الموضوع: ألف شكر للباشمهندس درش

ألف شكر للباشمهندس درش
أنا عاجز عن الشكر يا بشمهندس درش

الحقيقة أنا مكنتش عايز أقول إني من نايل موتور وقلت كفاية عليا الشغل المحترم
لكن الحقيقة حبيت أتعرف على درش وأسلم عليه فقلت للمحاسب إني من نايل موتور

الحقيقة العربية أصبحت ممتازه وصوت التصفير في الملفات راح خالص
وطبعا عملي خصم 25% وده خصم كبير قوي

جزاك الله خيرا يا درش وربنا يباركلك ويقدرنا نردلك جميلك

ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــ

بالنسبة لمكان الورشة أنا الصراحة لفيت كتير على ما عرفت أوصل
عشان كده هحاول أشرح الطريق:

وأنت قادم من ميدان التجنيد إلى ميدان المطرية عند ميدان المطرية تدخل أول يمين
تفضل ماشي لحد ميدان مسجد الأنوار المحمدية تعديه وتلف من وراه شمال كأنك راجع
وتفضل ماشي وباصص على شمالك لغاية لما تلاقي على الشمال شارع واسع مليان ورش إسمه خالد درويش
الشارع ده قبل ما توصل لمحطة أتوبيس المسلة الجديدة
المهم تخش شارع خالد درويش تلاقي درش تقريبا تاني أو تالت عمارة على الشمال

أنا برده بشكر المهندس درش على الشغل اللي عمله

أنا كنت عايز أتطمن على الزوايا عندي ومحبيتشي أروح أي حته وقلت لازم أروح أتعرف عليه وأتفرج على الجهاز الجديد .

الحمد لله العربيه متلعشي فيها حاجه غير سنة تظبيت

جزاك الله خيرا يا درش وأرجو من الله أن تفتح لك فرعا هنا في مدينة نصر حتى يتسنى لجميع ساكينيها التعامل مع الأجهزه الحديثه التي تتعامل بها في ظبط الزوايا

وشكرا

ملحوظه :

1: أنا أخذت بالي من البرنامج المستخدم في تسجيل أسماء العملاء وكذلك طباعة الفواتير عن طريق الكمبيوتر وأحب أن أسجل إعجابي بهذا الموضوع.
2: أنا لاحظت وجود جهاز Wireless Router وجهاز أخر Wireless معلق على الحائط ولم أستطع أن أستنتج وظائفهم بالظبط.