الموضوع: اول تعامل ليا مع وكيل كيا ومش عارف اتصرف ! ساعدوني يا شباب

المشاركة الأصلية كتبت بواسطة mina kheir

أحلي شباب في المنتدي ......معلش دي اول مشاركه ليه و انا اصلا جديد في مجال العربيات ومش عارف اتصرف ازاي !

رحت من حوالي 6 اسابيع احجز عربية كيا ريو هاتشباك هايلاين 2014 ..من وكيل كيا ( eit ) ......دفعت 10000 مقدم الحجز واستلمت ايصال بالفلوس الي ادفعت ......يومها سالت في اي حاجة تاني المفروض باخدها ورق او عقد اتقالي لا تمام كده

بعدها بكام يوم عرفت من حد من صحابي اني المفروض بستلم حاجة اسمها purchase order form في مواصفات العربية ، معاد التسليم ، والقيمه الي هدفعها

رحت حاولت اطلعها مرتين مرة بعد ما دفعت المقدم بكام يوم والمرة التانية انهرده ! .....انهرده بقا سمعت كلام جديد خضني وخوفني اكتر انا كنت رايح علشان اسال عن معاد الاستلام المتوقع اتقالي انه اللون الي انا طالبة مش هيجي تاني 2014 .....ومش هينزل غير 2015 منه ! حابب يا فندم تستني ال 2015 ولا تسحب فلوسك !؟ .....صراحه الناس محترمه معايا بس انا بحب الشغل يبقا رسمي اكتر ! بعت شكوتين واحده للشركه الام ، ولكيا مصر ، بطلب فيها بورقة تفيد المواصفات والسعر الي هدفعه ومحدش عبرني حتي علي الفيس بوك محدش اداني رد

طيب ما انا عاوز العربية ومش معترض علي ال 2015 لكن انا كده بشتري سمك في ماية لا انا عارف سعر ال 2015 كام ولا شكلها ولا مواصفاتها ولا اي حاجة خالص اتصرف ازاي !!؟

ومعقووووووووووووووول مصر كلها مفهاش عربية كيا ريو هايلاين فضي 2014 وان كل الناس هتستني الموديل بتاع 2015 !!!!!!!!!!!!!!!!!!!

يا ريت يا باشا تبعت ايميل تاني لكيا كوريا وتكتبه باسلوب منظم.
وانا متاكد إنك هتاخد حقك و زيادة

المشاركة الأصلية كتبت بواسطة amromdiab

يا ريت يا باشا تبعت ايميل تاني لكيا كوريا وتكتبه باسلوب منظم.
وانا متاكد إنك هتاخد حقك و زيادة

مرسي يا فندم علي الرد .....

انا شايف انهم ماغلطوش .. وقالولك لو عاوز تاخد فلوسك عادى
يعنى مش هيخصمو منهم حاجة ولا الكلام دة

يعنى ممكن تسحب فلوسك وتدور فى المعارض على اللون والاستلام فورى

علي ما اعتقد ان الشكل هو هو و ان احتمال تغير الشكل 2016 .... انا راي تستني 15

المشاركة الأصلية كتبت بواسطة afrikano

انا شايف انهم ماغلطوش .. وقالولك لو عاوز تاخد فلوسك عادى
يعنى مش هيخصمو منهم حاجة ولا الكلام دة

يعنى ممكن تسحب فلوسك وتدور فى المعارض على اللون والاستلام فورى

بصراحه انا مقلق من التعامل الي بدون ورق ده ! ........ما ممكن وقت الجد يقلي هنخصم عليك كزا علشان مستنتش ! :d ما انا لو معايا اي ورقة تفيد معاد الاستلام امتا او حتي موديل العربية ومواصفاتها كنت قدرت اتكلم . انا كل الي معايا ايصال بمبلغ الفلوس مكتوب انه مقدم حجز عربية كيا ريو hb hl حتي سنه الصنع مش مكتوبه !

علي العموم شكرا يا فندم للمساعده

المشاركة الأصلية كتبت بواسطة mahmoud/nabil

علي ما اعتقد ان الشكل هو هو و ان احتمال تغير الشكل 2016 .... انا راي تستني 15

ما انا قررت استني فعلا ....بس اصدار الجديد هيوصل في شهر 7 وطبعا مش هيسلموني علي طول والله اعلم سعرها كام هيكون وقتها وايه الاختلاف في الاوبشنز الي فيها

فعلا ابتديت احس اني غلطت وتسرعت لما تعاملت مع كيا