عرض للطباعة
انا معيا عربية نوبيرا 2008 عاملة 3600 كيلو النهاردة وانا على الاتوستراد كنت دايس على اخر البنزين والعربية جت عند 130 ووقفت ومكنتش مشغل التكيف ولا حاجة مع ملاحظة ان انا مكنتش حارق على الغيار يعنى جبت الخامس على 90 وكملت لحد 130 ووقفت على كدة دة عادى ولا اية انا خلاص مش عارف نفسى وقفت من العربية دى ومن التوكيل بتعها
النوبيرا سهل جدا تقفل عدادها
بس احرق على الغيار
خلى الرابع لحد 120 او 130
وانقل على الخامس وهتجمع معاك
بس بلاش دلوقتى الحوار ده خليك لما تقفل 5000 كيلو على الاقل
مش صح خالصاقتباس:
المشاركة الأصلية كتبت بواسطة kodak_gti
اعتقد عندك حاجة غلط لأن لا يمكن النوبيرا تقف عند 130 حتى لو على الخامس لأن النوبيرا معروف عنها السرعة
اكيد فى حاجة عندك غلط ياباشا
انا معايا نوبيرا 2008
وجيبت بيها على الصحراوى 160 وكان ممكن تزود بس الخوف بقى ومن غير حرق
طيب ما تقوله على الصحاقتباس:
المشاركة الأصلية كتبت بواسطة Dr_lanos
اصل انا مش بعرف اسوق
اقتباس:
المشاركة الأصلية كتبت بواسطة kodak_gti
بالعقل كدة ازاى يجيب على الرابع 130 كيلو اذا كان على الخامس جايب 130 بالعافية و الدواسة على الارض على حد قوله
اوضحلك اكتر
يعنى مثلا هات التانى و دوس حتى نهاية الدواسة فى الارض
و هات الثالت و دوس حتى نهاية الدواسة فى الارض
بزمتك كدة انهى اللى هيخلى العربية سرعتها اكتر على الطريق التانى و لا الثالث
نفس القصة مع الرابع و الخامس
المفروض حسب الكتالوج ينقل على الخامس عند اقصى سرعة للرابع 85 كيلو
و بعدها يفتح على الخامس مستريح زى ما هو عايز
يبقى الكلام اللى حضرتك قولته كان غلط و مش صح
يا باشا لما تلاقي السرعة وقفت عند 130 شيل رجلك خالص وبعدين ارجع دوس تاني كذا مرة. و لو برضه ماجمعتش ارجع عالرابع تانى و شبع الغيار لغاية 110 و بعدين حطها عالخامس.
و خد بالك ان الموتور لسه بيطبع فواحدة واحدة و ماتستعجلش.
انا معايا 2008 و جبت 180علما بأن أول مرة جريت بيها ما زادتش عن 140
حضرتك كلامك غلط وخالى من الصحهاقتباس:
المشاركة الأصلية كتبت بواسطة Dr_lanos
لو اى حد عمل اللى انت بتقول عليه حتى لو الكاتالوج كاتب كدا
الفرارى اخرها هيكون 200 مش 340
من الواضح ان Dr_lanos عربيته لانوس و ربما يكون بيتكلم من المنطلق ده.
النوبيرا 1600 مش 1500 و سهل جدا تخليها فايقة و بتجيب معاك وقت اللزوم بس لاحظ ان عربيتك زيرو و الموضوع ده بياخد وقت فواحدة واحدة و ما تستعجلش عشان الموضوع ما يجيبش نتائج عكسية.
و كنت عاوز أوضح ان في فرق بين ان التالت يوصل لغاية 80 وان انا امشي بالتالت على 80 و النقطة التانية ان القيادة استايلات في سبورت و في كلاسيك وكل واحد و طبيعته.
و يا استاذ merosss خد بالك من نوع البنزين. انا بتكلم من واقع تجربة ,انا بحط 92 و الدنيا زي الفل والحمد لله و العربية عاملة 9230 كيلو من يوم 4 ابريل 2008 لغاية النهاردة و انا بحب اشبع الغيارات لما آجي أشد كالتالي:
التاني 50
التالت 80-85
الرابع 120
الخامس 120+
أهم حاجة تكون حافظ الطريق اسفلت و رادار وما تنساش تبص على speed index بتاع الكاوتش.
