شكراً لكل الردود......و معلش على التأخير فى الرد.
أنا هبتدي بتنظيف السربنتينة و الكشف على الحساس......و ربنا يسهل.
بس انا فاكر أني عملت موضوع التنظيف ده فى الصيف اللى فات و مجابش نتيجة.
شكراً لكل الردود......و معلش على التأخير فى الرد.
أنا هبتدي بتنظيف السربنتينة و الكشف على الحساس......و ربنا يسهل.
بس انا فاكر أني عملت موضوع التنظيف ده فى الصيف اللى فات و مجابش نتيجة.
متابع
كنت النهاردة عند طارق الميكانيكي بعمل حاجة
قولتله على موضوع المؤشر اللي بيطلع و ينزل تاني مع نفسه......و بالصدفة حصلت و انا عنده و طلع عارف المشكلة بس مش عارف لها حل لسه.
عمل الاتي في عربية فيها نفس المشكلة و المشكلة لسه موجودة
غير حساس الحرارة بواحد جديد
لغى ثرموستات الكوعة علشان يجرب بس
غير الردياتير بالمروحة
غير غطا القربة
الحاجة الوحيدة اللي مغيرهاش هي العدادات نفسها .
نفس المشكله عندي و غيرت كل حاجه حني علبه البيئه و لسه المشكله موجوده
في البدايه انا بحاول اساعد على قد ماقدر
انا معايا نوبيرا و في صيف كانت العربيه بتسخن جامد مع التكيف لو في الزحمه و لو على طريق لأ. ولو هديت من سرعه عاليه للوقوف الحراره ترتفع بسرعه و لو دوست بنزين جامد و انا ممور وهيا لسا بترتفع الحراره العداد ممكن يثبت لثواني و بعد كده تكمل
المهم في الاخر طلعت طلمبه المايه الريش بتاعتها اللي بتقلب المايه اتاكلت و مصديه تقريبا بقيت مش موجوده
و الف سلامه على العروسه و بالتوفيق
طلوع ونزول الحرارة أحتمال كبير بسبب ثرموثتات الكوعة
السلام عليكم يا وحوش
علشان تكمل الاستفادة.....هحكي اللي حصل
من ١٠ ايام و انا ماشي على الساعة ٧ بالليل التكييف فصل فجاءة مع انه كان شغال قبلها ب ٣ ساعات زي الفل لدرجة اني قللت المروحة
الحرارة مفيهاش مشكلة ساعتها....
تاني يوم كان الجمعة اللي فاتت اللي درجة الحرارة وصلت فيها ٤٥ و ده احسن اختبار لموضوع السخونية :-)
اخدت العربية و نزلت......التكييف ما زال فاصل.......الحرارة يا دوب مشعرة سنة اعلي من الطبيعي
السبت اخدت العربية و نزلت رحت لطارق.....نزلت سلمت على واحد في الطريق و سبت العربية دايرة من غير تكييف اقل من ١٠ دقايق
رجعت لقيتها سخنة ( بين الشرطة الطبيعية و اللي بعدها)
مشيت بيها شوية ابتدت تنزل و كملت الطريق عادي من غير ما تسخن لحد شارع الهرم
لما ادخل حتة زحمة الحرارة تعلى سنة بسيطة
وصلت لطارق الحرارة طبيعية
وقفت شوية و العربية دايرة....مفيش سخونية
بصينا على المروحة.....شغالة حلاوة.....المياه كانت ناقصة حوالي كوباية و زودناها
قلت لسالم الكهربائي على التكييف......التكييف شغال بس بالعافية مع انه كان مش شغال قبلها بيوم
بص على الفلتر لقاه مش كويس......شاله و الدنيا ظبطت شوية و قالي عاوزك تكشف على الفريون
كل ده العربية دايرة.....التكييف شغال معظم الوقت و الحرارة زي الفل
مشيت من عندهم في اتجاه ورشة تكييفات بعدهم بشارع......يا دوب وصلت و ببص على الحرارة لقيتها عليت.
لفيت و رجعتله بسرعه
سالم فتح الكبوت و بص على المروحة لاقاها مش شغالة سرعة تانية خالص مع انها كانت شغالة من قبلها ب ١٠ دقايق.
ابتدوا يبصوا و لقو العيب من المروحة نفسها
ابتدى يغير بواحدة جديدة ايطالي و وهو بيفك لقى الرادياتير من الركن بتاعه في الحتة اللي متغطية بالمروحة بيجيب مياه
غيرت الردياتير كمان بواحد جديد من عنده
الحمد لله ماشي اسبوع اهو بدون مشاكل.....ربنا يكملها بالستر :-)
مبروك يا أستاذ أحمد ... ولكن هل دى نفس المروحة ال gate زى بتاع التوكيل ؟ سعرها كام ؟
والرادياتير الجديد سعره كام ؟
متابع