المشاركة الأصلية كتبت بواسطة mohamed_selim
حضرتك عندك ولاد؟ تخيل لما ابنك يزن و تجيبله عجله و بعدين يضيعها قوم ايه بقى .... تجيبله واحده تانيه :)
يعنى ايه عاملينه؟ مصممينه ولا مصنعينه؟ و معلش المعلومه دى ايه مصدرها لان معلوماتى مختلفه شويه عن كده
سنة ٩٩ اول ماتخرجت اشتغلت فى مشاريع بحثيه فى الجامعه للقمر الاولانى (تصميم بس لاننا منقدرش نصنعه لا زمان ولا دلوقتى) و بعدين سبت الجامعه بس فضلت على صله ببعض الاصدقاء اللى كملوا و بعد فتره المسؤولين قرروا انهم هيشتروه جاهز من اوكرانيا ولا ارمينيا بتصميمه و تصنيعه و المشروع اتوقف و فضل منه بس مركز التحكم اللى فى هيئة الاستشعار عن بعد اللى هم ضيعوه :)
فسؤالى فى محله ... هل فى اخبار عن الاولانى ولا لا .... و بالنسبه للمعلومه اللى حضرتك ذكرتها يا ريت توضح مهندسين مصريين عملوه ازاى (تصميم بس ولا تصنيع كمان) و مصدر المعلومه .... شكرا