هل عفشة الياريس 2014 ناعمة مثل عفشه الكورولا 2006

انا عندى سيراتو ات ماتيك موديل2011
وكورولا 1300 مانيوال موديل 2006
وطبعا زى ما هو معروف ان السيراتو عفشتها ناشفة لدرجة انى احيانا كتير بسيبها واركب الكورولا خاصة مع ارتفاع الكورولا المناسب عن الارض علشان مطباتنا الغالية وكمان توفيرها فى البنزين
بس المشكلة الكورولا مانيوال وده بيعذب ركبتى فى الزحمة وكمان هى فاضية مفيهاش حتى زجاج كهربا

فكنت ناوى ابيع الكورولا واجيب رينو داستر نظرا لعفشتها الناعمة بس اكتشفت انها مانيوال فقط وكمان ملهاش قطع غيار بره التوكيل فصرفت نظر عنها

وبعدين فكرت فى الكيا ريو بس لقيت برده العفشة مبيشكروش فيها اوى فصرفت نظر عنها

وبعدين فكرت فى فى السيراتو الشكل الجديد خصوصا لما لقيت الناس بتشكر فى عفشتها ونعوميتها بس الى مخلينى متردد سعرها المرتفع وعدم وجود عوامل الامان الا فى الفئات الغالية وكمان مش مرتفعه عن الارض زى الكورولا

لغاية ما بقلب صفخات منتدى الكورولا ولقيت تقارير الاخ ياريس الله يكرمه عن الكورلا ياريس الجديدة 2014
فدخلت دماغى الفئة الاولى اوتوماتيك لان فيها كل الى انا عاوزة وسعرها كويس وكمان ارتفاعها حلو عن الارض والاحلى انها موتور الكورولا الى معايا بالاضافة الى انها اوتوماتيك وواسعه وكمان موفرة فى البنزين
بصراحة عجبتنى اوى خصوصا مع اشاعات غلو البنزين وارتفاع سعره
وكمان سحبها هيكون كويس معايا لانى محتاجها علشان الشغل وغالبا بركبها لوحدى يعنى ان شاء الله مش هيكون فى مشكلة فى السحب

سؤالى دلوقتى وياريت يكون من المجربين والى ساقوا العربية وركبوها كويس
هل عفشتها فى نعومة الكورولا 2006
وهل تكييفها تلاجة زى الكوورلا 2006
يعنى دول اهم حاجتين بالنسبالى
نعومة العفشة
والتكييف التلاجة

ارجو الرد من المجربين
وشكرا مقدما

بالنسبة للتكييف ..فلا غبار على اي تكييف ياباني...

اقتباس:

---

المشاركة الأصلية كتبت بواسطة samyyousef

بالنسبة للتكييف ..فلا غبار على اي تكييف ياباني...

---

كلام حضرتك صح
بس العربية تجميع تايلندى مش صناعه يابانية بالكامل
فعلشان كده بسال عن التكييف للأطمئنان

اقتباس:

---

كلام حضرتك صح
بس العربية تجميع تايلندى مش صناعه يابانية بالكامل
فعلشان كده بسال عن التكييف للأطمئنان

---

التكييف بالذات يا فندم ملوش اى علاقة بالتقفيل
التكييف يابانى والتقفيل بتاعه مفيش فية اى فك او تركيب علشان نقول انه مش هيبقى كويس
والمثال فى الجنوب افريقى الى كان فيه مشكله فى الفتيس كانت التكييف تلاجه واليابانى عموما مشهور بكدة فبالنسبة للتكيييف لا تقلق فهو تلاجه


بالنسبة لعفشة الكورولا 2006 هى ناعمه ؟
امال لو ركبت 2012 او 2013 كورولا هتقول عليها ايه !!
الكورولا 2006 او 2007 انا معاك انها عاليه عن الارض جداااااااا بطريقة جميله ودى بيساعد انك تعدى مطبات وانت مستريح حتى لو محمل فية ايييييه ولكن الثبات بعد 120 فى الضياااااااااع خالص


