح شعار المرحلة بل تحديد يوم هزيمة 67 ليكون يوم استحقاقهم الديموقراطى هو خير دليل على مستقبل بلادنا المنتظر !!!!!!!

اقتباس:

---

المشاركة الأصلية كتبت بواسطة qkash.com

واضح انك بتاخد كلام اليهود علي انهم ملايكة لا ينطقون عن الهوا
عًموماً اذا كنت مؤمن اوي بصدق اليهود وبتستشهد بكلامهم
فده فيديو برده بيدعم رئيسكم
https://www.youtube.com/watch?v=jgng2kjyhpm
اليهود يقولوا زي ما هما عايزين
انما انت تبعت رسالة تقوله عزيزي وصديقي العظيم
وفي النهاية تختم بصديقك الوفي وبتتمني الرغد والسعادة لشعبه تبقي راجل خاين

---

اه فعلا
بامارة ان الفيديو ده كان في الاول خالص اول ما مسك و الفيديوهات اللي في الموضوع التاني بعد ما مسك بفترة او بعد ما اقيل
و فيه فيديوهات تانية و هو لسه في الحكم بنفس مضمون العنوان التاني
و بتصريح بالفيديو برده لمسئول اسرائيلي بيقول نتنياهو بعت له تهنئة مهذبة بعد ما مسك على طول و ومرسي ما ردش عليه و ما عبروش و ما حصلش بينه و بيننا اي اتصالات في عهده

للاسف , صاحب الهوى لا يكفيه الف دليل , و ماحدش فيكم للاسف الشديد بيشوف الا اللي على هواه بس

اقتباس:

---

المشاركة الأصلية كتبت بواسطة dolly13

قرات كل ماقام الاخوة الاعضاء بكتابته لاصل لاجابة لسؤالك ولم اجد
الا يوجد فرد واحد فى المنتدى متخصص فى القانون باى شكل ليجيب على السؤال بشكل مباشر ؟ انا شخصيا كان نفسى اعرف الاجابة
تحياتى

---

العضوة الوحيدة المشاركة في هذا الموضوع تحياتي لحضرتك
مجمل ما ذكره المشاركين ..ان كنتي تبحثين عن اجابة...
هو : ايا كان رأي القانون ..فالواقع مختلف
هناك من رأى أن ما تواجهه البلاد يتطلب قدر من الصبر و المرونة في التعامل
و هناك من تحدث عن الشرعية و العبيد و ادخل الموضوع في تناحر سياسي
الرأي الفصل ..ان الظروف التي تواجه البلاد - و التي لا ينكرها مبصر - لن تكون سبب لانتهاك كرامة انسان...و يقصد بالانسان هنا المواطن البسيط...كما يقصد بها الضابط الذي يؤدي عمله
و الحل السحري في وجهة نظري ..انه اذا شعر الانسان بالدور الحيوي لجهاز الامن ...بمعنى ان من سرقت سيارته و جد من يأتي له بها...اذا شعر بانتظام حركة المرور . اذ شعر بانخفاض معدل الجريمة...الخ سيكون في اقصى درجات التعاون و الاحترام مع القائمين على تنفيذ القانون

اقتباس:

---

المشاركة الأصلية كتبت بواسطة samyyousef

العضوة الوحيدة المشاركة في هذا الموضوع تحياتي لحضرتك
مجمل ما ذكره المشاركين ..ان كنتي تبحثين عن اجابة...
هو : ايا كان رأي القانون ..فالواقع مختلف
هناك من رأى أن ما تواجهه البلاد يتطلب قدر من الصبر و المرونة في التعامل
و هناك من تحدث عن الشرعية و العبيد و ادخل الموضوع في تناحر سياسي
الرأي الفصل ..ان الظروف التي تواجه البلاد - و التي لا ينكرها مبصر - لن تكون سبب لانتهاك كرامة انسان...و يقصد بالانسان هنا المواطن البسيط...كما يقصد بها الضابط الذي يؤدي عمله
و الحل السحري في وجهة نظري ..انه اذا شعر الانسان بالدور الحيوي لجهاز الامن ...بمعنى ان من سرقت سيارته و جد من يأتي له بها...اذا شعر بانتظام حركة المرور . اذ شعر بانخفاض معدل الجريمة...الخ سيكون في اقصى درجات التعاون و الاحترام مع القائمين على تنفيذ القانون

---

بالظبط كدة:S_thum1[1]:

انما تلاقي اللي بيطبق القانون عليك هو اول من ينتهكه سواء في حاجات بسيطة زي فيميه الزجاج لحاجات كبيرة .... ممكن توصل ان ظباط شرطة هما اللي بيحركو عصابات سرقة عربيات.

