قصه دراميه من واقع الحياه حدثت لي للعظه والعبره

**prof2013** · 03-05-2014 07:35 PM

المشاركة الأصلية كتبت بواسطة a raafat

الصراحه حضرتك كرهتنى فى جواز الصالونات أكتر منا كارهه ههههههه
بجد مش قادر أتقبل او اتخيل لوهله انى أروح بيت ناس معرفهمش وأول مره اشوفهم عشان اشوف بنتهم اللى يا تعجبنى يا متعجبنيش او انا يا اعجبهبا يا معجبهاش وكأن الموضوع بضاعه بتتباع !

وبعدين لو دخلت عند ناس والبنت مثلا معجبتنيش وحسيت ان هيا موافقه بيا ومتمسكه بيا ساعتها هيبقى صعب عليا ارفضها واكسر بخاطرها ولو رفضتها هيجيلى عقده وهحس بالذنب

ونفس الحال عليا مش قادر اتخيل انى ممكن أروح أتقد لواحده وأترفض يا نهار أسود ده انا ممكن اتعقد ساعتها من الصدمه ومتقدمش لحد تانى وأعيش من غير جواز

ومش معنى كلامى ده انى رافض جواز الصالونات انى واد مقطع السمكه وديلها ومقضيها ولازم اتجوز عن قصه حب ملتهبه زى الافلام لا لا لا أطلاقا

لكن من وجهة نظرى أن فى طريقه جواز تانيه ممكن تكون حل وسط بين الحب و جواز الصالونات وهيا ان الواحد هوه اللى يلاقى عروسته بنفسه سواء بقى معاه فى الشغل او الكليه او النادى وميقدمش على خطوه الجواز الا لو تأكد وتيقن أن البنت متقبلاه ولو دخل البيت من بابه هيتقبل والموضوع هيتم

بالمناسبه فى موقف حصل امبارح ومحيرنى ومستغربه جدا : طيب دلوقتى جواز الصالونات مع انى ضده بس ممكن نقول اللى بيلجأ ليه ممكن واحد مش اجتماعى او معندوش علاقات كتير فده طريقه او المسلك اللى قدامه
لكن تقولوا ايه لواحد اعرفه ماشاء الله اجتماعى وليه صديقات وزميلات كتير وعلى فكره فى حدود الأحترام والزماله مش اكتر وكلهم فضليات لكن يوم أما فكر فى الجواز عايز يتجوز جواز صالونات وموصى الستات قرايبه يدوروله على واحده !! بجد حاجه غريبه اوى كنت عايز امسكه اضربه والمصحف يعنى انت قدامك الناس اللى تعرفها وعارف شخصيتها والحاجات الحلوه والوحشه فيهم وتاريخهم وسايب كل دول ورايح لواحده متعرفش عنها حاجه ولا تعرف ماضيها وطول فترة الخطوبه هتكون ممثله قدامك !!!
جواز صالونات نووووووووووووو حتى لو مش هتجوز :(

خالي كان بيحب بنت جميله جدا وشاطره جدا ومتعلمه وهي كمان كانت بتحبه لما جه يتجوزها جدي ابو خالي مرضيش وقاله اجوزك موظفه احسن تساعدك في ظروف الحياه القاسيه
لفت بيه الدنيا وتزوج واحده ........ مش مهم التفاصيل علشان منعيبش في حد
بس لولا ان خالي مؤدب مالوش في سكه الحريم كان اتجوز عليها بس رضي باللي ربنا كتبهوله وسكت
جواز الصالونات فااااااااااشل فاااااااااااشل
هو الطلاق زاد من قليل !!!!!!!!!!!!

**prof2013** · 03-05-2014 07:47 PM

المشاركة الأصلية كتبت بواسطة بحار

عزيزى..... استمتعت بقصتك جدا رغم مابها من مفارقات غريبة .ورأيى المتواضع انك مفيش مشكلة عملتها لما ماتقدمتش لوفاء بل على العكس كان تفكير عقلانى جدا انت وقتها مش مؤهل لموضوع ارتباط وانت بتدرس وكانت نتيجة التفكير الصح ده الوضع السليم الحالى هيا جالها انسان جاهز وانت تفرغت لوضع اولى خطوات الطريق الصح وهو العمل .. اما من ناحية العرايس الغريبه دى والغير مناسبه اطلاقا .. انا شايف ان ربنا مش كاتبهم ليك ولكن سبحانه خلقك ويعلم طريقة تفكيرك وكاتبلك واحده ان شاء الله فى الطريق لو كانت جاتلك فى الاول كنت ممكن ترفضها فربنا وضع التجارب دى فى طريقك علشان تتعلم منها وتستفيد خبرة تخليك توافق بعد كده على واحده معينه فى علم الغيب عنده . واحساسى الشخصى انك طيب وان شاء الله ربنا هايبعتلك واحده احسن من كل دول . وخد بالك فى الاختيار وعلى مهلك مهما كانت الضغوط لان الغلطه فى الموضوع ده مش بفوووورة لاء دى بتبقى غلطة العمررررر

شكرا اخي لمرورك الكريم
كلامك اثر فيا واعطاني بريق من الامل .. اتمنى ان اكون عند حسن الظن
ملحوظه : حاولت اعلق على مواضيع لك قبل كده بس الواد المكشر فى الصورة ده خوفنى ياريت تغيرة او تخليه يضحك الله يكرمك

ههههههههههه اضحك الله سنك
بس عاجباني اوي الصورة دي بتعبر عن التشاؤم والشعور اللي انا حاسس بيه
دع الصورة تتكلم لوووول