علشان منبعدش عن سوال حضرتك
بالنسبة لليارس 2014 فهى ناعمه ماشاء الله انا جربتها مع واحد صاحبى بس حسيت ان الكورولا 2014 انعم منها دى عن تجربتى الشخصيه

اقتباس:

---

المشاركة الأصلية كتبت بواسطة ahmed12345678

كلام حضرتك صح
بس العربية تجميع تايلندى مش صناعه يابانية بالكامل
فعلشان كده بسال عن التكييف للأطمئنان

---

موفق ان شاء الله
و اتمنى ان يفيدك ذوو الخبرة ..عن تجربة
لكن بالنسبة لمكان تجميع السيارة لن يغير من الامر شيء بالنسبة للشركات العالمية مثل هوندا..فمثل هذه الشركات لن تضع اسمها على منتج يقل عن مواصفاتها القياسية
تحياتي

اقتباس:

---

المشاركة الأصلية كتبت بواسطة abofandy

التكييف بالذات يا فندم ملوش اى علاقة بالتقفيل
التكييف يابانى والتقفيل بتاعه مفيش فية اى فك او تركيب علشان نقول انه مش هيبقى كويس
والمثال فى الجنوب افريقى الى كان فيه مشكله فى الفتيس كانت التكييف تلاجه واليابانى عموما مشهور بكدة فبالنسبة للتكيييف لا تقلق فهو تلاجه


بالنسبة لعفشة الكورولا 2006 هى ناعمه ؟
امال لو ركبت 2012 او 2013 كورولا هتقول عليها ايه !!
الكورولا 2006 او 2007 انا معاك انها عاليه عن الارض جداااااااا بطريقة جميله ودى بيساعد انك تعدى مطبات وانت مستريح حتى لو محمل فية ايييييه ولكن الثبات بعد 120 فى الضياااااااااع خالص


علشان منبعدش عن سوال حضرتك
بالنسبة لليارس 2014 فهى ناعمه ماشاء الله انا جربتها مع واحد صاحبى بس حسيت ان الكورولا 2014 انعم منها دى عن تجربتى الشخصيه

---

انا طريق شغلى ميسمحش بالجرى يعنى يوم ما بجيب 120 بيكون عيد
والمهم عندى ان العربيه تكون عالية برضة مع نعومية العفشة

وبمناسبه الارتفاع عن الارض بما ان حضرتك ركبت اليارس
هل الياريس مرتفعه عن الارض مثل الكورولا 2006

راى الشخصى ,, حرام فيها الفلوس و تزود و تجيب الكرولا او حتى اول فئه فى السيراتو اوتوماتيك

اقتباس:

---

وبمناسبه الارتفاع عن الارض بما ان حضرتك ركبت اليارس
هل الياريس مرتفعه عن الارض مثل الكورولا 2006

---

هى ممكن تبقى اقل من الكورولا 2006 بحوالى 05-1 سم

اقتباس:

---

المشاركة الأصلية كتبت بواسطة blazer

راى الشخصى ,, حرام فيها الفلوس و تزود و تجيب الكرولا او حتى اول فئه فى السيراتو اوتوماتيك

---

حضرتك اذا مكنتش ركبت كورولا الشكل من 2005 الى 2007
فانصحك تجرب
لان الشكل ده ....... وان كنت معترض على ارتفاع سعر المستعمل به بشكل غير عادى وده اهم سبب انى مدورتش على كورولا الشكل د مستعمل ....... الا انه اثبت كفاءه فى طرقنا المصرية من حيث ارتفاع العربية ونعومة العفشة واعتمادية عالية جدااااا واعطال نادرة تقريبا وتكييف تلاجة مع العلم ان الشكل ده معظمة موتور 1300 سي سي الى هو نفسه موتور الياريس 2014
ومع حجم الموتور ده إلا انه بيجرى العربية ما شاء الله وكمان موفر بشكل ممتاز فى البنزين

