الموضوع: يوم صعب و مهازل فتوكيل ابو رواش

كنت عاوز احجز صيانه ال10 الاف و اتصلت بالكول سنتر ادانى معاد بعد شهر وكان عندى مشكلتين الى هما التكييف و ده اكلمت عنه فموضوع منفصل و البطاريه الى عندى سائله و كانت بتنزل السائل الى جواها و هتبوظ فرده الشاسيه المهم عملت صيانه ال10 الاف فمودرن عشان مش هستنى شهر و روحت التوكيل عشان اعمل المشكلتين دول و تم ضبط التكييف و تغيير البطاريه بواحده جافة
و عربيتى دخلت 11 و قعدت اتابع مع المهندس لغايه اما الساعه بقت ٤ و اتصل بالورشه قالوله دى خلصانه من بدرى و استلمتها قالى انا اسف محدش بلغنى يعنى قعدت بتاع ساعتين عالفاضى

المهم بقى شفت ايه فالتوكيل فاليوم العسل ده
اول واحد كان سواق تاكسى و جاى يعمل حاجه فالدبرياج و المهندس قاله انك بره الضمان عشان قلبت عربيتك غاز و الراجل قعد يدعى عليهم و عمل مشكله و برضه مشوه و قالوله انت بره الضمان

ثانى واحد الجنط بتاعه اكسر فمطب اشترى جنط من عندهم و طلع مستعمل و عمل خناقه كبيرة و مكنوش عاوزين يغيروه و بعد زعيق و خناق ادولوه واحد تانى جديد بالكرتونه

ثالث واحد ده بقى الى كان كارثه بكل المقاييس سواق تاكسى برضه و العربيه مشيت ٣ الاف كم و جابت موتور عيب صناعه وخدوها و قالولوه 10 ايام و تعالى خدها و كان جاى يستلمها العربيه ماطلعتش اصلا عالطريق و لقوا ان لسه فيها مشكله تانيه و لازم تقعد تانى ده غير انه لقى الشنطه و الصالون متبهدله بنزين و زيت واضح انهم كانوا بيخزنوا الى فكوه فيها و عمل طبعا مشكله كبيرة و زعيق و خناق و فالاخر جابوا واحد جه استلم العربيه و كان صينى الجنسيه واضح نه مندوب من الشركه و استلمها

فالحقيقه التوكيل عار على غبور و المشاكل هما مش قدها