الموضوع: فولكس eos ولا بيجو 307 cc ولا ميجان cc

اعز صديق ليا يمتلك Peugeot 307CC موديل 2005 و احنا تقريبا عايشين فيها
ممتلكها من الزيرو و عاملة 68 الف كم حاليا .

اقدر الخص بعض عيوبها و مميزاتها .

عيوب :

* بعض قطع غيار الغير مشتركة مع ال307 العادية - غالية جدا و غير متوفرة غير عند التوكيل

* عيوب الفرنساوي الشهيرة ( اذا كانت عيب ) التكنولجيا الزائدة .. مبتخليش اي بلية يقدر يفهم في السيارة ( كومبيوتر الرحلات و السنسورس دوخة صديقي ) .

* غياب بعض الكماليات التي قد يعبترها البعض اساسية في اي سيارة ( ولاعة سجائر غير موجودة اصلا و لكن في فيتحة 12V - فتح تانك البنزين لازم بالمفتاح مفيش زرار ليه من الداخل ) .

* مكنة السقف ممتازة جدا و هي " ايطالية الصنع " من PininiFarina و لم تصادفنا مشكلة اطلاقا .

* الكراسي الي وراء ملهاش اي لازمة .. المساحة الخلفية سيئة جدا جدا جدا جدا يعني انا سيارتي الي قد الفولة اكبر منها و غير مريحة اطلاقا لاي احد بيعد وراء خالص ( اصغر النصف تقريبا من المساحة الخلفية لللارجل في ال 307 العادية ) .

* الشنطة كبيرة و لكن بلا فائدة .. علشان في ستارة لازم تقفلها فوق الشنطة علشان السقف بيتلم و يتحط في الشنطة .. بالتالي الشنطة عميقة و لكن بدون ارتفاع .. تكفي شنط صغيرة فقط .

* لا يمكن فتح السقف اطلاقة و السيارة علي سرعة اعلي من 5 كم في الساعة .

* المحرك 1600 سي سي بتاع ال307 العادية .. ادائه غير مقنع علي السرعات العادية ( داخل المدينة ) خصوصا انا لسيارة وزنها اكبر من ال307 العادية بكثيييييييييير .

* الكاسيت الي مطروح بها Audio فقط و لكن في مكان لركيب كاست اخر و هو ده بالفعل الي حاصل .

* في موديل 2005 لا يوجد اي فتحات USB او Ipod . في AUX فقط .

* مكن الزجاج بيعلق كل 5-10 الاف كم و مقرف في صياته .

* لا يمكن فتح او غلق السفق من ريموت السيارة .

* لا يوجد ناقل حركة اوتوماتيكي الي في النسخة ال 2000 سي سي

* غلق الايرباج بتاع الركاب عن طريق مفك مش زرار

* السيارة اوطى بكثير من ال307 العادية و تحتاج حرص فوق عادي فوق المطبات لانها بالعرض بالطول بالورب .. بتحك في اي مطب .

المزايا :

* ثبااااااااااااااااااااااا اات رهيب !! السيارة عدادها 260 و وصلنا ل 215 في الصحراوي و السيارة لازقة في الارض و بتاخد غرز كمان !! بجد فظيعة !


* شكلا السيارة جميلة جدا في راي احلي من ال 307 الهاتشباك .

* فتح السفق يستغرق اقل من 20 ثانية .

* تسارع هائل جدا فوق ال 100 كم في الساعة الي 215 كم بمنتهى السلاسة

* السيارة مرييييييييييييييييييييييي ييييييييييييييييييييييييي ييييييييييييييحة جدا حتى في اسوق الطرق المصرية

* كراسي جلد و التابلوه مطعم بالجلد و النيكل و شكله شيك جدا مع الاضاءة البرتقالية .

* مع ان السفف مفتوح .. صوت الموتور معدون تقريبا ! و مش ممكن تسمعه حتى علي السرعات العالية صوت الريح بيبقى مغطي علي صوت الموتور .

* التكييف Climate Control اوتوماتيك و تلاجة فعلا !

* جنوط 16 بوصة فرنسي اصلية ب 2250 الجنط الواحد !

* نقلات سلسة جدا

* فرامل ABS+EBD و 2 Airbag

* فيها ESP و Traction Control و ممكن الاستغناء عنهم ( ادوات امان علي حساب اداء السيارة ) .

* زرار لغلق او فتج كل الزجاج اوتوماتيكيا ..

* طبعا شعور خييييييييييييييييييالي و انت فاتح السقف و ماشي 140-160 و الدنيا بتمر حوليك :) برجع اعد في عربيتي احس اني راكب كارو :P



اعقتد ده كدة كل حاجة في دماغي حاليا ... لو افتركت حاجة حزود .

المشاركة الأصلية كتبت بواسطة mimysheckles

الف شكر يا باشا
معلومات مهمه جدا

بس كده واضح ان البيجو هو اكتر حاجة منتشره فى مصر

بس ياترى اللى معاه عربيه من دول بيعرف يبيع؟ ولا بيخسر فيها كتيييييير؟

العفو .

من ناحية الانتشار في السيارة الCC طبعا البيجو في مقدتمهم بموديلي 206 و 307
علشان هما كانوا اول سيارات في مصر من هذا النوع كما ان تمنهم مش معدي اوي ساعتها يعني البيجو 307CC موديل 2005 كانت ب 190 الف بينما موديل 2008 ب 225 الف.

يليهم ال EOS مع انها نزلت بعد الميجان و لكن اسم VW بيجزب اي حد عن اسم Renault خصوصا بعد الاشاعات المحيطة بالميجان و سعر اعادة بيعها الضايع يمكن اثر علي مبيعات الميجان .

بالنسبة لاعادة البيع سيارة زميلي ده جايبة 140 الف حاليا و يعتبر سعر متوسط .
اعتقد اعلاهم في اعادة البيع حتكون ال EOS .

بس خلي بالك ان ال 3 سيارت محترمين جدا لانهم مبنيين علي شاسيهات سيارات محترمة جدا اذا كانت ال307 او المجيان او الEOS مع ان الEOS بتختلف كثيرا عن الجيتا و ده عيب و ميزة في قطع الغيار .