يا اخونا انا محتاج رايكم في شراء سيتي 2013 دلوقت بقت ب 145 و بصراحه قلقان من نقطتين ، نزول شكل جديد بس اكيد هيكون اغلى ، توفر قطع الغيار و سعر اعاده البيع ، انا معجب بالعربيه جدا بس محتاج راى الخبرا ، و شكرا
عرض للطباعة
يا اخونا انا محتاج رايكم في شراء سيتي 2013 دلوقت بقت ب 145 و بصراحه قلقان من نقطتين ، نزول شكل جديد بس اكيد هيكون اغلى ، توفر قطع الغيار و سعر اعاده البيع ، انا معجب بالعربيه جدا بس محتاج راى الخبرا ، و شكرا
ماتشتريش عربية مش منتشرة
شاكر جدا يا فندم مفيش حد تاني له وجهه نظر اخرى و يكون جرب السيتي.
وجهة نظرى انها احسن حاجه فى فئتها احسن من الياريس و البيجو 301 والريو و الاكسنت والعرض كويس لو عايز زيرو خليك فى السيتى
Sent from my GT-S5282 using Forum Runner
السيتي عربية ممتازة عن وده عن خبرة فعلية ، وعلى فكرة العربية منتشرة الى حد ما وطبعاص السيفيك أكتر انتشار من السيتي ، بس انا راكب سيتي 2005 وبشوف عربيات كتير وانا في طريقي هوندا
انا رأيي انها عربية فوق الممتاز وبر
ه عربية اعتمادية ، يعني حضرتك بتجبها وبتنساها ، بالنسبة ل resale انا معنديش عنه معلومات أوي ، ممكن حد من اعضاء المنتدى يكون اكتر خبرة مني في الموضوع ده
بالتوفيق
بص يا سيدى أنا معايا سيتى 2013 هاى لاين زيرو بقالها شهرين تقريباً وعملت صيانة الألف ودلوقتى عامله 1800 كيلو
بأمانه فعلاً العربية فوق الممتازة أنا قبل مجيبها كنت خايف ومتردد جداً جداً بس انا قديم شوية فى موضوع العربيات ده وعملت مقارنات بينها وبين كل اللى موجود على الساحة دلوقتى تقريباً
لمعلوماتك العربية دى هى الوحيده فى العالم اللى موتورها 1500 سى سى وبيولد 118 حصان مع أقل استهلاك للبنزين حتى وانت مشغل التكييف
ده غير I-vtc تكنولوجيا رهيبة بتضاعف سحب العربية بشكل خرافى مهما كنت محمل
ده غير انها واسعه من جوة والشنطة بتاعتها أكبر من شنطة السيفيك والسيراتو
ده غير انها عربية مميزة جداً ومش واطية
انا جربت السيراتو واللانسر والاكسنت والالنترا والتيوتا
وأنصحك بيها ومش هتندم لو عايز عربية تعيش العمر معاك
لكن لو انت من هواة التغير بسرعة هات الكورى مش هتخسر فية كتير لو فكرت تبيعة بعد سنه ولا اتنين
على فكرة نسيت أقولك ان ماتورها مش بتحس بيه نهائى قمة النعومة
وربنا ييسرك كل خير ان شاء الله
وأى استفسار أنا فى الخدمة
م/أحمد مجدى
انا مش عارف اشكر حضراتكم ازاي الف الف شكر .
هصلي استخاره و ربنا يوفق للخير .
لو مكانك هشتري الشكل الحالي ومش هستنى الشكل الجديد علشان دي عربيه جامده جدا عن تجربه و علشان قطع غيارها هتبقى بره التوكيل انما لو هتستنى الشكل الجديد قطع غياره مش هتبقى غير في التوكيل لمدة 3 سنين على الاقل لو النقطه دي مش فارقه معاك يعني مثلا لو هتبقى مامن عليها خليك طبعا في الشكل الجديد بس خلي بالك هيذيد تمنها على الاقل 15 او 20 الف كمان
أحترم رأيك لكن إسمح لى بتعليق صغير . هذه المقولة خطأ بالمرة و لا يتم إستعمال هذه العبارة إلا على لسان المواطن المصرى العزيز لأنه يحول أى معايير لشراء السيارة إلى نظرية إقتصادية بحتة فتجد دائما أن المعايير الأساسية لشراء أى سيارة هى الآتى :
1- تكون رخيصة
2-قطع غيارها متوفرة و رخيصة يعنى ألاقى قطع غيار إستعمال
3- لما أبيعها ما أخسرش كتير و ياريت ما أخسرش خالص و ياسلام لو أكون كسبان
فكر فى المعايير السابقة تجدها تصب فى الجانب الإقتصادى دائما . و بتطبيق هذه النظرية تجد أن الفيرنا و الأفيو تتفوق على البى إم و المرسيدس -سبحان الله.
