ايه رايكم فى السيارة شنجان بينى مينى الاتوماتيك ؟
العربيه من مواصفاتها ع النت حلوه وخصوصا سعرها
65 الف اتوماتيك
حد يعرف معلومات عن السيارة ؟
عيوب ومميزات شنجان بينى مينى
السلام عليكم جميعا , انا قمت بشراء السيارة شنجان مينى بينى لزوجتى منذ حوالى شهرين من معرض الطارق وبصراحه السيارة لم يتجاوز عدادها 1000 كيلو بس اسمحولى استعرض مميزات وعيوب السيارة من واقع تجربتى للسيارة
- مميزات السيارة
1- انا بصراحه مرتاح جدا على كرسى القيادة مع انى طويل القامه وحاسس بوسع السيارة
2- التابلوة جيد
3- العدادات صغيرة نسبيا لكن الخلفية الزرقاء لذيذة
4- فرش الاصلى للسيارة شيك جدا
5- تقفيل السيارة من الداخل جيد جدا
6- المرايات الجانبية جيدة
7- التكييف ممتاز مع قوة الموتور
8- العفشة ناعمة جدا ( مثل عفشة البيكانتو)
9- انا جبت بالسيارة 120بس وعملت بيها غرزتين وكان الثبات جيد بس بعد كدة منصحكش
10- استهلاك البنزين ممتاز
11- الوكيل بتاعها سعودى جروب اللى هو توكيل نيسان وهما بصراحه محترمين لانى مجربهم فى عربيتى النيسان صنى 2011
- العيوب
1- سحب العربية بيقل بشكل غير ملحوظ مع تشغيل التكييف
2- نقلات الفتيس الاتوماتيك بتحس بكل نقلة مع ناتشة بسيطة ودى المفروض تتعالج مع اول صيانة فى التوكيل
3- الشنطة صغيرة جدا الا اذا قمت بطى الكراسى الخلفية
4- صوت الموتور عالى قليلا
5- ثبات العربية كويس لغاية 120 وبعد كدة مع نفسك
6- صاج العربية مش قوى اوى بس شغال
ويا جماعة لو حد عايز يكلمنى علشان يستفسر اكتر انا معنديش مشكله خالص