مشروع: توفيق راسين في الحلال .... والله المستعان :)

السلام عليكم ورحمة الله

كيفيكم يا خوانا ..... ان شاء الله تكونوا بخير

الموضوع جاااد للغاية و كان فيه جروب علي الفيس انا معرفهمش شخصيا وطبعا ماسكه أخت في الله ..... وتقريبا 2 او 3 اتخطبوا و واحده اتكتب كتباها ماشاء الله
الموضوع بفضل الله مش صعب و بفضل الله ماشي فيه علي خفيف ومع أصدقائي او معارفي
بس حبيت اوسع دائرة العلاقات شويه .... وانتوا اولي ناس طبعا

مبدأيا محتاج رأيكم في الموضوع يمشي هنا اصلا و لو هايمشي يبقي ازاي علشان انا معرفش الناس كلها و علشان ديه بيوت ناس وأعراض و مش تهريج .

انا بقترح ومن غير كسوف طبعا

البيانات تتكتب كاملة ومعاها رقم التليفون والمواصفات المطلوبة

زي مثلا

الاسم :
السن :
العمل :
الطول :
الوزن :
الدراسة :
السكن :
الحالة المادية :

المواصفات :

المظهر العام :
السن :
الطول :
الوزن :
السكن :
الشهادة/الدراسة:

ولو حد عنده فكرة تاني او اسلوب اظرف ياريت

و أكيد هاحتاج حد يساعدني وياريت لو من الناس القديمة في المنتدي الي علي دراية بمعظم الناس وانا قابلته قبل كده ... والله المستعان

واقعدووووا بالعافية :)))

اولا جزاك الله خيرا
بس انسى ياباشا موضوع فاشل (الزواج عن طريق الانترنت) وعن تجربه

فكرة حلوة ومحترمة
للاسف اغلب الناس المحترمة بتبقى علاقتهم محدودة خارج الاقارب والزملاء وده بيقلل فرص الزواج بالنسبالهم
بالتوفيق في الفكرة والتنفيذ
طيب بالنسبة لو حد عاوز يتجوز تاني ايه النظام :) .................... انا بهرج طبعاً

فكره كويسه لو مشيت صح
بس البيانات المفروض يتشال منها رقم التليفون علشان متبقاش البيانات كامله على النت

فكرة حلوة اوووووووي .

يلا ياشباب اكتبووووو عايزين نفرح ونسقف ونحضر افراح

ما ينفعش يا باشا
انا خايف على الزملاء ، لان ممكن واحد يشرب واحدة من مخلفات مدرب الكاراتيه بتاع المحلة
لاني لاحظت ان كلهن محجبات ، على طريقة أحلى من الشرف مفيش
الزوجة بالذات لازم تعرف اصلها وفصلها وتاريخ حياتها لانه ممكن تكون راشة دواخل او مغيرة ربع

فيه ألف موقع للتجربة دي
وغالبا بيكون فيها مضايقات او رخامة .. او مبالغه من البنات في وصف نفسهم
ومحدش هيروح يشوف واحدة ,إلا لو حتى يعرف شكلها
وده صعب تلاقي واحدة تسيب صورتها
غير ان الموضوع لازم عليه سيطرة جامدة وحسن تقدير من الي هيدير الموضوع

هو الوحد ضامن اللى بره لما يدور فى جروبات

لا يعم يفتح الله

صوابعك مش زى بعضها

يعنى يا سونا يوم ما تظهر فى المنتدى بعد غياب تظهر فى موضوع جواز........طيب فرحنا انت الاول يا سيدى

صعب السيطرة على الموضوع ده ... مش كل الناس جادة ومش كل الناس صادقة

يعني حتلاقي من ورا الموضوع ده مشاكل لا حصر لها ... ووجع دماغ

إنما الفكرة ... فكرة محترمة جدا ... وناجحة جدا ... بس للأسف في مصر الناس بتفهمها غلط

فكره بيحاولوا يطبقوها من اكتر من 15 سنه
وفاااااااااااااااااااااشل ه تماما

................ده جوازالعمر ..............مش مسيار


ملحوظه : ده راى شخصى .....ولو عاوز تطبقها برضه حد متخصص ويفضل واحده عن طريق منتديات النساء هيا تبقى المسئوله عن البيانات ....مش على الهوا كده ....ويفضل اخفاء الاسم كمان ..


وبالتوفيق

جزاكم الله خيرا ......... غالبا انا هاعمل الفكرة بس جروب لي الفيس بعد نصيحة أخ في الله ليا
و كلهم اصدقائي تقريبا
ربنا يعزكم :))

والله اري ان ضرره اكثر من نفعه ولن تستطيع التحكم فيه وسينالك اللوم ان فشلت العلاقة وذنب ان لم تتحري الدقة
كما اني لا اري فتيات يعرضن انفسهن علي الانترنت بغرض الزواج الا بدون درايه اهلهن وفي ذلك علامه استفهام
اوجه الخير كثيرة ومتعدده فصوب سهامك في شيء لا يناله الشك والريبه
المظاهر خداعه فكيف تدعم شخص عند اهل فتاه او ترشح فتاة ما لرجل وانت لا تعلم عنهما الا الفتات واليك مثال بلال ابن رباح خير دليل علي عظمة الامر

امشى فى جنازه ولا تمشيش فى جوازه

ربنا يوفق جميع الشباب للخير يارب