الموضوع: مرور القوات المسلحة خاص بالظباط وعائلتهم ولا لأي حد

الف شكر يا جماعة علي كل الناس اللي ردت عليا وانا بجد استفت كتير

بس اللي فادني اكتر واكتر اني رحت بنفسي لمرور القوات المسلحة اللي موجود امام محافظة الجيزة بشارع الهرم بعد قسم العمرانية

رجت والحمد لله نجحت وطلعت الرخصة

وعاوز احكلكم علي الصعوبات اللي وجهتها
ههههههههه ( الصراحة مفيش اي مشكلة قابلتني )

رحت يوم السبت اللي فات الساعة 9.30
الموظفين بدأوا شغل الساعة 10 تماما
المعاملة قمة في الاحترام والادب والنظام
علي فكرة المكان مكيف ههههههههه :k49:

وقفت علي الشباك اللي مفروض اني اقدم في الاوراق المطلوبة

كنت اول واحد ومفيش غير اتنين تاني ورايا

المهم بعد ماقدمت الاوراق ودفعت 5 جنيه تمن استمارة اختبار حاسب الي

رحت سلمت الاوراق كلها مع الاستمارة اللي اشترتها في غرفة الحاسب الالي

وبعد 10 دقائق كده موظفة ندهت عليا وقالتلي تعالي عاشان الامتحان

فقمت معاها ودخلت غرفة الحاسب الالي ولقيت فيها 3 كمبيوتر

قعدت علي الكرسي وقالتلي ازاي اجاوب بس مقلتليش اي حاجة في الاجابة

المهم كانوا 12 سؤال هايفين جداً
جداً

اول ما خلصت ظهر علي الشاشة 91.6 % وكلمة لائق

فانديت علي الموظفة ده وقالتلي مبروك دلوقتي بقي هتروحي تدفع 65 جنيه في الخزنة تأمين
قلتلها هو كده خلااص قالتلي اه خلاص

فرديت عليها وقلت
واختبار السواقة

قالتلي لاء ماهو ده الفرق بين المدني والعسكري
معندناش اختبارات سواقة
ورحت دفعت التأمين واستلمة الرخصة

وكنت خارج من المرور الساعة 11.15
وكان يوم كويس جداً والحمد لله عدت المشكلة الصغيرة
يارب الكبيرة كمان تعدي ( العربية بقي ) مش هفضل ارخم علي بابا كده علطول

شكراً تاني لكل اللي قال اي حاجة وكان عاوز يساعدني

انا كمان كنت مستغرب ان مفيش امتحان سواقة

بس والله ده اللي حصل بالظبط

ولو في امتحان حتي اكيد مش هيبقي ليه لزمة

انا اعتقد ان اي حد ممكن يتحرك بأي عربية

وممكن يعدي كمان
مش هي ده المشكلة