استفسار لخبراء الكورسا 1600 - ياريت يا رجالة

انا دلوقتي حصلتلي مشكلة في العربية - عايز اعرف سببها ياريت
انا سحب العربية بتاعي بطئ - بمعنى مثلا لما أدي الغيار الثاني واكبس على البنزين كأني بجري او بشد بالعربية الـ آر بي أم يعلى اوووي مرة واحدة بس العربية متسحبش وفجأة يرجع للمعدل الطبيعي والعربية تسحب عادي - انقل مثلا على الغيار الي بعده نفس الحكاية لو مثلا كبست بنزين الـ آر بي ام يعلى ويرجع للطبيعي بتاعه وتسحب - المشكلة دي متظهرشي لو انا بدوس على البنزين بس سلانسيه - يعني لو بطلع سلانسيه كدة متظهرش المشكله بس العربية ممكن تروح لسرعتها في الغيار بتاعها بطئ

افيدونا ايها الخبراء - ياريت محدش يصدمني :crying2: علشان ممكن يغم عليا

غير فلتر البنزين و بص على سلوك البوجيهات و طرمبة البنزين و ممكن تنضف البوابة

علي وصفك طقم دبرياج

اقتباس:

---

المشاركة الأصلية كتبت بواسطة lancerevolution

غير فلتر البنزين و بص على سلوك البوجيهات و طرمبة البنزين و ممكن تنضف البوابة

---

ياباشا يسلم زوءك وردك - خلاص ماشي هشوف الموضوع ده - هغير فلتر البنزين واغير بوجيهات - لعل وعسى

اقتباس:

---

المشاركة الأصلية كتبت بواسطة amr elsisi

علي وصفك طقم دبرياج

---

يعني ايه يا باشا اعلى وصفي طقم دبرياج !!!!
يعني اغير ديسك واسطوانة !!!! !!!!!!!!!!!!!!!!!!!!!!!!!!!!!!!!!!!!!!!!!

يعني دي اعرض تاكل اسطوانة
لازم يتكشف عليها
لو ميكانيكي شاطر مش محتاج يفك

الكورسا ال ١٦٠٠ دى من موديل ٢٠٠٣ - ٢٠٠٧ استاذه اكل أسطوانة ودبرياج ..... اللى مايسايسهاش كويس ويراعيها لازم يغيرهم عالطول ..... تقريبا عشان موتورها عفى .... مش كده ولا ايه ياعمرو باشا ...؟؟؟

اقتباس:

---

المشاركة الأصلية كتبت بواسطة amr elsisi

يعني دي اعرض تاكل اسطوانة
لازم يتكشف عليها
لو ميكانيكي شاطر مش محتاج يفك

---

لو دي فعلا اعراض تآكل اسطوانه يبقى خلاص يا باشا - لاسطوانة لازم تتغير على طول
انا على العموم رايح لـ ( محمد عبد الراضي) الي صقر قريش المعادي

اقتباس:

---

المشاركة الأصلية كتبت بواسطة haisam ali

الكورسا ال ١٦٠٠ دى من موديل ٢٠٠٣ - ٢٠٠٧ استاذه اكل أسطوانة ودبرياج ..... اللى مايسايسهاش كويس ويراعيها لازم يغيرهم عالطول ..... تقريبا عشان موتورها عفى .... مش كده ولا ايه ياعمرو باشا ...؟؟؟

---

انا عارف وانا بشتريها ان دي مشكلتها الاساسية - الديسك والاسطوانه - بس هي اللهم صلى على النبي

عبد الراضي ممتاز
خلية يكشف عليها وقول لنا
مش عفي اوي ياهيثم

اقتباس:

---

المشاركة الأصلية كتبت بواسطة amr elsisi

عبد الراضي ممتاز
خلية يكشف عليها وقول لنا
مش عفي اوي ياهيثم

---

حاضر يا عمر - هروح واقولك - بس واضح انك ماشاء الله واثق ان هي ديسك :d

ألمشكلة يا رجالة طلعت فعلا ان دي مشكلة ديسك واسطوانة

وانا غيرت الديسك والاسطوانة - الاسطوانة ال gm - البرازيلي الاصلي - عملت معايا 1250 بس من عبد الراضي نفسه مع اني سمعت انها برة 1200 وممكن مثلا تتظبط

المهم حصلتلي مشكلة وهي ان الغيار التاتي مش بتاخد - تقيل جدا جدا جدا ولازم مثلا اشد عصاية الفتيس بعافية علشان يتاخد
المهم رجعت لعبد الراضى قلتله الغيار التاني مبتاخدش وعفي ومزرجين - قالي ده طبيعي علشان الديسك والاسطوانة لسة مطبعوش على بعض !!!!
امشي بيها انت بس مشوار ولو فضلت المشكلة قالي تعالى وانا اظبطهالك مش عارف عن طريق ايه كدة
قالي انا كنت ممكن من الاول اظبطهالك بس قدام لما الديسك يطبع على الاسطوانة هتظهرلك - فنانا سيبتها لغاية ما الديسط يطبع

هل الكلام ده صحيح يا رجالة !!!!