رقم العضوية : 69932
تاريخ التسجيل : 07May2010
المشاركات : 499
النوع : ذكر
الاقامة : 6 اكتوبر
السيارة: فورد مونديو جياوفوكس 2009 والان سيتروين جراند بيكاسو 2015
السيارة[2]: 126
دراجة بخارية: no
الحالة :
من فتره كده ابتديت اسمع صوت غريب مع تشغيل مروحه التكيف
المهم استنتجت ان فيه عطل او مشكله في المروحه
المهم في الاخر طلعت مكسور فيها ريشه
روحت شاري واحده استيراد من عند واحد كويس جدا ومحترم في الحرفيين
وعلشان اركبها عرفت ان التوكيل بيركبها بمبلغ عالي جدا( ٦ ساعه*٢٥٠ جنيه)
وده مبلغ عالي جدا
المهم سقط علي الصنايعي اللي شغال ف التوكيل اللي انا اعرفه اساسا من ايام فكري وقبل مايفتح عبد اللطيف جميل
لقيته بيقولي انه لازم يفك التابلوه والباب وافضي الفريون علشان يغير المروحه
وقالي انهم بيعملو كدا في التوكيل
وكمان اتصلت بكذا واحد من اللي اعرفهم واكدو الكلام ده!!!!!
المهم انا الكلام ده ما دخلش عقلي!
يعني ايه اغير مروحه تكيف اققوم افك تابلوه وووووو
ايه الهبل ده؟
وخصوصا ان الشكل القديم كان علشان تغير المروحه يتفك صندق االدرج اللي ف التبلوه وبتفكها ب ٣ مسامير وشكرا
لكن المروحه في الشكل الجديد من غير مسامير وبتركب لف
وقولت ان المفروض ان ف الشكل الجديد يكون اسهل!
المهم قعدت ادور وافكر لحد ما وصلت لحل
روحت ل بتاع قطع الغيار اللي انا شاريها منه وقلتلو يوريني التلاجه كامله بالمروحه
المهم الولد طلع محترم جدا وساعدني
وفعلا طلع الموضوع ابسط من الهبل اللي هما بيعملوه ده والشغل اللي بيشتغلوه للناس
ووالله وانا واقف قدام محل قطع الغيار قمنا فكين الدرج وفكين المروحه ومركبين الجديده بالظبط في ساعه زمن
نسيت اققولكو انهم البشوات اجمعو انها بتاخد علي الاقل يوم كامل شغل
اه والله
بس للامانه هيا ليها تكنيك في الفك والتركيب يريحك خالص وانتا بتشتغل
بس والله ما محتاجه غير واحد يشغل دماغه
والادهي واللي مجنني ان التوكيل بيعمل كدا فعلا( بيفك التبلوه بالكامل علشان يغير المروحه!!!!)
المهم المروحه ركبته وزي الفل وكله تمام
sotohy
رقم العضوية : 82508
تاريخ التسجيل : 02Dec2010
المشاركات : 1,144
النوع : ذكر
الاقامة : cairo
السيارة: Ford Escort 1998
السيارة[2]: اتنين 128 ، واتنين ريتمو
دراجة بخارية: لايوجد
الحالة :
ماهو ده الفرق يافندم بين واحد زي حضرتك بيتعب نفسه ويشغل مخه ويوفر على نفسه مشاكل كتير ويوفر على نفسه اشتغالات التوكيلات والصنايعية وبين واحد تاني عنده كلام التوكيل او الصنايعي كلام مقدس ويدفع دم قلبه وممكن الحاجة تطلع بايظة او تبوظ حاجات تانية جنب الحاجة اللي كان بيحاول يصلحها ، تحياتي.
Muhammad Alyكله في الكلتش !!!
المفضلات