الموضوع: العربية مش مظبوطة.

السلام عليكم:
معلش حصلى حاجة غريبة فى العربية امبارح كان عندى النور العالى بتاع الفانوس الشمال مش شغال فعادى روحت لكهربائى علشان يعملهولى فالكهربائى فك البطارية علشان يعرف يشتغل فى الفانوس براحته ظبت الفانوس و حطلة حتة سلك كهرباء ارضى علشان باين سلك الفانوس ضعيف المهم النور اشتغل و كله زى الفل ركب البطارية و ثابتها اجى ادور العربية بدور و بعد كدة تطفى تدور و بعدين الاقى ال rpm وطى و العربية طفت قولت لا حول و لا قوة الا بالله اه اللى حصل معرفش بس لما ازود بنزين العربية ما تطفيش و تبقا كويسة بس الrpm بيقا واطى.مع ان الحمد لله العربية كانت زى الفل قبل ما اوديها و اعمل الفانوس حد يقدر يقولى فى اه علشان حاسس ان العربية ملبوسه؟

انا تقريبا عندي جزء من المشكله دي و هي
ان الار بي ام بحسه واطي جدا و لما بشغل النور الواطي و العالي بيوطى اكتر بحس ان العربيه عايزه تبطل لكن الحمد لله مبتبطلش
يا ترى ايه هي المشكله
و متااااابع ايضا ............