اعتقد حساس دواسة البنزين
عرض للطباعة
اعتقد حساس دواسة البنزين
تمام اللى حضرتك بتقوله ... متفقين ان فى دائرة كهربائية رابطة حساس البنزين بالكنترول و البوابة ... فى اعتقادى الشخصى ان الدواسة فى ال516 متحكم بيها كهربائياً وليس عن طريق وير ... اعتقد ان اى خلل كهربائى ممكن يسبب المشكلة مش عفريت ولا حاجة ان شاء الله
...مشكلتك تشبه مشكلة واحد اعرفه كان لما بيشغل التكييف دواسة البنزين بتنسحب لوحدها من تحت رجله و تزود بنزين ... كانت عربية نوبيرا ... اما بخصوص الاخ المحترم فبقوله ربنا يهدى
اول مره اسمع عنها في دواسه كهرباء مش واير
عموما جرب تشوف السوسته المسؤله عن ارتداد الدواسه
في الغالب الموضوع مش هايخرح عنها
بص يا سيدي .... زمان ايام ال 128 كان بيحصل معايا الموضوع ده بس في دواسة الفرامل .... علشان الاسطوانة اللي كان عليها الدواسات كانت اخشنت فالدواسة كانت بتعلق لما ادوس دبرياج...
بمعني اني كنت ادوس دبرياج الاقي الفرامل نزلت معاه ....
رحت لخراط خرط الاسطوانة و الميكانيكي شد السوستة و الموضوع ظبط
السلام عليكم
الموضوع ياسيادنا كالاتى
صليبة الدركسيون بتحك فى دواسة البنزين فانا وانا طالع ذى ما شرحت لكم سابقا ان الدواسه بتتحرك بتكون الصليبه بتضغط على دراع الدواسه فبتحصل الظاهرة دى وطلع ان انا اللى بحرك الدواسه ومش واخد بالى
والسلام ختام
غريبه
ايه اللي جاب صليبه الدركسيون لدواسه البنزين
الا اذا كانت معوجه جامد