أنفراد حصري لنايل موتورز - كاميرا نايل موتورز ترصد و تسجل منطقة الخطر بطريق السخنة

الاخوة و الاخوات الكرام

أسعد الله يومكم بكل الخير ...
ووقانا ووقاكم من شر الطريق و شرور أنفسنا

--------------------------------------

بداية بأتقدم بكل الشكر و التقدير للاستاذ / كريم منير و أدارة نايل موتورز علي هديتهم القيمة و التي ستكون باذن الله فتحا جديدا لنايل موتورز و أنتاجها سيكون سابقة للمنتدي بأذن الله

الموضوع هو أول تقرير مصور بالفيديو لمنطقة الحادث الذي تعرض له الاستاذ كريم و الاستاذ أحمد عبد العزيز يوم الجمعة قبل الماضية (4/4/2014) أثناء عودتنا من السخنة

الفيديو المعروض هو جزء من فيلم كامل تم تصويره اليوم لطريق القطامية/ السخنة ذهابا و عودة بواسطة كاميرا خاصة تم تثبيتها في سيارتي أثناء توجهي الي ميناء السخنة و الادبية اليوم و هي اول تجربة لتلك الكاميرا و جاري ظبطها و لأعداد التقارير المصورة بعد ذلك بشكل أفضل

-
-

[youtube]http://www.youtube.com/watch?v=iaH-FXcHgRs[/youtube]
-
-

طبعا بعد ماتشاهدوا الفيديو أود أن أوضح بعض النقاط :
1- بالفعل تمت أضافة بعض اللوحات الارشادية التي كانت موجودة قبلا و تمت أزالتها أثناء أعادة رصف الطريق و ذلك بعد تكرر وقوع الحوادث
2- ألا أن هذا ليس كافيا لأن الطريق كما تشاهدون منحدر جدا و المسافة الفاصلة بين المنحني الحاد و أول مطب حوالي 500 متر فقط مع العلم أن السيارات تكون قادمة باندفاع لايقل عن 120 كم/س
3- ستلاحظون وجود فبر علي الطريق من اثار ارتطام سيارات أخري مما يدل علي أن المشكلة لن يتم حلها بمجردوضع لوحات تحذيرية و يجب ان يكون هناك حلول هندسية اخري
4- الهدف من وضع الفيديو هو توخي الحذر و التحذير بتلك المنطقة للقادم عليه من أتجاه السخنة لأول مرة

مع خالص تمنياتي لكم بالسلامة

شغل عــــــــــــــــالى ,, وربنا يجعلها اخر الاحزان والحوداث ويسترها علينا جميعا ..

واللى عايز يصور الشداية بتاعتة *للحجز والاستعلام* يرجى الاتصال ع الخط الساخن 19719

:B4_282:

مع تحيات نجوم هيونداى :vctry:

اقتباس:

---

المشاركة الأصلية كتبت بواسطة bunsh_fox

شغل عــــــــــــــــالى ,, وربنا يجعلها اخر الاحزان والحوداث ويسترها علينا جميعا ..
واللى عايز يصور الشداية بتاعتة *للحجز والاستعلام* يرجى الاتصال ع الخط الساخن 19719

:b4_282:
مع تخيات نجوم هيونداى :vctry:

---

يارب تكون أخر الاحزان و الحوادث فعلا

و أنا ناوي ان شاء الله أن استغل هذه الامكانية في تصوير مناطق الخطر و عمل موضوعات بها للتحذير و التنبيه خاصة أني بأسافر علي طرق كثير و بشكل مستمر

تسلم ياباشا بس انا شايف انفي لوحات تحذير كتير قبل المطبات بفتره !!

و شكرا ليك لتعبك و تحذير الناس من مناطق في الطريق

اقتباس:

---

المشاركة الأصلية كتبت بواسطة bmya

تسلم ياباشا بس انا شايف انفي لوحات تحذير كتير قبل المطبات بفتره !!

