متابع
رقم العضوية : 157837
تاريخ التسجيل : 23Mar2014
المشاركات : 513
النوع : ذكر
الاقامة : المنصورة
السيارة: فيات 126 ثم شيري ايه 11
السيارة[2]: vectera 2003 cd
الحالة :
تحويل شيري ايه 11 إلى سيارة خطوة بخطوة
كانت البداية لما اشتريت العربية اللي اسمها شيري ايه 11
بصراحة اشتريتها لان ما كانش فيه عربية سيدان مكيفة واتوماتيك بالسعر ده وانا بصراحة ما كانش معايا أكتر من تمنها يعني ما كانش ينفع أجيب حاجة أحسن منها
المهم
في الأول كان الموتور دايما بيرتعش وموال تنضيف حساسات وتغيير حساسات بدون فائدة وواحد في المنتدي عامل نفسه خبير كلمني وقاللي دا من عمود الكامة حدبة اصغر من التانية بمقدار ورقة واقسم بالله إنه هيمسح كل مشاراكاته وهيدفع التكاليف لو طلع كلامه غلط ومشيت وراه وتغيير عمود كامة وبلوف وبدون فايدة والآخر الكنترول باظ والشيخ طه اللي في الحرفيين رحتله معايا 1950 جنيه أشتري كنترول مستعمل أصر على 2000 جنيه
طب يا عم الحاج انا جاي من المنصورة وحرام أرجع علشان 50 جنيه ---- مفيش فايدة
رجعتله تاني بقى الكنترول ب 2500 وبرده ما كنتش عامل حسابي ورحت تالت مرة عامل حسابي انه هيقول 3000 ( 3000 جنيه في كنترول عربية صيني وكمان مش جديد ---- هعمل إيه العربية واقفة) المهم لقيته قاللي ب 4000 ومن غير فصال ولو أخدته للمنصورة ما يرجعش ------ اتخنقت وقولت سيبها مركونة – ورحت أجرت اوبل كورسا لغاية ما أشوف هعمل إيه ------ المهم فجأة قلت طب ليه ما أرجع الموتور لأصله قبل شغل الصين وفعلا مانفولد + كربيراتير + عمة فورد اسكورت 1600 تخيلو بكام 780 جنيه بس واسبيراتير الكتروني بتاع عربية شاهين وعدلته في المخرطة بعمود بيجو 504 واشتغلت العربية وابتديت شغل بقا ----- الرجة اللي في الموتور طلع الفلام فيه شرخ وغيرته بواحد جديد 350 جنيه وركبت انذار ووحدة رفع وشغلت التكييف على المفتاح لأنه كان شغال على الكنترول ---- لحد الطامة الكبرى النهارده ----- ماشي بالعربية ومعايا الاولاد الاقي العربية كل ما اسيب رجلي من على البنزين تبطل لحد ما وقف وماردتش تدور وألاقي ياعم الحرارة على الآخر والمياه بتغلي وبتفور والمروحة ما شتغلتش
طيب سبت العربية لما هديت شوية ونزلت شرطتين عن الآخر ورحت مدور وطالع على السريع وماشي 140 وبعدين جبت الفتيس على المور ( n) وسبتها تسحب وتقابل الهوا ---- بردت العربية نزلت أشوف فيه إيه لقيت المروحة مش عايزة تدور
ماشي ---- حتة سلك وتوصيلة مباشرة من البطارية على المروحة ورجعت البيت وسبت العربية لما بردت خالص ونزلت بقي أشوف الحكاية – لقيت سلك من كاتاوت المروحة مفصول ركبته ودورت رجعت المروحة تشتغل وتفصل
وبعدين بقى حكاية المروحة دي ------ كل ما سلك الكتاوت تفصل أو الساعة تبوظ أو تعلق نعطل ونشوف القرف دا كله
المصيبة الاكبر لو الميه فضيت من الرادياتير أو لو الرادياتير مسدود العربية تسخن والمراوح ما بتدورش
طيب أنا بقى هعمل شغل غير بتاع الخواجة اللي عندنا عقدة منه
