أتيليه عايدة النجار إسم كبير و نصب علي كبير
معلشي مش عارف أحط الموضوع فين أرجو نقل الموضوع للقسم الصحيح إذا كان هذا قسم غير صحيح
بس الموضوع مهم جدا
أتيليه عايدة النجار في إسكندرية عند عبد المنعم جابر
أرقامهم وعناوينهم بالتفصيل من صفحتهم علي فيس بوك
1-طريق الكورنيش مجمع عبد المنعم جابر كامب شيزار-ت-035923954
0144460000
3-72 شارع عبد المنعم عماره برج قصر الياقوت-ت-033903335
4-46 شارع اسماعيل مهنا عبد المنعم سابقاً-ت-034943253
5-$harm El $heikh " Domina Coral Bay "-moB-0140077883
مدير التسويق *احمد النجار* 01282998929
معلومات الإتصال
الهاتف 01282998929 _01144460000 & 01000581894
البريد الإلكتروني aida_elnagar@ymail.com
نصااااااااااااااااااااااا ااااااااااااااااااااااااا اااابين ومحترفين في النصب هيخلوكي تصدقي وتقتنعي وتثقي فيهم جدا لأن ده شغلهم وبعدين هيبانو علي حقيقتهم ومش هتعرفي غير لما تكوني وقعتي خلاص
والدليل تعالو كده مع بعض
دي تجربة واحدة إتعاملت معاهم
أنا هكتبلكم تجربتى مع عايدة النجار النصابة اختى كان فرحها 20 اغسطس 2013 ورحنا عند عايدة النجار علشان نشوف فستان فرح ليها طبعا اخترات فستان بس سعره كان غالى جدا ونظرا لضيق الوقت وافقنا على السعر بعد كدة عايدة النجار قالتلنا انا عندى بيوتى سينتر وستاف لبنانى وعندى بروجرام كام للعروسة لكدة اسبوع قبل الفرح ماسكات وصبغة وكريمات وحمام مغربى وواكس الكهك سعر البروجرام 1800 جنيه وسعر الفستان 1650 ودخلت علينا بالحنجل والمنجل واخدت عربن للفستان 1000 جنيه وللكوافير 600 جنيه وقالت هتصل عليكم وأحدد معاكم العروسة هتيجى امته علشان البروجرام وفات يومين من الاسبوع اللى قبل الفرح ماتصلتش رحنا احنا كلمناها قالت تعالو بكرة ورحنا الساعة 3 العصر ولطعتنا عندها فى الاتيليه من الساعة 3 لغاية 7 ومادخلتناش البيوتى سنتر المهم بعد 7 دخلنا البيوتى سنتر مالقناش غير بنتها فى كلية عى اللى بتمكيج العرايس وراجل عرة بيعمل الشعر وكانت فى عروسة منهم بتعيط على شكلها ومسحت الميكب مرتين واللهى كان ميكب زى النيلة فانا واختى اتخضينا وخوفنا المهم الساعة 8 ونص بدا الراجل العرة يعمل لاختى الصبغة ووريناله صورة من على النت علشان لون الشعر تخيلو بيصبغو ببدرة تفتيح واكسجين من غير صبغة المهم اللون طلع لون شعر حزلقوم زى الكتاكيت الصفرا قالها تعالى بكرة اللون هيبان بعد ماعملك الخصل المهم رحنا تانى يوم لقينا راجل تانى كملها الخصل وفوجئنا بلون زى الزفت علاوة ان شعرها اتحرق من بودرة تفتيح اللوم طلع حاجة صدمة غير ان شعرها وقع ولما روحنا البيت اسرتنا شافو شعرها اتصدموا وقالولها وحش جدااااااااا واختى قعدت تعيط كان فاضل على الفرح يومين رحنا نزلنا رحنا لكوافير لوزيانا فى المنشة اول ماشاف شعرها اتصدم وقالها ايه اللون العجيب ده فى حد يعمل اللون ده راحل صبفلها شعرها تحفة بجد فرق رلاحنا تانى يوم رحنا لعايدة النجار وقولنالها انا هناخد الفستان لكن مش هنروح المكيب قالتلنا ليه قولنلها علشان انتى كدبتى علينا وقولتى اصطاف لبنانى وانتى ومعندكيش صنايعى عدل وبنتك اللى فى الكلية بتعمل ميكب للعرايس المهم قالت خلاص تعالو استلمو الفستان بكرة يعنى قبل الفرح بيوم ونتصل بيها تانى يوم مش بترد فى المحل والموبايل مقفول وكان اليوم ده اليوم اللى فضو اعتصام رابعة وكان قالو ان حظر التجول الساعة 7 واحنا فضلنا نتصل عليها لغايةو 5 المغرب ولا بترد والمحل بتاعها مقفول علشان