العربية عايزة تفتيح يا معلم
اقتباس:
المشاركة الأصلية كتبت بواسطة Dr_lanos
من المعروف ان العزم الخارج من الموتور مع الغيار الرابع
بيكون اكثر من العزم الخارج مع الغيار الخامس، فالمقصود هنا
هو التجميع بقدر الامكان على الغيار الرابع ثم الانتقال بعد ذلك
للغيار الخامس.
من المعروف ايضاً انك إذا اردت ان تزيد من سرعتك بشكل فوري
فعليك بتقليل الغيار للحصول على عزم اعلى يساعدك على زيادة
سرعتك.
يوجد سيارات باربع غيارات فقط وليس 5 غيارات، وانا بنفسي
عديت الـ160 باكسيل 1300على الغيار الرابع في ساعة "طيش"!!.
هو ده الكلام اللى اقصده يانادراقتباس:
المشاركة الأصلية كتبت بواسطة Nader
ان الغيار اللى قبل الاخير هو اللى تجمع عليه اعلى سرعة سواء كان التالت او الرابع حسب غيار العربية اذا كانت اربع غيارات او 5 غيارات
على كلام الدكتور لانوس بقة انقل على الخامس وانا على سرعة 85 علشان اجيب 180 دى اقعد نص ساعة علشان العربية تجمع
وكلامك يا دكتور لانوس طلع مش صح
اولا نحب نعرف العربية اتلينت ازاى؟؟؟ لو اتلينت بطريقة التحسيس يبقى اللى حصل دة طبيعى
تانى حاجة عشان تجمع سرعة انت محتاج تحرق على الغيارات... يعنى التسعين دى تنقل من التانى للتالت مش من الرابع للخامس
اقى سرعة حبتها باللانوس كنت حاطت خامس و العربية مشية 150 و كبست لحد 170 و خفت من الطريق
MMamdouh
انا متشكر جدا على رددكوا يا جماعة وانا هجرب تانى كدة واحرق على الغيار وخصوصا انا الطريق فى الحتة دى يعتبر مطلع بسيط يعنى هجرب على الناحية التانية يما يبقا الطريق نازل واحرق على الغيار الرابع
مع احترامى لوجهة نظرك اللى انا عارفها كويس بس الكلام اللى بتقوله دة مش صح اساسا على الموتور و المفروض يمشى حسب التعليمات اللى الشركة المصنعة حددتها للعربية و الا كدة يبقى بيطحن الموتور و بياكل بنزين بالهبل علشان مش قادر يعالج مشكلة فى الموتور منعته انه يوصل للسرعة اللى هو عايزها بشكل صحيح اظن كدة كلامى بقى اوضح للجميع اللى بيأيدوا الكلام الخاطىء للاخ كودكاقتباس:
المشاركة الأصلية كتبت بواسطة Nader
على فكرة هو مش طحن ولا حاجة، طول ما انت تحت الـ Red Zoneاقتباس:
المشاركة الأصلية كتبت بواسطة Dr_lanos
يبقى مفيش مشكلة، اينعم هو هيجي على عمر الموتور وعمر اللي راكبة!
بس زي ما بيقول المثل اللي معاة قرش محيرة .... يجيب موتور ويغيرة!
بالنسبة لتعليمات الشركة المصنعة فاحب الفت نظرك ان اقصى عزم للموتور
بيتحقق على عدد لفات عالي "بالنسبة للمواتير البنزين" قد يتخطى 5200 لفة.
والموتور مش بيتطحن ولا حاجة، دي معلومات الشركات المصنعة هي اللي منزلاها.
على فكرة دي مش وجهة نظري ولا حاجة، انما دي أ ب القيادة الرياضية.
وفي النهاية هقول برضة في العجلة الندامة!