---

بالفعل أنا وضحت في مشاركة سابقة و تعليقي علي الفيديو بأن اللوحات تمت أضافتها قريبا و أنها لم تكن موجودة وقت وقوع الحادث

انا مشوفتش الحته المكسره برضوا

الله ينور عليك
في اخر الفيديو يوجد مطبين انظر شمالهم دي اكتر منطقة
بتتم فيها حوادث النقل وكل شوية النقل يكسر السور
وهما يعملوة تاني
وبرضو ماحدش عمل حل لنفس المشكلة
ربنا يسترها معانا جميعا

سؤال جانبي... هي الكاميرا دي نوعها ايه وبتيجي منين وعاوز تفاصيل عنها وشكرا

تمام يا باشا
مشكور
بس لية المطبات دي كلها

شكرا للتوضيح وربنا يحفظنا جميعا

ربنا يستر عالناس جميعا
وتتجنب الطرق دي

حلوة اغنية Lauryn Hill- Killing Me Softly ماشية مع مضمون المقطع

يا باشا ياريت تقرير عن الطريق من الناحية التانية اقصد مافات السخنة
للاسف طريق دولى حيوى سياحى محتاجين اعادة نظر فى طريق بديل

مشكور على الفيديو والتقرير ... بخصوص المطابات دي حوال فوق الـ 9 مطبات في مسافة قصيرة بها منحنيات أكلت منهم واحد على سرعة 80 العربية اتهبدت وتبعثر كل ما بداخل السيارة وكأني في فيلم مغامرة أكشن أمريكي ده غير اني شاهدت حوال حدثتان في نفس المكان
بخصوص خاصية الكاميرا دي الفروض انها تعمم زي غالبية البلدان في الخارج لأهميتها ولو لاحظتم في فيديوهات اليوتيوب عن حوادث السيارات تجدونها مصورة بكاميرات ملحقة بالسيارة تسجل أحداث الرحلة اليومية للسيارة اول بأول .... تحياتي
https://www.youtube.com/watch?v=ugiR3Mb-4IY

وليه مانقولش ان سبب الحوادث ان الناس كلها عمالة تجري وخلاص على الطرق ووارد ان يبقى فيه مطبات على الطريق وخصوصا لو الواحد اول مرة يمشي على طريق لازم ياخد حذره نفرض ان الواحد ماشي على طريق عارفه وظهر ليه اي عارض فجاة لازم يبقى عامل حسابه

اقتباس:

---

المشاركة الأصلية كتبت بواسطة exact

سؤال جانبي... هي الكاميرا دي نوعها ايه وبتيجي منين وعاوز تفاصيل عنها وشكرا

---

انا معاك بردو عاوز اعرف للفضول بس :,:

اقتباس:

---

المشاركة الأصلية كتبت بواسطة kokowasfy

انا معاك بردو عاوز اعرف للفضول بس :,:

---

أنا رديت قبل كده في مشاركة سابقة
الكاميرا دي كانت هدية الاستاذ / كريم منير لي بمناسبة عيد ميلادي ال 43 و الذي وافق يوم مقابلة السخنة

اقتباس:

---

المشاركة الأصلية كتبت بواسطة walidzakzok

وليه مانقولش ان سبب الحوادث ان الناس كلها عمالة تجري وخلاص على الطرق ووارد ان يبقى فيه مطبات على الطريق وخصوصا لو الواحد اول مرة يمشي على طريق لازم ياخد حذره نفرض ان الواحد ماشي على طريق عارفه وظهر ليه اي عارض فجاة لازم يبقى عامل حسابه

---

طبعا متفق معاك تماما
المفروض اللي يمشي علي طريق لأول مرة حتي لو كان الطريق ده مثالي يلتزم بسرعة الطريق أو أقل شوية وفق أمكانياته و أمكانيات سيارته تحسبا للمفاجأت و ياريت لو يتجنب السير عليه ليلا ان أمكن

اقتباس:

---

المشاركة الأصلية كتبت بواسطة ahmedsrs

حلوة اغنية lauryn hill- killing me softly ماشية مع مضمون المقطع

---

تصدق أنها مش مقصودة و جت كده بالصدفة لأنها كانت علي فلاشة العربية فمالهاش علاقة بالفيديو سوي أن الكاميرا سجلتها

كدا تمام الله ينور على ادارة نايل موتورز***

شكرا مهندس سمير للموضع القيم ويا ريت فعلا ترصدلنا مواقف تانية واماكن تانية بعدستك الجميلة
خالص تحياتي

لكل اللي بيسئلو عن الداش كاميرا
تفاصيلها هنا
http://www.nilemotors.net/Nile/417969-a.html

الاخوة و الاخوات الكرام ..


أليكم فيديو يوضح نفس المنطقة و لكن ليلا ....
المسافة من البوابة (في الاتجاه القادم من السخنة) و حتي نهاية الطريق و لاحظوا تصرف السيارات عند المطبات

كما يشمل الفيديو توضيح للطريق و كيفية التوجهه للطريق الدائري بعد ذلك في الاتجاه الي التجمع الخامس

https://www.youtube.com/watch?v=OAN8711YFVA