الباور كان تقيل واتحسن بعد تنضيف طلمبة الباور... والحمدلله
السلام عليكم
عندي الباور بدأ يتقل من فترة كبيرة و مع الوقت الواحد كان اتعود عليه وخلاص
لحد ماسقت عربية تانية اكتشفت انه تقيل جدا...
رحت اكشف .. الاسطى قالي هانفك الطلمبة ونغيرها بواحدة من عندي ونشوف قبل ماندخل على علبة الدريكسيون وكدا...
فك بس ملقاش حاجة عنده تنفع مكانها .. المهم فك الطلمبة لحد مافك البلف ودا فيه مصفاه صغيرة اوي وسوستة.. لاقينا حاجات شحمية كدا بسيطة بس هو اصلا البلف والمصفاة دي صغيرين اوي.. نضفها الطلمبة والبلف كويس
وغيرت الزيت والدنيا اتظبطت والحمدلله...
انا بقولكم على اساس يمكن حد ينتفع بالتجربة دي...
والحاجة التانية ان الاسطى فضى خزنة الزيت وغسلها وحط الزيت (جنك) وعايز اسأل مش كان المفروض يفضى الدورة كلها ولا كدا كفاية؟
حد يعرف نلاقي اضافة إي زي آي بتاعة الباور فين؟