كان فى ضرب نار على البحر واختى كانت منهارة وعاوزة تاجل الفرح علشان مافيش فستان فرح لان كان فاضل على حظر التجول ساعتين ومافيش وقت تشترى فستان لان فرحها كان الساعة 3 العصر ربنا كرمنا ورحنا لأتليه سارة فى اللاجتيه الابراهيمية واتليه سارة ده محترم جدا لقينا عندها فساتين تركى تحفة اختى اختارت واحد جامد والطرحة مالهاش حل وكانت ببلاش والتقفيل ببلاش والفستان كان ب 800 حنيه وانا كمان اجرت عندها فستان سواريه واللهى مالوش حل كان ب 140 جنيه والسورياه عند عايدة طلعان عين ابوه جنيه 350 لكن فستان العروسة عند عايدة النجار الفستان كان ب 1600 جنيه والطرحة ب 150 جنيه والبوليرو ب 150 جنيه المهم جبنا الحمد لله الفستان واتفقنا مع لوزيانا انه يعملها الميكب المهم قبل الفرح بيوم اتصلنا بيها الساعة 12 بالليل قامت ردت قولنالها كدة عملتى فينا كدة قالت مالكوش حاجة عندى ولا فستان ولا فلوس واللهى اكبر نصابة احذروا منها عايدة النجار كانت حسبت اختى على الصبغة البايظة 450 جنيه لكن لكا راحت عند لوزيانا عملها لون شيك وجامد ب 250 جنيه المهم اختى كانت عند لوزيانا زى القمر و الفستان عند اتيليه سارة فى اللاجتيه مالوش حل ربنما كرمها علشان اتنصب عليها حسبى الله ونعم الوكيل فى عايدة النجار عاوزين منها 1600 جنيه النصابة ربنا مش هيسيبها كفاية حرقة الأعصاب اللى كنا عايشين فيها كان ممكن الفرح يتأجل علشان مافيش فستان
لسه مش مصدقين طيب
دي كمان تجربة واحدة إتعاملت معاهم
ازيكم يا احلى عرايس فى الدنيا يارب تكونوا بخير و كل واحده تطلع يوم فرحها زى ماهى عايزة و احلى كمان
انا كنت تملى بدخل القسم دا لان فرحى كان شهر 9 و متابعه فيه على طول و استفدت منه كتير
و حبيت احذر كل واحده من اتيليه عايده النجار اللى فى اسكندريه كامب شيزار على البحر نصبت عليا فى 4000 ج
بدعى عليها من قلبي هى و بنتها حسبي الله و نعم الوكيل فيها بجد معليش حطول و ححكى بالتفصيل عشان كل واحده تخلى بالها و ميحصلش معاها كدا قبل ما ابدا كلامى هى و بنتها بيتكلموا فى الاول معاكى بذوق و يسهلوا كل حاجة لحد ما ياخدو منك الفلوس و بعد كدا يسبوكى تخبطى راسك فى الحيط و يتكلموا بقله ادب لان بيبقي مش ادامك حاجة تعمليها
انا روحتلها قولتلها عايزة فستان ايجار اول لبسه قالتلى حتحجزى و تدفعى عربون و لا حتشوفى و تمشي
قولتلها لو عجبنى حاجة ححجزها اكيد قالتلى لا مش حوريكي غير لو عندك النيه تحجزى قولتلها اكيد عندى النيه لو عجبنى حاجة
المهم جابتلى 3 فساتين اختار ما بينهم مبهدلين و طالع عينهم و كانك ماسحه بيهم البلاط و التطريز واقع
قولتلها هو دا ازاى اول لبسه قالتلى لا دول انا عملاهم للبروفه عشان القياس و كدا و تختارى الموديل انما اللى اول لبسه دا فى المصنع بجبهولك قبل الفرح تعملى عليه بروفه قبل الاستلام عشان مش يتبهدل قولتلها يعنى حيبقي نفس الموديل بس اول لبسه قالتلى طبعا
طب تمام كام الفستان 3000ج قولتلها مش كتير اعدت تقولى انا بسافر تركيا و بسافر سوريا و بسافر مش عارفه فين و ادخلى اعملى سيرش على عايده النجار و الكلام دا كله خلاص تمام دفعت العربون نص المبلغ
قالتلى انا عندى طرحة جميله اوى و طقم اكسسوار جايباه من برا مقولكيش على جماله والتاج طب تمام بكام قالتلى كل دول ب 600 ج قولتلها ليه يعنى اكسسوار و طرحة ب 600 قالتلى دول جايين من برا و تحفه و بيلمعوا و لما حتشوفيهم مش حتستخسرى فيهم قالتلى جايين قبل فرحك بيوم لو عايزة احجزيهم دفعت و مردتش تاخد غير حقهم كامل 600ج و كل شويه تقولى انتى روحى اسالى عن عايده و سمعتها و طلع فى الاخر بنتها هى اللى بتدخل تشكر فى نفسهم
