الموضوع: عملت معارضة عكس الاتجاه وجلستها بعد انتهاء تاريخ الترخيص بشهرين وعايز اجدد اعمل ايه؟

المشاركة الأصلية كتبت بواسطة mohamed.mohsen

الزملاء الاعزاء

السلام عليكم
عملت موضوع عن التعامل مع مخالفة واحدة تعمد السير عكس الاتجاه 3005 حدها الادنى 1005 ولا اتذكرها انى عملت المخالفة دي تماما ..
وخلاصته لتعم الفائدة انه لا تظلم عليه من الدراسة اللي ممكن تعمله زي ماعملت اني طلبت معارضة في المرور التابع ليه اتحدد لها جلسة بمحكمة المرور يوم 23/6/2014 وطلبت جلسة اقرب دون جدوى كلكم عارفين موظفين نيابات المرور .. لكن تاريخ نهاية الترخيص 25/4/2014 وكمان السيارة فحصها الفنى 2014 السنة دي افيدونى بالله عليكم افضل تعامل مع الموقف ده قبل 25/4/2014 اللي عملته اني دفعت ضريبة سنة في البريد ومعايا الايصالات اكمل ازاى ؟؟؟ لحد 23/6/2014 لعدم الوقوع في مشاكل وهل ممكن المشي بالسيارة شهر من نهاية الترخيص بدون مشاكل حتى 25/5/2014 وعدم السير من 25/5/2014 وحتى موعد الجلسة ..هما فهمونى ان تقديم معارضة معناه ايقاف تجديد الترخيص لحين الفصل في المعارضة وعليا التعامل مع الشارع على حد تعبيرهم ..
انا بفكر ادفع تامين اجبارى سنة قبل نهاية الترخيص وافحص فنى واكمل الملف ..
خصوصا انى المفروض من 2011 ولحد اللي فاتت كنت تبع مرور الدقى اخر تجديد من سنة قالولى لازم ترجع العجوزة لان عنوانك بالعجوزة وكنت معنا لحد المرور العجوزة يستأنف عمله بعد اصلاحاته من حرائق بعد الثورة ..
أعمل ايه الصح افادكم الله وبعد عنكم مشاكل المرور وصداعه ..

معلش انا مش هرد غير على الجزئيه اللى انا متأكد منها بنسبه 100 %
مفيش حاجه اسمها شهر سماح
لو الرخصه خلصت يوم 15 /5 واتمسكت يوم 16/5 الرخص هتتسحب مفيش حاجه اسمها سماح شهر
السماح شهر ده فى عدم اضافه غرامه فقط
تانى
بيتحسب غرامه ثلث الضريبه المستحقه على السياره بعد مرور شهر على انتهاء الترخيص

معلش فى حاجه تانيه
لو افترضنا ان الرخصه معاد الانتهاء بتعها 15/5 وانت رحت جددت بتاريخ 15/11
هيبدأتاريخ الرخصه الجديده من ميعاد (الانتهاء اللى هو 15/5) ومش هتبدأ السنه من تاريخ 15/11 وكمان تحصيل غرامه ثلث الضريبه
يا رب حتى لو رحت تجدد الرخصه بعد انتهاء سنه منها هيحسبلك السنه اللى فاتت دى
معلش طولت عليك وتوهتك معايا
تحت امرك فى اى توضيح

المشاركة الأصلية كتبت بواسطة abo yasso

معلش فى حاجه تانيه
لو افترضنا ان الرخصه معاد الانتهاء بتعها 15/5 وانت رحت جددت بتاريخ 15/11
هيبدأتاريخ الرخصه الجديده من ميعاد (الانتهاء اللى هو 15/5) ومش هتبدأ السنه من تاريخ 15/11 وكمان تحصيل غرامه ثلث الضريبه
يا رب حتى لو رحت تجدد الرخصه بعد انتهاء سنه منها هيحسبلك السنه اللى فاتت دى
معلش طولت عليك وتوهتك معايا
تحت امرك فى اى توضيح

شكرا جزيلا التوضيح فاهم قصد حضرتك ..

المشاركة الأصلية كتبت بواسطة a.saad

بتاخد زى جواب بيفيد انك عامل معارضة وتمشى بيها

مخدتش أي جوابات .. دا انا سالت موظف نيابة المرور امشى ازاي واتعامل مع المرور في الشارع لحد الجلسة البعيدة دي يقولى انت والمرور والشارع تعامل ..