السلام عليكم ورحمة الله وبركاته
بصراحه من كتر الكلام اللى على الفسيخ مكلتوش غير مره واحده من سنين فاتت.
بس بفكر اجربه تانى
فيا ترى حد بياكل فسيخ وبيجيبه منين كمكان مضمون
وشكراً
عرض للطباعة
السلام عليكم ورحمة الله وبركاته
بصراحه من كتر الكلام اللى على الفسيخ مكلتوش غير مره واحده من سنين فاتت.
بس بفكر اجربه تانى
فيا ترى حد بياكل فسيخ وبيجيبه منين كمكان مضمون
وشكراً
عمرى فى حياتى التى تقترب من 28 سنه ما كلته ولا حتى دوقته
بيجيلي من نبروه
دي بلد الفسيخ الاولى في مصر
من القاهرة عندنا واحد كويس في ميدان الجيش في شارع النزهة اسمة محمود ده محترم
وفيه كمان شاهين في باب اللوق
لكن فسيخ نبروه مالوش مثيل
ولو جبت هات ملح قليل بيبقي اجمل
ليه بس كده تقلب علينا المواجع
لو قدامى برميل فسيخ هخلص عليه رغم ان فيه ناس كتير بيقولك ده معفن بس ده ادمان
بيجيلى من نبروة بلد الفسيخ مالوش حل
ولو حبيت اجيبه دلوقت بجيب واحده مغلفه من هايبر لانه مش مضمون اليومين دول
وبقالى كتير مكلتوش لانه بيتعبنى دلوقت ... حكم السن بقى
هى نبروه فين حته بالظبط
اول ما اجربه هقولك على طول :)
الرنجة وبسسسسسسس
بجيب رنجه مدخنه ملح خفيف
الكيلو ب 25 جم تقريبا
و بخمسه جم فى ايد الراجل بيفليه و بيبقى مع الطماطم و البصل ترنشات حاجه فخيمة خالص
جوعتونا
الفسيخ من حد نضيف و ملح خفيف و جرب تاكل من غير ما تعد اكلت كام رغيف لانك هتتصدم من العدد
الفسيخ دا متعة من متع الأكل
بعشقه
وبنكله تقريباً كل سنة ( مع يوم شم النسيم )
الصبح البيض الملون علشان أبني والخس والترمس
ولازم في جنينه
وعلى الغداء بأة الفسيخ والرنجا والبصل والعناب
كل سنة باجييبوا من نبروا
بس السنة دي جبته من محمود اللي في شارع النزهة اللي في ميدان الجيش
الكيلو بـ 90 جنيه
( قولت أجربه لأن الناس بتمدح في حاجته )
وكل يوم شم فسيخ وأنتوا طيبين
ليه كده يا جماعه انتو جوعتونى
زمان مكنتش اطيق ريحتة
دلوقتى شهريا مة او اتنين
بلد الفسيخ نبروه ولا دسوق ؟!
لازم أكله مرة سنويا في الأيام بتاعة شم النسيم مش احتفالا طبعا ولكن لأن الأيام دي الموسم بتاعه
بصراحة إدمان مهما قالوا عليه فاسد وسمك معفن ومش عارف إيه
بس اللي بيطمني إني باكله من إيد الوالدة الكريمة أو خالتي هما اللي بيعملوه كل سنة بنفسهم وبيبقى مفيش بعد كده
شوقتونا بدري :)
الحمد لله عمرى ما جربته وان شاء الله مش ناوى اجرب اكله
Sent from my GT-S5282 using Forum Runner
هو فيه احلى من اكل الفسيخ
دى الغداء الطبيعى يوم الجمعه ومعاه الليمون والبصل بالخل وطبعا لو العيش طازه مقولكش
انا مش اكيل بالمره وعمرى مقدر ازود فى اى اكل عن رغيف واحد فقط لكن مع الفسيخ متعدش
نصيحه تجيب الكبيره وماتكون مبترخه علشان تستمع بالسمن اللى فيها وتجيب ملح قليل (عادب ) ولازم حد مضمون
مهو لو انت اكلت منه مش هتشم الريحه
انا كنت زيك كده واقول الريحه وده مش سمك مخلل وكده لحد ما واحد جاب من نبروه ومغلف بطريقه تمام والاكل كان فى الهواء الطلق مفيش ريحه يعنى وكنت هتجنن ومش راضى آكل لحد ماحلف على
وبعدين اكلت ومقلكش من يومها عايز اتعالج من ادمان الفسيخ ده تقريبا بقت الاكله المفضله .. منه لله
فى الفسيخ كفرالشيخ وبس
المهم تسال على الناس الكويسة
رقم واحد فى مصر شاهين فى السيدة زينب
والله هحكيلكم حكايه يمناسبه الفسيخ
عندينا مدير مشاء الله اترقى و مسك فرع الشركه فى الشرق الاوسط كولو
المهم يا سيدى عازم الناس المقربين منو على الغذاء بمناسبه الترقيه فى الفلا عندو
عازم ناس من انجلترا و من السويد و من الدنمارك و من المانيا و من السعوديه و من الامارات بص حاجه كده كولكشن
و ططلع العزومه فى الاخر على فسيخ و رنجه من نبروه دى
سفره فيها ما لا يقل عن عشره كيلو من كل نوع و بكل الطرق عملها شيفات مصرين
و بصل و عيش من المنفوخ المحمص ده
و كل الحجات دى
لو اقلك انى كانت اول مره اكل يمكن اكتر من ٧ ارغفه اقسم بالله
مفيش واحد مكلش
بس طبعا يمكن اكتر من ٧٠ واحد عملو غسيل معده
بس اكيد مش مصرين
و من سعتها و تقريبا رفدو هههههههه
بنلتقى مره فى الشهر شان ناكل الحجات دى عاده ليها اكتر من سنتين
اشهر المدن المصريه شهره بانتاج الفسيخ هى
نبروه ( دقهليه ) - دسوق ( كفر الشيخ ) - فوه ( كفر الشيخ )
لابد من أن يكون البائع ذو سمعه و خبره طويله فى انتاج الفسيخ
للفسيخ نوعان حسب طريقة التفسيخ .... نوع جاف و نوع رطب
النوع الجاف أامن فى الأستخدام و لكن النوع الرطب ألذ فى الطعم
من الضرورى اكل ليمون و بصل مع الفسيخ للقضاء على أى ميكروبات
بخصوص العفونه فهناك أطعمه كثيره تعتمد على العفونه لأعطاء المذاق المطلوب مثل الجبنه الريكفور و انواع متعدده من الجبنة السويسرى .
كما أن الرنجه اذا لم تدخن بأسلوب صحيح تكون أخطر من الفسيخ بمراحل و تنتشر فيها ميكروبات قد تقاوم النار أثناء التسخين ايضا .
و مره أخرى يجب عدم شراء فسيخ مجهول المصدر أو من بائع متجول و يجب أن يشترى من محل عريق و معروف
و الف هنا و شفا لكل محبين الفسيخ
.
امي الله يرحمها كانت بتخلل الفسيخ والسردين في البيت
كان اجمل من اي فسيخ جاهز
كانت ايااااام