بالنسبة للأيرودينامكس أنا فالرقم اللي حضرتك قريته هوا مظبوط وكويس جداً,
وعشان تعرف هوا كويس ليه لازم تعرف معني الرقم الأول,
دلوقتي لو أحنا جبنا طبق أكل من بتوع السفرة وطلعته من شباك العربية وأنت ماشي علي سرعة, بيكون الدراج بتاعه 1.1
http://www.diracdelta.co.uk/science/...t/image001.jpg
لأنه بيكون سطح غير أنسيابي ومقاومته للهواء عالية, فبيكون صعب عليه أختراق الهواء وتجميع سرعة عالية فهتحتاج قوة أكبر عشان تقدر تجمع بيه سرعة بسهولة وتوفر في الطاقة اللي هيا البنزين.
العربيات النقل بيكون 0.90 لأن تصميم الكابينه من فوق أنسيابي نوعاً ما, مش زي الطبق.!
ولكن برضه العربيات النقل كل وشها رأسي وكبير ومش أنسيابي بالمرة,,
ودا هيبقي شكل وش أو مقدمة العربيات النقل في المستقبل عشان تقدر تخترق الهواء بسهولة من غير ما تحتاج تحرق بنزين كتير, وعشان برضه تجمع سرعة بسهولة وتفضل ثابته علي السرعة دي من غير ما تعمل حمل علي الموتور من مقاومة الهواء العالية زي اللي بيحصل مع الطبق.
http://www.wikinoticia.com/images2//...ck-400x200.jpg
-----------------------------------------------------------------------------------------------------
الأشكال الأنسيابية للعربيات الصالون العادية بيكون الطبيعي بتاعها من 0.45 ل 0.35
والرقم دا بيفضل يقل كل ما وش العربية بيكون أنسيابي أكتر أو الجزء اللي بيقابل الهواء بيكون أصغر,,
http://oi57.tinypic.com/s6iw50.jpg
وكل ما الرقم يقل, كل ما العربية تكون أنسيابية أكتر في تجميع سرعة عالية.
والسرعات بقصد بيها من 180 وأنت طالع لحد 300 كيلومتر في الساعة.
أما لو هتتكلم في سرعات لحد 100 كيلو متر أو لحد 140 و 160 حتي.
فأي عربية في السوق هتجيب الرقم دا بسهوله, حتي اللادا بتجيب من 0-100 و 120 في وقت معقول مقارنة بتصميمها اللي هوا مفهوش أي أيرودينامكس,,
وأي شغل في التصميم لعربية بعد ما طلعت من مصنعها مش هيفرق برقم كبير ولا حتي برقم يعدي جزء من الثانية.
اللي بيفرق في تجميع السرعة وتوفير البنزين في السرعات الأقل من 100 هوا حاجتين
عزم الموتور, ووزن العربية اللي كل ما يخف بيساعد علي تجميع السرعة بشكل أسرع.
النيسان ال gtr عامل 0.26 ودا من أقل وأفضل الدراج لأيرودينامكس لعربية في السوق.
فا ممكن تقيس علي رقم النيسان gtr لو عايز,,
http://pictures.dealer.com/g/gordsco...257817156x.jpg
لكن الموضوع مش بيتحسب بالطريقة دي بالنسبة للعربيات الأقتصادية.
وكل العربيات الجديدة تصميمها أنسيابي ومفهاش أي مشكلة من ناحية الأيرودينامكس.
-----------------------------------------------------------------------------------------------------
وفي الختام الدراج الخاص بالأيرودينامكس بتاع ال porsche 911 gt2 عامل 0.32 !!!
ودا بالمناسبة نفس رقم الدراج للأيرودينامكس الخاص بالبيجو 301. :original:
http://oi57.tinypic.com/sdmot3.jpg http://oi59.tinypic.com/fuq5jr.jpg
تحياتي ليك.