الأسعـــــــــــار
الاسعار بتبقى كالتالي :
يارس زي الي في الصورة دي كده ب 132000
( مولاي كما خلقتني )
يارس فاضية منيول أول فئة ( شركات )
بس بيجي فيها 2 أير باج
شبابيك كهربا
راديو CD
أربع سمعات
منيوال
مريات كهربا
فيها ABS + BA
×××××××××××××
وفي يارس برضو يا مولاي كما خلقتني
بنفس الموصفات السابقه ... بس اتوماتيك دي عاملة حوالي
140.000 جنية
×××××××××××××
وفي يارس SD فل اوبشن منيول
ودي عامله حوال 140.000 جنية ويمكن زادت دلوقتي كمان
ودي الي بيبقى فيها فوانيس شبورة
وزرار أستارت أنجن و 2 ايرباج ومرايات ضم وتكيف تاتش
و6 سمعات هما مش سته سته يعني لكن الاربع سمعات العاديين + سمعتين تويتر .
×××××××××××××
وفي يارس بقه SD فل فل فل أوبشـــــــن
دي بقه الكينج والتوب سيكريت يا ريس
بتبقى أتوماتيك وفيها زيادات فتح الشنط الذكي يعني لمن تكون شايل كياس في أيديك مش لازم تحط الاكياس او الشنط على الارض وبعدين تدور على المفاتيح ولسه هتطلع المفاتيح ولسه هتحسس عن مكان الي هتحط فيه المفتاح ... وعقبال ما تعمل كل ده يجيلك السايس أبو فوطة صفرة يلزق فيك ويوقف وراك ويقلك طالع ياباشاااااااا .... طبعاً وهو بيقلك طالع يوقف يتفرج أنتا في أيديك أيه وجايب أيه أو شاري أيه ومش فاضل غير ياخود منك الكياس والشنط يقلك وريني جبت أيه .... فتويوتا يارس على طول أول ما تقرب من الشنطة الخلفية تقوم فتحالك الشنطة على طول حط حاجتك وأقفل الشنطة قواااااام .
+
كمان برضو المريات ضم ... والنواكل .... والكنبة الخلفية بتفتتفح على الشنطة
وفوانيش الشبورة ... طبعاً بتاعت التوكيل تصور ان الدراع الدراع بس الي بيبقى فيه تشغيل لومض الشبورة تمنو 650 جنية ده غير شوف بقه تمن اللومض ... لذلك الحلو في الهاي لاين أنك بتاخود قيمة حقيقية مقابل كل قرش هتدفعو ... + الجنوووط طبعاً جنوط تويوتا الاصليه مش الصيني تمنها فوق 10.000 جنية مصررررررررررررري ... انتا مش جايب جوزين جنوط من أمو 1500 لا . كاسيت تويوتا يارس تمنو 7000 او 6000 حاجة زي كده ... البرريز الخلفي لأن فيه الاريل فيه مع مقوي الموجات تمنوا فوق ال 5000 جنية ... لذلك أنتا متستهينش بالعربية دي أو تفتكرها حاجة رخيصة أو تتقارن بعربية كوري أو صيني أو حتى عربية فرنساوي تعبانه ... ومعليش انا ذكرت بعض الاسعار علشان الاخوة الاعضاء الي مستغليين الفرق بين الهاي لاين وبين الفاضية فبقولهم ان فرق السعر ده انتا بتاخود قصادوا أشياء لو هتركبها انتا بايديك هتكلفك كتيررررررررر ومش هتطلع زي الاصلي ... فاهمني .... وتحياتي .
ده رابط الموضوع الاول
http://www.nilemotors.net/Nile/415873-2014.html
المفضلات