واللي بيعمل عليك راجل امن وقانون وبيعلي صوته عليك وبيستغل نفوذه وسلطته . ( مبيقدرش يرجعلك عربيتك لو اتسرقت وروحت تعمل عنده محضر ويقولك اتفاوض مع الحرامي لو اتصل بيك امال فين سلطة القانون وسلطتك ياباشا ؟؟؟؟؟؟؟؟؟؟ )...

وتلاقي قيادتهم قالت علي مجزرة اسوان مكتش ينفع التدخل الامني لان العيلتين كانو مسلحين. وفي نفس الوقت تلاقيهم سباع واسود في مواجهة الارهاب المزعوم . المتمثل في بنات جامعة الازهر اللي بيسحلوهم وشباب الجامعات المحترمين.

فباي منطق تطالبني انصاع ليه واساعده يادي واجبه ومهمته لحفظ الامن ؟؟؟؟

هو واجبه ومهمته دول في تفتيشي بس ونفوذه وسلطته في انه يفيم عربيته ويمسح نمرها ويعلق نسر عالازاز عشان يعرف الدنيا كلها انه باشا ومحدش عالارض يقدر يوقفه ؟؟؟ انما مش واجبه خااااااااااااالص ولا من مهمته انه يرجعلي عربيتي لو اتسرقت. او يرجعلي شنطتي لو اتنشلت ؟؟؟؟؟!!!!!!

لما يقومو بشغلهم صح ويحللو مرتباتهم يبقو يطلبو من الناس تحترمهم وتتعاون معاهم.

فى الظروف التى تمر بيها البلاد لو طلب انه يفتش بكل ادب اقول له اتفضل ياسعادة الباشا بكل ادب واحترام يفتش ولكن لو دخلت معه فى نقاش ممكن لو معندوش ضمير بسهولة يقول انه وجد 4 زجاجات ملتوف وعلامة رابعة وكدة بقى على سجن العقرب فورااا واثبت بعد كدة انك مظلوم

اقتباس:

---

المشاركة الأصلية كتبت بواسطة eng.osama.afifi

أنا عارف إن إحنا في دولة لا تحترم مواطنيها ... ولا أرواحهم ولا ممتلكاتهم ... كل ده كلام لا يختلف عليه إلا أعمى

أنا كنت بسأل يعني في ظل التطبيخ القوانين الحالية ... هل يعني في ظل القوانين الحالية من حقه ولا مش من حقه ...

إنما كدة زي ما تكرم الأخوة مشكورين إن هو مش من حقه ... وده كدة بيعتدي على ممتلك خاص ... بغض النظر عن إن الظابط بيحترم ده أو لاء ...

طيب فرضا أتفتشت ... وده أدى إلى وقوع ضرر ... ممكن اشتكيه ؟ وينفع أصوره عشان أثبت الواقعه ؟

---

ايه ياباشا تشتكيه حته واحده ياقلبك ياصبحي انتا شخص حبوب وجميل وعلي نياتك
انتا بتتكلم بجد ولا ايه انتا شكلك بتتكلم علي بلد تانية غير مصر
ياباشا انتا تدخل الكمين تقلع وتطلع تغني تسلم ادينك وكمان تسلم الايادي
شكلك عامل موضوع للكومديا

ياجماعه انا ملقتش انسب من المقولة دي لي الشعب الأخر شعب ابن المثالية
العبيد هم الذين يهربون من الحرية فإذا طردهم سيد بحثوا عن سيد اَخر, لأن في نفوسهم حاجة ملحة إلى العبودية لأن لهم حاسة سادسة أو سابعة.. حاسة الذل.. لابد لهم من إروائها, فإذا لم يستعبدهم أحد أحست نفوسهم بالظمأ إلى الاستعباد وتراموا على الأعتاب يتمسحون بها ولاينتظرون حتى الإشارة من إصبع السيد ليخروا له ساجدين .

هناك من يناضلون من أجل التحرر من العبودية,, وهناك من يطالبون بتحسين شروط العبودية..د:مصطفى محمود