المهم صممت دايرة الكترونية هتاخد قراية من الحساس بتاع الحرارة اللي في جسم الموتور ويشغل المراوح ( المروحتين ---- المروحة اللي على ساعة الحرارة والمروحة اللي على التكييف) وفيها مفتاح أضبط منه درجة الحرارة اللي انا عايز العربية عليها ( يعني هتثبت درجة حرارة قصوى للسيارة أول ما تتجاوزها المراوح تشتغل ---- وانا اللي هختار درجة الحرارة دي عن طريق المفتاح ------ شغل افتراء بقي ) هثبت درجة الحرارة على 85 وكفاية كدا 85.5 المراوح تشتغل 84.5 المراوح تقف
إيه بقى رايكم في الفكرة دي ( أظن تنفع أوي للأوبل وبالذات الفكترا ----- هتريح كتير من وش الدماغ )
والبقية تأتي تباعا
رقم العضوية : 129856
تاريخ التسجيل : 01Oct2012
المشاركات : 1,565
النوع : ذكر
الاقامة : giza
السيارة: mazda 121
السيارة[2]: 128
الحالة :
متابع
ahmed air سابقا
رقم العضوية : 4352
تاريخ التسجيل : 17Jan2008
المشاركات : 2,603
النوع : ذكر
الاقامة : العاشر من رمضان
السيارة: حاليا لانوس 2002
السيارة[2]: كانت فيات 132
دراجة بخارية: لا يوجد
الحالة :
الله يكون فى عونك
zarif سابقا
[rmade]http://i1342.photobucket.com/albums/o774/sasamh_1976/%202%20Copy_zpswwu0sio0.jpg~original[/rmade]
zarif سابقا
رقم العضوية : 25254
تاريخ التسجيل : 15Nov2008
المشاركات : 11,512
النوع : ذكر
الاقامة : القا هره
السيارة: شاهين 1400 /97
السيارة[2]: 516.2008 تيجو2013
دراجة بخارية: دايون 150
الحالة :
جميل الشغل بروقان
ياتقول كلام في محله يا تقول حلو ياحلو
http:///photos/a.879931698703941.107...370587/?type=1
رقم العضوية : 3041
تاريخ التسجيل : 06Nov2007
المشاركات : 1,157
النوع : ذكر
الاقامة : 6 اكتوبر - الجيزة
السيارة: ---
السيارة[2]: شيرى A11
دراجة بخارية: ---
الحالة :
اولا الله يعينك
ثانيا المحل المسمى باسم الشيخ طه ده هو السبب الرئيسى فى انى عملت موضوع مقاطعة محلات قطع الغيار الصينى الاستيراد و ذلك من خلال تعاملى معهم و تعامل اكثر من واحد معهم المحل و اللى شغالين فيه معاملتهم زفت و اسعار زفت و جليطه و تعالى و تقولهم ده سعركم اغلى من بتوع الجولف اللى بيبيعوا قطع المانى يرد عليك بتعالى و قمة الجليطه ده اللى عندى حتى ميخدش و يدى معاك فى الكلام لأ هو كده بيستغل جهل الناس بالبدائل المتوفره للسياره
ربنا يهديهم
رقم العضوية : 9339
تاريخ التسجيل : 21Apr2008
المشاركات : 702
النوع : ذكر
الاقامة : CAIRO
السيارة: مايكترش علية(سبحان العاطى الوهاب)
السيارة[2]: Chery A11 2007
دراجة بخارية: yes
الحالة :
الله ينور عليك يا استاذ/ samaty والحاجة ام الاختراع وانت نجحت فعلا فى تشغيل العربية بعد ما كانت وصلت بدون الكونترول الى (حتة حديدة) وعملت منها عربية.
وفيه اصدقاء كتير معانا هنا فى المنتدى بتقاسى مع الكنترول حضرتك فتحت لهم باب جديد للتفكير والخروج من دايرة الكنترول العقيمة دى وجشع التجار بتوع المستعمل وخاصة الشيخ طه
بس ياريت تقولنا عن الجهاز اللى اخترعته حضرتك بتاع المراوح ده عبارة عن اية وكيفية تركيبه فى دائرة كهرباء العربية وياريت تقولنا بردو عن معدل استهلاك البنزين بعد ما لغيت الرشاشات وشغلتها كاربوراتير و كيفية تركيب الاسبراتير وبياخد إشارة انطلاق الشرارة منين وشكرا على المشاركة الجميلة دى وشرح تجربتك الهايلة.