وده كل الى انا محتاجة بالاضافة الى ان الفئة الاولى اوتو ياريس فيها اتنين ايرباج وفرامل abs وكمان فرامل ba وسعرها 140000 جنية

فى حين السيراتو اول فئة اوتو مفيهاش ولا حتى ايرباج واحدة ولا فرامل abs وسعرها 149000 جنية والفئة الى بعدها فيها ايرباج واحد من غير برده abs وسعرها 152000 جنية ، اما الفئة الى فيها اتيين ايرباج وفرامل abs سعرها 162000 الف جنية يعنى فرق 22000 الف جنية

كمان من عوامل اختيارى انخفاض تكاليف الترخيص وتكالبف البنزين يعنى عربية اقتصادبة بكماليات كويسة وعوامل امان محترمة
والموتور كما ذكرت ممتاز جدا وانا مجربه لسنوات لدرجة انه افضل بكثير فى تسارعه وسحبه عن موتور السيراتو 2011الى معايا ومش عارف ازاى ...... مع العلم ان الاتنين معايا من تلات سنين والسيراتو كنت شاريها زيرو والكورولا مستعملة

اما الكورولا 2014 فتقريبا اول فئة اوتو فيها بحوالى 175000 جنية تقريبا يعنى بره الميزانية

وربنا يوفقنى ويوفق الجميع لما فيه الخيروانا لسه فى مرحلة التفكير بس غالبا هترسى على الياريس

اقتباس:

---

المشاركة الأصلية كتبت بواسطة ahmed12345678

حضرتك اذا مكنتش ركبت كورولا الشكل من 2005 الى 2007
فانصحك تجرب
لان الشكل ده ....... وان كنت معترض على ارتفاع سعر المستعمل به بشكل غير عادى وده اهم سبب انى مدورتش على كورولا الشكل د مستعمل ....... الا انه اثبت كفاءه فى طرقنا المصرية من حيث ارتفاع العربية ونعومة العفشة واعتمادية عالية جدااااا واعطال نادرة تقريبا وتكييف تلاجة مع العلم ان الشكل ده معظمة موتور 1300 سي سي الى هو نفسه موتور الياريس 2014
ومع حجم الموتور ده إلا انه بيجرى العربية ما شاء الله وكمان موفر بشكل ممتاز فى البنزين

وده كل الى انا محتاجة بالاضافة الى ان الفئة الاولى اوتو ياريس فيها اتنين ايرباج وفرامل abs وكمان فرامل ba وسعرها 140000 جنية

فى حين السيراتو اول فئة اوتو مفيهاش ولا حتى ايرباج واحدة ولا فرامل abs وسعرها 149000 جنية والفئة الى بعدها فيها ايرباج واحد من غير برده abs وسعرها 152000 جنية ، اما الفئة الى فيها اتيين ايرباج وفرامل abs سعرها 162000 الف جنية يعنى فرق 22000 الف جنية

كمان من عوامل اختيارى انخفاض تكاليف الترخيص وتكالبف البنزين يعنى عربية اقتصادبة بكماليات كويسة وعوامل امان محترمة
والموتور كما ذكرت ممتاز جدا وانا مجربه لسنوات لدرجة انه افضل بكثير فى تسارعه وسحبه عن موتور السيراتو 2011الى معايا ومش عارف ازاى ...... مع العلم ان الاتنين معايا من تلات سنين والسيراتو كنت شاريها زيرو والكورولا مستعملة

اما الكورولا 2014 فتقريبا اول فئة اوتو فيها بحوالى 175000 جنية تقريبا يعنى بره الميزانية

وربنا يوفقنى ويوفق الجميع لما فيه الخيروانا لسه فى مرحلة التفكير بس غالبا هترسى على الياريس

---

اختيار موفق جدا بأذن الله ، و سعيد ان حضرتك بصيت لمواصفات الامان اللي بستغرب جدا انها تنزل كأوبشن في العربية مع انها المفروض تبقي ستاندرد في كل الفئات.
تحياتي لحضرتك و مبروك مقدما