المهم قالتلى استلام الفستان امتى قالتلى قبل الفرح بيوم الصبح كان فرحى الاحد قالتلى السبت الساعه 1 الضهر ازاى قالتلى هو نظامى كدا
و ماما كمان حجزت عندها فستان على انه ايجار اول لبسه ماما و هى بتقيسه لقته منتش كله قالتلها دا للبروفه التانى فى المصنع اوك كام 400ج ايجار اول لبسه تمام
جينا نتصل بيها قولنلها مش حنعمل بروفه على الفستان قالتلى لا انا عارفه مقاسك و ظبطلك كل حاجة ازاى قالتلى دا شغلى طب ماشي
جيت يوم السبت الساعه واحد الضهر عشان استلم الفستان الاقي بنتها بتكلمنى فى التلفون و تقولى الاستلام الساعه 7 بليل عشان المدام مسافره قولتلها يعنى انا فرحى بكرة استلم فستانى 7 بليل و انا عامله ليله حنه قالتلى خلاص خلصى حنتك و تعالى احنا بنسهر و بنتها بتتكلم بمنتهى قله الادب روحنا الساعه 11 بليل نستلم افستان طلع الفستان اللى كانت بتقيسهولى فى البروفه و فستان ماما نفس الحكايه اللى قاسته قولنلها ايه دا انتى مش قولتى دول بروفه قالت دول اول لبسه انا انهرت عياط طبعا ازاى احضر بيه ادام الناس دا ممسوح بيه الارض و ماما انهارت و اعدت تكلمنا بقلت ادب هى و بنتها الفستان زفت و تطريزه واقع و يقرف قولتلها انا ادفع 3000 ج فى الفستان دا ملبوس مليون مرة و طلعت كانت عملت حركة السفر دى بنتها عشان ميبقاش عندنا وقت نفكر و لا نتصرف منها لله و الاكسسوارات اللى قالت عليها طلعت و ربنا و الله العظيم ما تسوى 20ج مصفريين و فصوصهم واقعه و مرمين فى الزنقه جداد و بيلمعوا ب 75ج كنت سأله عنهم و الطرحه اكنى ماسحه بيها البلاط زفت خالص مسوده قولتلها الطرحة سوده تقولى انتوا مش بتفهموا و اضطرينا ان احنا ناخد الحاجة لان فعلا مكنش ادامنا حل تانى بس ماما مردتش تاخد فستتانها و نزلت يوم الفرح اشترت فستان و مرضتش ترجع لماما ال 400ج و اخدتهم و اخدت 4000ج فى حاجات و الله العظيم ما تسوي انا بقيت مكسوفه من حاجتها اللى تقرف و انا لابسه الفستان و الاكسسوار ادام الناس ومبقتش عارفه افرح بسبب الكسوف اللى انا فيه من شكل و منظر الفستان و الطرحة والبدى و الاكسسوار و مرضتش كمان تنزل عن ال 4000ج جنيه لانها بتتحكم عشان عارفه ان مفيش وقت نتصرف و دفعنا ال 4000 ج و بنتها نوران دى اوعوا حد يثق في كلامها دى نسخة من امها و قليله الذوق فى الكلام و الرد
دى مضتنا على وصلات بحق الفستان و يا كدا يا مش عايزة تدينا الفستان مضتنا على وصلات ب 15000 ج تقولنا حق الفستان قولتلها دا ميسواش 500ج تقولنا انتوا مش بتفهموا
و انا و ماما وقتها مكناش عارفين نتصرف خصوصا ان كان صابح علينا يوم الاحد و كان عندى الكوافير الساعه 12 الضهر المفروض ابقي هناك عشان الفرح حيبتدى 6 و كله قافل ماما كانت حتعيط و الله
و اضطرينا نمضى عشان ناخد الفستان و اخدت البطاقه بتاعت ماما كمان و تقولنا الوصولات تاخدوها لما تجيبوا الفستان هى و البطاقه دا كمان اللى خلانا مش عارفين نتصرف دى اكنها اعوذ بالله شيطانه
انا بددعى عليها زى ما خليتنى اعيط و كان صابح فرحى و حطيتنا فى الورطة دى حسبي الله و نعم الوكيل فيها
لسه برضه مش مصدقين وشاكين طيب
دي كمان تجربة واحدة تالتة إتعاملت معاهم بس مترددة وإتوترت خصوصا بعد ما شافت حاجات تستدعي للتوتر والقلق
أهي :
السلام عليكم ورحمة الله وبركاته
انا صاحبة الموضوع ده [url=http://forums.fatakat.com/thread4563337]
