في اللحظة دى هتلاقى لمبة البطارية بتنور بطريقة متقطعة في العدادات ..
ده كدة العربية بتفصل كهربة اوتوماتيك عشان تحافظ ع البطارية
بانت اوى معاك عشان العربية مركونة بقالها فترة ومش بتمشى وطبعا كل مرة بتروح زي الباشا تشغل الكاسيت وبس :D فاكيد شحنة البطارية يادوب حاجة بسيطة تقوم العربية تدخل في وضع الايكونومى بسرعة
و دى ميزة مش عيب في العربية وكانت موجودة في الـ 307 واعتقد كل البيجو الجديد
هى في العادى يعنى لو العربية بتمشى والبطارية مشحونة ممكن تقعد لحد تلت ساعة او اكتر والكاسيت شغال والعربية مبطلة بس بعد فترة ﻻزم تدخل في الـ Power saving ده عشان ما تجيش تدور وتفاجأ ان البطارية نامت منك
معلش انا عارف ان فترة قبل الاستلام بتبقى مملة بس ان شاء الله تستلم على خير وكله يبقى تمام
فبلاش قلق واللى بيخاف من العفريت يطلعله ، العربية حلوة والله :D
والف الف سلامة للوالد شفاه الله وعافاه وربنا يطمنك عليه
المفضلات