الموضوع: .:: مقارنة تفصيلية مبين تويوتا كورولا 2014 و هوندا سيفيك 2014 ::.

المشاركة الأصلية كتبت بواسطة carrier

رغم العبقرية اللى ممكن تحسها فى الكورولا 2014

الا ان عشق الثقة فى علامة هوندا خلت

السيفيك 2014 سحبت البساط من الكل بسلاسة تحسد عليها

اتفق مع حضرتك جدا , السيفيك عربية هايلة و عظيمة .

في وجهة نظري موديل 2014 الكورولا تتفوق و بجدارة عن الهوندا في كل شئ و تفوق ملحوظ وده باين في المقارنة و الاوبشنز .
وده اللي مخلينا نشوف الكورولا الجديدة اكتر بكتير من الهوندا الجديدة رغم انها نزلت قبل الكورولا بفترة حلوة .
اسم هوندا و سمعتها هي اللي خلاها تسحب البساط من الكل و ده اتفق فيه جدا مع حضرتك

المشاركة الأصلية كتبت بواسطة nyzo

مين فيهم افضل من ناحية الميكانيكا و العفشة و التقفيل؟

التقفيل لازم تشوفه علي الطبيعة و تقارن و انا هحتفظ برأي لنفسي عشان في ناس بتزعل.

الميكانيكا هل تقصد بيها الموتور و الفتيس ؟
موتور العربيتين زي بعض تقريبا و لكن فيتيس الكورولا افضل عشان cvt عدد لا نهائي للنقلات مقابل ٥ سرعات للهوندا بيديها تسارع افضل و استهلاك بنزين احسن.

العفشة في الكورولا تورشن بيم انعم من الهوندا مالتي لينك انشف شوية بس بيديها ثبات اعلي شوية و لكن علي حساب صعوبة و غلو الصيانة للمالتي لينك.

بالنسبة للاعتمادية فالاتنين متقاربين و لكن الكورولا تتفوق في ان سير الكاتينة جنزير مش بيتغير علي عكس الهوندا كل ٦٠ الف كم و الصيانة دي بتبقي غالية ،
كمان البوجيهات في الكورولا بتتغير بعد ال ١٢٠ الف كم بعكس الهوندا كل ٣٠ او ٤٠ الف كم.

اما الاوبشنز فزي مواضح في التقرير انها في صالح الكورولا بفرق ملحوظ.