اقتباس:
المشاركة الأصلية كتبت بواسطة Nader
تمام بس فى حاجة حضرتك موضحتهاش للاخ كودك ان حركة الحرق دى بتاكل بنزين بالهبل بجانب ان بتهلك الموتور زى ما انت قولت و المفروض انه ميحصلش كل دة اصلا لان الواحد ماشى فى شارع مش داخل سباق علشان يعامل العربية بالطريقة دى و بعدين الراجل بيقول العربية لسة جديدة نقوم نقوله احرق فيها بالشكل دة و بالطريقة بتاعة الاخ كودك انه يجيب 130 على الرابع و العربية فيها خامس يبقى كدة العربية مش هتعمر ابدا دة غير استهلاك البنزين البشع
يا اخ كودك قبل ان تقول معلومة ادرسها جيدا حتى لا تضر احد بها
مع احترامى و تقديرى لأى حد اتكلم هنا
***********
ايه اللى انتم بتقولوه ده اصلا ؟
هو الراجل راكب كرو ؟
************
************** ........
يا استاذ روح التوكيل اكشف على طقم الكهرباء عشان احيانا كتير النوبيرا بتنزل من التوكيل فيه مشكله فالبوجيهات فيها يا أما تشوف الرشاشات
و مات الكلام على كده
**********
**************************
- ممنوع تماما التهجم أو التهكم أو شخصنة الحوار بين الأعضاء فى المنتدى سواء بالإهانة او السخرية او ايه اساليب مشابهة.
ستعامــل هــذه المشاركـــات بالحــذف
• فى حالـة مخالفـة هـذه القاعـدة أول مـرة سيتـم إنـذار أول العضـو مع إيقافـه أسبـوع .
• فى حالـة مخالفـة هـذه القاعـدة ثانى مرة سيتـم إنذار ثانى العضـو مع إيقافـه أسبوعيـن.
• فى حالـة مخالفـة هـذه القاعـدة ثالث مرة سيتـم إلغاء عضويتـه.
إن تدخل المشرف في هذا الحوار نهائي لا يصح بعده استكمال الفعل المستوجب للعقوبة مرة أخرى ، وأن إعادة تبادل الاتهامات في الموضوع ذاته يستوجب العقوبة الأشد فوراً .
تحذير للعضو لتهجمة و تهكمة على الاعضاء
مشرف القسم
مع احترام جميع المشاركين لحضرتكاقتباس:
المشاركة الأصلية كتبت بواسطة MegaDeth
ارجو احترام الاخرين فى ردودك و اعتقد الناس الى هنا على قدر من الخبرة تمنعهم من "الفتى" زى ما انت بتقول
و الفتى من الواضح انة جي من نحيتك انت علشان تقرر ان فى مشكلة فى الرشاشات و البوجيهات من غير ما تسئل عن الاعراض الى ممكن تحصل اذا كان فى مشكلة فيهم
و الاعراض دى موجودة ولا لا
و الواضح انك متعرفهاش اصلا
اسمحلى استعين بكلامك الى فوق
اعود باللللللللللللله !!!!!!!!!!!!!!!!! امتى بقا تبطلو تحوير !!!!!
برضع مع احترامى اكتر ليك يعنى الراجل سأل سؤال واضح جدا
رحتم مدخلينه فعدد لفات الموتور
و اللى يقولك الار بى ام معرفش ماله
و اللى يقولك اصل مواتير البنزين معرفش ايه
بزمتك ده يعنى فتى ولا لأ ؟
ار بر ام ايه اللى يخلى العربيه متجبش اكتر من 130 على الخامس ؟
يا سلاااااااااام
دى عربيه 2008
يعنى لو و انت على 100 حتى مش 130 كمان و كبست بنزين للأخر برضه هتاخد سرعتها بالوقت و هتقفل عدادها لو فضل دايس
يبقى مين اللى بيفتى دلؤتى ؟
انتم بتضحكو على نفسكم ولا بتضحو على الراجل ولا على مين بالظبط ؟
قل لا حول ولا قوة الا بالله و ليس لا حول الله لاننا ليس لنا حول الا بالله و لاكن انتا كدة كاتب العكساقتباس:
المشاركة الأصلية كتبت بواسطة MegaDeth
واضح جدا الهمجية فى اسلوب كلام حضرتك و عدم اتباع الاسلوب الجيد فى النقاشاقتباس:
المشاركة الأصلية كتبت بواسطة MegaDeth
للاسف الاسلوب دا غير متبع بينا هنا
نرجو من حضرتك الرد على المداخالات باسلوب محترم والا وجودك غير مرغوب فية
و بكرر مرة اخرى مفيش حد هنا بيفتى
نرجو من الادارة التدخل و النظر فى اسلوب الكلام الغير مقبول
و واضح كمان انك معندكش رد على كلامىاقتباس:
المشاركة الأصلية كتبت بواسطة Sherif Khalifa
انا مش شايف اى همجيه على حد قولك قى كلامى
هو انت اللى يقولك الحقيقه يبقى همجى ؟
انا عاوز حد من الأدارة !!!!!!
