يا فندم لو جت على اكل الاولاد يبقا تحمد ربنا
انا عايز اقولك انهم عايزين ياكلوك انت شخصيا انت واولادك
بيقولك 92 بتاع الاغنياء
حاجه تجنن بصراحه
عرض للطباعة
يا حلاوة يا ولاد
بسم الله ماشاء الله علي كدا المنتدي كله اغنياء امال بندخل نسال علي قطع الغيار ليه ومين ارخص واحد والله احنا بنهزر احنا اغنياء يا جماعه
فعلا انا غنى انا غنى انا غنى . انا مش عارف هودى الفلوس دى كلها فين :)
انا دخلت اقرأ الردود واكتشفت قد ايه الشعب ده جاهل والله
يا جماعة تركيا اللي قعدتوا تقولوا عايزين نبقى زييها عندها اغلى سعر للبنزين في العالم .. اللتر ب 16 جنية والشعب مش بيشتكي
الرئيس بتاعهم زمان طلع قال لهم هنواجه ايام صعبة عشان نقوم على رجلينا .. انتوا عايزين تريحوا وتاخدوا فلوس وبس
موضوع الطاقة ده لازم يتحل باسرع وقت .. لازم العم يتلغي
ماشي , يتلغي
و طالما هانلغي الدعم زي تركيا ناخد باقي الpackage بتاعة تركيا
نلغي الجمارك طالما مافيش دعم
و بالمرة عايزين متوسط دخل الفرد زي تركيا كده
هو حل ازمة الطاقة ما يجيش غير على المواطنين بس ؟
ما يجيش على رجال الاعمال يعني ؟
دعم المواطنين يتلغي انما دعم الطاقة لصناعات معينة ما يتلغيش ؟
في المقابل الصناعات دي بتبيع للمواطنين بالسعر العالمي برده يعني الفرق في جيب رجال الاعمال و هنا طبعا لازم تطلع علامات الاستفهام الشهيرة
التقشف ما يجيش الا من جيوب المواطنين انما من مرتبات و مكافئات و حوافز الوزرا و المستشارين و المحاسيب و الجنرالات لأ ؟
مبدئيا احنا مش جهلة احنا اقل واحد فينا بيفهم اكتر منك عشر مرات على الأقل
بس اما ترفع الدعم يبقى تفتح باب التصدير للحديد والأسمنت وغيره من غير جمارك عشان تنزل أسعار السلع
ولا حضرتك عاوز تخلى البنزين ب 16 جنيه والناس هنا بتركب موتوسيكلات حلاوة بالقسط ؟؟ والناس اللى دخلها أقل من 1000 جنيه هتعمل ايه اما ترفع الدعم ؟؟
من الآخر كل قوانين البلد وكل اجراءاتها مبتجيش لمصلحة المواطن الغلبان
الضرائب المستحقة على نجيب ساويرس لوحدها كفيلة انها تغطى الدعم دة ييجى سنة قدام لكن محدش بييجى جنبه كله بيدور ياخد من لحم الغلبان وخلاص
عاوزنا نبقى تركيا نبقى زى تركيا ... دولة قانون محدش فوق القانون لكن تفصيل قوانين وشد حزام على الغلابة بس يبقى دة الظلم والجهل بعينه