سؤال ذكي واجابه اذكي

**Nader** · 18-07-2007 12:53 PM

وأنهى عربية دى اللى فيها مكان لشخص واحد مع السائق؟؟؟ دى ولا توك توك ولا حتى متوسيكل؟؟؟

في عربيات كوبية بمقعدين فقط زي بوجاتي فيرون :lol:

**Dr Ahmed** · 18-07-2007 03:01 PM

المشاركة الأصلية كتبت بواسطة د.أحمد سمير

المشاركة الأصلية كتبت بواسطة mada121977

طب إيه العمل لو صاحبي ما كنش بيعرف يسوق مثلاً
إضافة لكلام الدكتور أحمد أيضاً :
ممكن ادي العربية لفتاة أخلامي توصل الست العجوزة وانزل أقف مع صاحبي في الضلمة ، وكدة كدة البنت هاتكلمني علشان ترجعلي العربية واقبلها مرة تانية ونتكلم على رواقة ، وبعدين هوا نا بس اللي في الشارع مش ممكن استعين بأي عربية تانية ، وبعدين فين رد الجميل في صاحبي اللي أنقذ حياتي لما أوصله ، هي دي مجاملة كبيرة يعني ، وهو يعني بني آدم جبلة مش شايف الموقف وعايز يركب رغم كدة ، وصاحبي ده اللي أنقذ حياتي قبل كدة المفروض انه شهم ، معملش حاجة للولية الغلبانة اللي بتموت وواقف يتفرج عليها لغاية ما جيت .
قصة غير محبوكة .. فينك يا وائل يا عطية وقصصك الهندية الجميلة
تقبلوا خالص مودتي

ههههههههههههههههههههههههه هههه
والله صحيح يا دكتور .. مادام صاحبى شهم قوى كده وأنقذ حياتى قبل كده ، أمال سايب الولية التعبانة تموت من غير ما يتصرف ليه؟؟؟
وغريبة برضه إزاى أستاذ وائل لم يعلق على القصة دى؟

وبعدين الليلة عاصفة ممطرة.... حد يسوق كوبيه فى ليلة زى دى؟؟

**mada121977** · 19-07-2007 11:40 AM

Dr Ahmed
كتب:
يا راجل..

اللى كتب الموضوع على راسى

لكن اللى ألف القصة وعملها امتحان هو اللى تعبان وقصته تعبانة ومحتاجة أنتى بيوتك

يادكتور انتا اللى على راسنا من فوق و جزاك الله كل خير

**oshy** · 25-07-2007 01:56 PM

مع احترامى لكل الآراء
الشركه اللى عملت السؤال ده فى امتحان القبول بتاعها انا متأكد انها من أنجح الشركات فى مجالها لأنها مش مستعده تقبل موظفين عندها إلا بقدرات عقليه خاصه و ده الفرق بيننا و بين الغرب انهم بيعرفوا يختاروا الشخص الأفضل فى المكان الأنسب بعكس عندنا فى مصر ( تلاقى قرايب المدير كلهم معاه فى الشركه و اكن العيله بتاعت سيادته كلها عباقره ) و ربنا يزيد و يبارك