يا بتوع الأدارة لو سمحتو يعنى لو انا همجى قولولى !!!
عشان الأستاذ ده كلامى مضايقه جامد
يا ريت تشوفو ايه مشكلته
- ممنوع استخدام اللون الاحمر في المداخلات او التوقيع حيث إنه مخصص فقط للمداخلات الادارية من قبل الاشراف والإدارة .
سيتــم تغيـــر لون المشاركــة إلى اللون الأســود
• فى حالـة مخالفـة هـذه القاعـدة أول مـرة سيتم تحذيــرالعضـو .
• فى حالـة مخالفـة هـذه القاعـدة ثانى مـرة سيتـم إنـذارأول العضـو .
• فى حالـة مخالفـة هـذه القاعـدة ثالـث مرة سيتـم إنذار ثانى العضـو مع إيقافـه أسبوع.
تحذير للعضو لاستخدامة اللون الاحمر
مشرف القسم
اقتباس:
المشاركة الأصلية كتبت بواسطة merosss
مفكرتش تنزل على الغيار الاقل الرابع يعنى عشان يدى عزم للعربية اكبر احتمال تكون طالع مطلع او ضغط الهوا جامد حبتين وخد بالك انها ماشاء الله جديدة لسة
بس متقلقش بتحصل معايا كتير على الطريق السريع وبنزل على الغيار الاقل وبجرى برحتى على فكرة انا جبت على طريق الدائرى بتاع الغردقة الطريق الدولى يعنى210 بالنوبيرا بس منصحكش تعملها عشان حصل ماليمكن ان تصدقة عين بس الحمد لله
العربية مشيت على تلت كوتشات بس:thinking:والكوتش الرابع كان بيعمل سفارى فالصحراى
اخى الكريم استحاله 130 بس
انا كنت امتلك نوبيرا 2003 وكنت جايب 190 والعربيه فيها 5 افراد منهم واحد 130 كيلو
انته فى حاجه غلط عندك
فعلا انا معنديش رد على كلامك علشان انت دخلت فى نص النقاش بكلام غريب و غير مقبول و هجوم على ردود الناساقتباس:
المشاركة الأصلية كتبت بواسطة MegaDeth
حضرتك لو جبت واحد بيتعلم سواقة وقولتله احرق على الغيار هيقولك ان كده هتاكل بنزيناقتباس:
المشاركة الأصلية كتبت بواسطة Dr_lanos
بس هيقولك معلومة ليك المفروض تكون عارفها (اسمها سواقة رياضية)
واحنا مش بنقوله اعمل كده احنا بنقوله لو عاوز تجيب سرعة احرق على الغيار وهى دى السواقة الرياضية
ومثال اتفرج على افلام سباق السيارات والسرعة
وشوف العربيات لما تيجى تسابق ومجمعين سرعات عالية بيسقطوا غيار علشان تجمع اسرع و يجيبوا الغيار اللى بعده تانى ( يبقة الناس دى مبتفهمش ومش دارسين زى ما انت قولت؟؟!!!)
