قدامى ماروتى 98.. اتوكل علي الله وﻻ ايه ؟

**SuperTest** · 18-04-2014 12:48 PM

السﻻم عليكم
امبارح شفت في معرض بيع لحساب الغير في اسكندرية
عربية ماروتى 98
فابريكه برا و جوا.. فيها بس شوية خرابيش برا علي نقر بسيطه وممكن متتعملش وتمشى بيها عادي
دخلتها من جوا. حالتها حلو والفرش نضيف والطابلوو. واضح انها مش مستهلكه
وقالى بتاعت واحده زوجة ظابط وهي المالك الاول وفيها رخصة سنة
شفت بعدها ماروتى 2008 بس راشه برا وحالتها من جوا كانت هلكانه عن ال 98

المهم الراجل مكنش معاه المفتاح. والمفروض واخد ميكانيكي ورايح اشوفها النهارده عشان نبص على الموتور والعفشه وباقى الحاجات

لفت نظرى بس حاجه غريبة ان عدادها 16 الف كيلو بس.. ولما سألته قالى مكنتش بتمشى دي حتى متركبش فيها كاسيت وﻻ اتحط فيها مسمار كل حاجه علي الفابريكه

هو كان بيتكلم في 20 قلتله مستحيل طبعا، وصلنا ل 18 ونص وهحاول انزل ل 17 ونص بس صاحبي اللى كان معايا بيقولى حالتها كويسه جدا..

السؤال لو مسك في 18 او 18ونص هل تستاهل؟
السؤال التانى 16 الف كيلو دي معقولة ؟؟

انا كل ما اشوف عربية نفسي تحن للميرا 98 عشان ادامى واحده حالة ممتازه مطلوب فيها 21 الف وعاملة 75 الف كيلو وكوتش تيوبليس جديد وموتورها بيجيب 140 كيلو.. ورضة برا بس وناعمه بس مقلقنى قطع غيارها في اسكندرية

**kokowasfy** · 18-04-2014 02:17 PM

هية موديل 98 عاملة 16 الف مستحيل طبعا ولا تقصد ان موديل 2008 هية الى عاملة 16 الف كيلو كلامك مش واضح بس على العموم العربيات حالات مش مهم الموديل و الكيلو متر اهم حاجة الحالة العامة و كبس المتور صدقنى ممكن تشوف عربية موديل 2012 المفروض زيرو لكن تلاقيها متهانة جدا جدا و ممكن تلاقى عربية ماشية 10 الف كيلو بس متهانة و مفيش حاجة فيها سليمة نهائى اهم حاجة الحالة و بلتوفيق انشاء اللة

**Mohamed_Ayman** · 18-04-2014 05:11 PM

الحالة أهم من الموديل ، ربنا يوفق بس 98 قديمة قوى.

**S O P H O S** · 18-04-2014 05:45 PM

راي بلاش الموديل القديم فالعربية دي

**mostafa magdy** · 18-04-2014 05:51 PM

بلاش ال 98 زي ما نصجك الأعضاء الكرام ..
ربنا معاك

**magyver** · 18-04-2014 09:00 PM

والله ياجماعة هيا مش بالموديل
بالحاالة 16 الف كيلو
سهل جداا تعرفها بتاعت العربية ولا لا
شوف الطارة ممسوحة ولا خشنة
بيضة الفتيس خشنة ولا ممسوحة الفرش كل الكلام دة تعرف منة العربية ماشية قد اية

**SuperTest** · 19-04-2014 01:04 PM

شكرا على الردود.. رحت اشوفها لقيت صاحبها اتهف في عقله وطالب 21 الف

قلتله سﻻم عليكم

وشفت واحده 99 الشكل الجديد صاحبها ماسك في 19
العربية رشه برا اجزاء.. و 80 الف كيلو وفيها رخصة سنة..

بس صاحبي بيقولى هتحتاج شوية شغل سمكره على حرف الابواب من تحت وبيقولى فيها بداية بارومه فى المكان اللى فوق العجل ده.. ولما قلت لصاحبها قالي عشان بركن بحرى جمب البحر..

المهم الكلام ده خطير ؟؟