الموضوع: عاوز ديفيدي وجي بي اس للأفيو

السلام عليكم أعضاء المنتدى الكرام

أولا أنا معرفتي على قدي ف العربيات وعندي أفيو 2010 وعايز أغير الكاسيت الشرايط اللي فيها عشان كل ما أجيب اف ام موديولاتور يبوظ والصوت مش حلو حتى استقبال الراديو زي الزفت أساسا فقولت أغير وبما اني هغير أجيب حاجه عليها القيمه شاشة تاتش وجي بي اس وأركب كاميرا ورا وأعيش الحياه شوية اللي معكننها عليا الكاسيت ده كل ما أركب العربية فياريت تقولولي على موديلات كويسه بس يكون فيها بلوتوث عشان مكالمات التليفون وفيها يو اس بي وaux ويا سلام لو كان سعرها حنين شويه ولكم مني جزيل الشكر على المساعده ولو في حاجه من غير جي بي اس برضو مفيش مانع

هو مفيش حد غير الكاسيت الملعون في الأفيو ولا ايه؟ أنا لقيت واحد صيني فيه كل حاجه ب 1300 جنيه بس خايف اشتريه