وانا قولتله ميعملش كده دلوقتى علشان العربية لسة فى التليين على الاقل ب 5000 كيلو
الناس اللى هنا معترضة على كلامك وبتقول انك غلط
وانت الوحيد اللى بتقول ان كلامى غلط
وانا عمرى ما بسوق بالطريقة دى ابدا غير مرة وحدة لما اشتريت عربيتى
نوبيرا 2001 وطلعت جربتها وجبت بيها 200 علشان اتطمئن من حالة الموتور
احنا هنا بنجاوب على استفسارات الاعضاء اللى بيعرف معلومة صحيحة بيقولها
معنى كده لو واحد سأل مثلا إزاى اعمل دريفت او ازاى اخمس وقولناله على الطريقة يبقة احنا كده بنضره ولا بنعرفه معلومة؟؟ وطبعا وهو حر يعملها او ميعملهاش ؟
وبعدين الحمد لله دارس وفاهم كويس جدا ومش بضر حد
شكرا على ردك
ع فكرة يا جماعة انا معايا نوبيرا 2001
عاملة دلوقتى 205000كيلو
لسة امبارح كنت ع طريق بلبيس الصحراوى
وجايب بيها 220 كيلو
ولما بشد
الاول 60كيلو
الثانى 90كيلو
التالت 145كيلو
الرابع 175كيلو
الخامس 220كيلو
والار بي ام بيبقة ناقص فية حوالى 250 لفة
صح , عمرك ما حتوصل للسرعة دي إلا كدةاقتباس:
المشاركة الأصلية كتبت بواسطة gogogo
ya ragel elawel gab m3ak 60 :De7na 3ashan ben7ases 3alrbya eltany mabygebsh m3aya 60 :D:Dbas rabena yebareklak feha we elawel ygeb 120 km,an
اقتباس:
المشاركة الأصلية كتبت بواسطة gogogo
:eek_yello: كتير اوى بصراحة الحرق ده :3gears:
ربنا يستر طريقنا وطريقك
بس بلاش السرعات دى انا بجيب الخامس على سرعة 80 بصراحة :2003126104835_wrc:
ومبشدش مع حد
انا بس جربت العربية اول لما اشتريتها وجبت بيها 200 ومكررتهاش تانى
والله بتبقى ساعة طيش والواحد مش عارف هو بيعمل اية وربنا يسترها علينا جميعا ويهدينااقتباس:
المشاركة الأصلية كتبت بواسطة kodak_gti
حصلت معايا قبل كده و كان سيلك البنزين مرخى من مكانه راجع عليه كده ممكن يكون سايب ولا حاجه عادى
أولا معلومة بسيطة
الحرق على الغيارات ده معروف و أسمه القيادة الرياضية العنيفة
بس هل ده بيهلك الموتور .......... نعم
هل بيستهلك بنزين ............ نعم
هل ممنوع عمله ........... طبعا لاءة
أفضل قيادة هي القيادة الهادئة للحفاظ على عمر المحرك و الحفاظ على استهلاك البنزين عند أفضل نقطة لخروج العزم من السيارة و هي تقريبا تتراوح ما بين 2800 إلى 4000 لفة حسب تكنولوجيا المحرك
بس اللي عايز يجيب سرعات عالية و بسرعة مينفعش على الخامس خالص
الخامس ده مصنوع لراحة المحرك و تقليل إستهلاك البنزين
إنما عايز تجيب سرعات عالية لازم تفضل على الرابع لغاية مش أقل من 180 أو 190 لو العربية جايبة معاك و أهم حاجة في الموضوع أنك تكون باصص على عداد اللفات علشان المنطقة الحمراء أو قبل منطقة الخطر
يبقى لو عايز تشد
الأول لغاية 30 إلى 40
و الثاني حتى 60
و الثالت لغاية 110
و الرابع حتى السرعة المرغوبة و حتى 180 مثلا
إنما الغيار الخامس مفيهوش عزم عالي و زي ما قلت قبل كدا ده محطوط علشان راحة المحرك و تقليل الإستهلاك ليس أكثر
السرعات الإقتصادية ( توفير بنزين و تطويل عمر المحرك و السيارة )
الأول حتى 20
الثاني حتى 35
الثالث حتى 50
الرابع حتى 80 أو 85
و الخامس بعدها
و الطريقة الثانية أفضل فقط لتقليل البنزين و الحفاظ على عمر المحرك
و لكن الطريقة الأولى ليست خاطئة
و لكنها عند لزوم الشد فقط أو أحتياج السرعة
و في النهاية
لا أنصح بالسرعة نهائي
في الـتآني السلامة و في العجلة الندامة
و العجلة من الشيطان
ايه الكلام الكبير اوى ده يا توت باشا
منور الموضوع:biggrin2:
اقتباس:
المشاركة الأصلية كتبت بواسطة kodak_gti
ده منور بأصحابه يا كوداك باشا .......
و تكرم يا باشا
اعتقد كلام مستر alaasite
كويس لما اكون عايز افتح المكنه بس اعتقد انه مع الوقت بياكل من عمرها يعني الي بيسوق على الـ stander اكبد هتعيش معاه اكتر من الي بيسوق sport