يا جماعه الموضوع ده مهم جدا بالنسبه ليا .... أرجو الأفادة

**MegaDeth** · 07-10-2008 01:54 AM

يا جماعه انا فيه موضوع شاغلنى جدا
انا من النوع اللى مش حابب اركب اى عربيه زى حد
يعنى لو حتى راكب عربيه موديل عادى لازم اغير فى شكلها شويه او اخليها مميزة عن غيرها من العربيات
امبارح شفت عربيه ( جاجوار ) مركونه و العربيه موديل قديم جدا
يعنى بتقدينى البصرى كده اقول مثلا انها من الستينات بس بصراحه انا اول ما شفت التصميم بتااعها انا انبهرت .. عربيه شكلها خرافى فعلا و جذابه بطريقه وهميه بس هى
عباره عن هيكل و التراب مغطيها كلها و حالتها كرب و كل حاجه تقريبا فيها خربانه .
انا معنديش اى مشكله انى ادور على صاحب العربيه دى و اشتريها منه على حالتها دى و اعملها على أيدى و اشد كل حاجه فيها و اخليها ولا اجدع عربيه بورش جديده من التخيل اللى فى دماغى اللى رسمته على شكلها كده

بس السؤال الأهم الذى يطرح نفسه و بقوة

طب و الموتور ؟!؟!؟!؟!

و اعتقد انى لو قلت مثلا انا مش هسقت موتور قديد و هحاول اصلح القديم اكيد مش هلاقيله قطع غيار اعمله بيها عمرة مثلا
يبقى مفيش غير اجيبلها موتور جديد
طب موتورها موديل الستينات ده موجود ؟
اكيد لأ
طب لو قلنا اجيبلها موتور جاجوار جديد
طب ما ده هيعمله مبلغ خرافى فوق الوصف
يعنى لو قلت مثلا ان العربيه دى عشان اشدها من مجاميعه هتصرف بتاع 40 او 50 الف
الموتور الجاجوار الجديد ده هيعمله فوق ال100 الف لوحده

طب هل ينفع اركبلها موتور بتاع ماركه تانيه ؟ او فقوانين المرور ممكن ماركه شبيهه مثلا او من نفس بلد الصنع يتركب على الجاجوار القديمه اللى زى حاله صاحبتنا دى ؟
او لو هقدر الاقى قطع غيار للموتور القديم ده بدل التصقيط ؟؟؟

ارجو الأفاده

**kefafy** · 07-10-2008 04:21 PM

اخى الفاضل
طبعا فكرة ممتازة جدا ومعتقدش انها معقدة
بس انت لازم يتوافر عند 3 شروط اساسيا :-
1- تجد صاحبها وتقنعة تمام الاقناع ببيعها طبعا كمان ورقها ميكونش فيه الهوا(سعتها بقا يكون معاك واحد ميكانيكى استاذ استاذ عشان وانت بتتفرج على العربية يكون بص لك على حوض الموتور والخلوص والقاعدة وبخبرتة هو كميكانيكى شاف وركب مليون موتور قبل كدة هيقدر يقولك ممكن يسقط لها انى موتور بظبط او يقولك بلاش البيعه دى من اساسها)
2- نفس الميكنيكى الى كان معاك هو الى هيخلص لك الموضوع كله عن طريق موتور مناسب للسيارة سواء من بورسعيد او من اى حته تانية وساعتها هتاخد ورق الموتور الى انت لسة شارية وبعدين تقدر تثبتة عشان يبقا الموضوع قانونى
وبالنسبة لقطع الغيار اعتقد عربية موديل الستينان مهما كان نوعها تقدر تتصرفلها فى قطع غيار او حتى يتم التعديل على قطع الموجودة والصالحه بها
3- دى اهم نقطة وهى حط فى اعتبارك مبلغ محترم لزوم ميكانيكى عبقرى معاك اثناء رحلة التظبيط وشراء موتور لها لحد ميبدا تتحرك بها
احسبها كويس قوى وبعد كدة توكل على الله
وربنا يوفقك

**MegaDeth** · 07-10-2008 06:22 PM

مهو الفكرة مش فكرة اجيب الموتور منين
دى سهله جدا
الفكرة ازاى احط فيها موتور ماركه تانيه ؟
يعنى انا عن نفسى كنت هحطلها موتور 6 ساندر 230 سى سى 2 كامه بتاع البى أم
بس ازاى ارخصه عليها
هى دى المشكله

**r0xer** · 07-10-2008 06:29 PM

أنا شفت ناس مرخصة على بمواتير تانية....وكان من ضمنهم بعض المشاركات بالمنتدى!

فأعتقد الموضوع مش مستحيل لكن يستحسن تسأل في المرور "وعموما الجنيه غلب الكارنيه مفيش مشكلة ومتشلش هم"

على فكرة ياريت تصورلنا العربية عشان نشوفها معاك :d

**MegaDeth** · 07-10-2008 08:29 PM

xj Series 3 model 1979

**M.Mokhtar** · 07-10-2008 08:41 PM

موضوع تسقط موتور من شكره على عربيه من شركه تانيه مفهوش مشاكل
المهم ورق العربيه وورق الموتور يكون سليم

**MegaDeth** · 07-10-2008 09:00 PM

ورقها موجود و رخصتها موجوده و كل حاجه و فيها موتور V8 4500 Cc
الأصلى بتاعها بس طبعا ده موتور مهزله هههههههههههه
المهم ازاى بقا اغير موتور من شركه تانيه ؟