أحمد شحاتة صالح
رقم العضوية : 157837
تاريخ التسجيل : 23Mar2014
المشاركات : 513
النوع : ذكر
الاقامة : المنصورة
السيارة: فيات 126 ثم شيري ايه 11
السيارة[2]: vectera 2003 cd
الحالة :
أولا بالنسبة لتبريد السيارة
بداية الفكرة هي من عمل مؤشر الحرارة
مؤشر الحرارة ده عبارة عن عداد واصل ليه سلك كهرباء من الكونتاك والأرضي بتاعه واصل من خلال حساس الحرارة وده في أي عربية
يعني وظيفة الحساس إن كل لما العربية تسخن يوصل بالأرضي علشان العداد يرفع وطبعا توصيله بالأرضي بيختلف حسب درجة الحرارة
(تجربة عملية للتأكيد على ذلك)
افصل السلك الواصل للحساس وافتح الكونتاك من غير ما تدور لمس السلك بجسم العربية تلاقي المؤشر بتاع الحرارة رفع للآخر ولو سبت السلك مفصول عمر المؤشر ما هيتحرك مهما سخنت العربية
-------------------------------------------------------
الكلام العلمي
مؤشر الحرارة بالسيارة هو جلفانومتر متصل بكرباء الكونتاك ومتصل الأرضي عن طريق مقاومة متغيرة حراريا(حساس الحراوة)
--------------------------------------------------------
--------------------------------------------------------
الفكرة في إستغلال ذلك
دلوقتي أنا عندي نقطة عليها فولت متغير تبعا لدرجة حرارة العربية ( نقطة توصيل الحساس)
أنا عملت دايرة بمكبر عمليات تقارن الفولت ده بفولت آخر ثابت ( أحدده انا من خلال مفتاح)
بحيث لو الحرارة رفعت المراوح تشتغل
---------------------------------------------------------------------------
الكلام العلمي
تعطي رأس الحساس عند توصيلها بسلك المؤشر قراءة كهربية تتراوح بين 0 و 12 فولت وتتناسب عكسيا مع حرارة السيارة ( 12 فولت =< 25 درجة //// صفر فولت => 150 درجة)
تعتمد الفكرة على مقارنة هذا الفولت بفولت آخر يتم تحديده عن طرق مقاومة متغيرة بواسطة مقارن comprator يتم عمله باستخدام أي من مكبرات العمليات الشهيرة والمتداولة والتي يتناسب جهد تشغيلها مع كهرباء السيارة مثل ua741 او lm324 ثم استخدام خرج المقارنة للتحكم بمفتاح كهرباء التحكم ( relay) وذلك لتشغيل مراوح التبريد
------------------------------------
------------------------------------
------------------------------------
-----------------------------------
بالنسبة الاسبيراتير
مكان الاسبيراتير الالكتروني لو فكيته هتلاقي تحتيه طبة بلاستيك هتشتالها وتركب أسبيراتير فورد اسكورت أو اسبيراتير بيجو 504 بالزور بتاعه بالاضافة للموبينه وشكرا
رقم العضوية : 134709
تاريخ التسجيل : 09Feb2013
المشاركات : 898
النوع : ذكر
الاقامة : الجيزه
السيارة: toyota corolla 2013 - fluence facelift 2014
السيارة[2]: skoda octavia Fantasia
دراجة بخارية: don't have
الحالة :
برنس كبير و دماغه عاليه ..
رقم العضوية : 119672
تاريخ التسجيل : 27Jan2012
المشاركات : 6,807
النوع : ذكر
الاقامة : النزهه الجديدة
السيارة: اتباعت
السيارة[2]: lanos 1.5 16 v
دراجة بخارية: لا يوجد
الحالة :
يا نهار ابيض
رقم العضوية : 157837
تاريخ التسجيل : 23Mar2014
المشاركات : 513
النوع : ذكر
الاقامة : المنصورة
السيارة: فيات 126 ثم شيري ايه 11
السيارة[2]: vectera 2003 cd
الحالة :
المفضلات