طيب إيه رأيك فى الجودة : مش بتساوى فلوس برضه لإنك ممكن تدفع أكتر فى جودة أعلى تعيش معاك مدة أطول ..
و إيه رأيك فى معايير الأمان : مش ممكن تساوى حياة إنسان و مصر محتاجة الآن لمعايير السلامة و الأمان الأوربية أكتر من أوروبا نفسها .
مش لازم العربية تكون منتشرة علشان أشتريها
اللي بيشتري عربية مش منتشرة بيكره نفسه والكلام دة صحيح ومجرب
لما تشتري عربية مش منتشرة مش هتلاقيلها قطع غيار برة التوكيل وفى الغالب قطع غيار كتير مش هاتبقة موجودة جوة التوكيل لان عمر ما التوكيل هايعمل استوك قطع غيار محترم الا لما يكون بايع من العربية عدد كويس والا كدة هايخسر
الكلام دة نصيحة عن تجارب سابقة وبراحتك
والله يا أستاذى لحد دلوقتى العربية مريحانى على الأخر والحمد لله
وللعلم انا مكنتش بحب سواقة الاوتوماتك عشان التحكم فى السحب عشان بحب اجرى ساعات
لكن ما شاء الله بش مع مرسيدس وبسد معاه بس لو واحده هيا اللى سايقة ههههههههههههههههه
لا بصراحة العربية ركوبة عمر ومش هيندم الى يجيبها
العيب الوحيد اللى مضايقنى منها انها مفيهاش سينسور بارك مع الاسف
لكن موجود فى التوكيل بلون العربية بـحوالى 970 جنية بالتركيب
نصيحة اشتري الهوندا أفضل من مثيلتها بمراحل
انا معايا هوندا سيتي 2013 هنا في الكويت ماشيه 3580 كم بصراحة السيارة ممتازة وإقتصادية لابعد الحدود وتكييفها ممتاز وانتو عارفين جو الكويت عامل ازاي وانا اشتريتها بعد متابعة زملاؤنا بالمنتدى ولقيتها احسن عربية في الفئة بتاعتها وبنصح اي حد بيها
مفيش غيرها فى الفئه السعريه دى
وشوف حاله الزيرو اليومين دول ....كله مشاكل
ولكن هوندا إستحاله تكون عربيتها بالمشاكل اللى بنسمعها على الزيرو دلوقتى
.
فلوسك فى هوندا مش هتروح هدر
السيتى فى بى اوتو ب 140 لو انت عايزها هاتها من هناك اوفرلك والفئة التانيه ب 150 انا كنت بفكر فيها قبل كده وسءلت عليها
المعرض ده فى شيراتون وطبيعى انه يكون ارخص من التوكيل فى الحالة ديه لان هو عنده ستوك منها 2013 والفطيم عامل عرض 145 فلو هو حط نفس الرقم مش هيقدر يخلص الستوك اللى عنده لان العربية مش بياعة اوى ( فى السوق المصرى)
طب يا جماعة الخير أنا قدامي سيتي 2013 ماشي 6000 كيلو اول فئة طالب 130 الف كدة قريب من الزيرو جدا صح يبقى الزيرو احسن و لا ايه
الفئة التانية فى بى اوتو ب 150 للكاش انا سألت بنفسى فى الفرع ممكن حضرتك تروح الفرع وتتأكد افضل وربنا يوفقك
2014 الشكل الجديد نزلت في السعوديه
واسعه جدا من جوه وكماليتها خطيره