تعملوا ايه لو حصل معاكوا زي اللى حصل معايا النهرده !!!
السلام عليكم
يا رب تكونوا بخير :shine[1]:
النهرده كنت راكن عند سيتي ستارز ومدي انتظار وفاتح الانوار وبكلم زميلي فالمويابل عشان هو كان راكن في جراج سيتي ستارز وبساله هيخرج من انهي مخرج , ومرة واحدة لقيت راجل بتاع عرقسوس شايل على ضهره عرقسوس والكوبايات ومرة واحد اول ما عدي من جنبي هووب قام متكعبل وواقع قدام الكابوت وكل حاجة وقعت من على ضهره واتكسرت قفلت مع زميلي بسرعة عشان انزل اساعده لقيته بيقول ادي اللى خدناه من العربيات !! و حوالي 30 واحد اتلموا عليه بيقوموه وفاكرين اني خبطه وجم عندي بيزعقوا انت خبطت الراجل وعمال تتكلم فالمويابل ومش عايز تنزل , يا جدعان انا مخبطتش الراجل , و واحد يقول حرام عليك ده بني ادم وقع انزل عالاقل شوفوه , عايز افهمهم اني لسة كنت هنزل ودول عمالين يقولوا حرام علييييييييييييك حرام عليييييييييك ومش مديني فرصة اني اعرفهم اني واحد زيهم كاني كنت واقف وشفته وقع وهساعده , وهما مش عايزين يسمعوا ومجرد اني معايا العربية وهو وقع قدامي وربنا ابتلاني بكده عمالين يتكلموا ويعلوا صوتهم وفالاخر الراجل بتاع العرقسوس ساكت ومقلش حتى انه هو اللى اتكعبل ووقع لوحده وانا كنت واقف ومقربتش منه , كل اللى قاله فالاخر خلاص يعم حصل خير وانا مسامح !!
ومشيت فالاخر كان انا اللى غلطان , لو كنتوا مكاني كنتو هتعملوا ايه ؟!!
كل ده عشان انا اللى معايا عربية ووقع قدامي :8954[1]: