محتار أيهم أختار؟؟

**zpoet** · 07-10-2008 11:16 AM

السلام عليكم

دلوقتي يا جماعة المنتدى ده عرفته بسبب حيرتي و بحثي عن السيارة المناسبة التي سأشتريها إن شاء الله

القصة أني سأبيع سيارتي الحالية النوبيرا لشراء أخرى جديدة

مشكلتي أني أحتاج عربية بمواصفات خاصة

فبسبب عملية في الركبة لا أركب إلا الأوتماتيك

كما أن تنقلاتي كثيرة جدا يعني حوالي 5000 كم في الشهر

طبعا متعقد من عفشة النوبيرا ده غير إني بروح أماكن فيها طرق غير ممهدة

العربية اللي هبيعها بإذن الله تجيب حوالي 50 الف

عايز أحطهم مقدم و الباقي قسط ...عايز أجيب عربية ياباني بس محتار

صاحب معرض سيارات مدح لي في اللانسر 1300 على حساب الهوندا سيتي و الصني

و لكن قريت هنا كلام تاني

بصراحة كده يا جماعة عايز رأيكم في الآتي

1- لانسر 1300

أم

2- هوندا سيتي

أم

3- نيسان صني

طبعا واضح أني سقفي في المبلغ ال100 الف علشان كده ماحطتش اللانسر 1600

يا ريت حد يدلني لحسن محتار أوي

و شكرا

**mohamedway** · 07-10-2008 04:47 PM

الانسر 1300 سحبها ضايع لو مش فارقه معاك تبقه كويسه جدا بس ضايع قوى بجد

الهوندا عموما ابعد عنها عشان قطع غيارها قليله و غاليه و سعر اعاده بيعها وحش

الصنى كويسه بس فيه بعض الشكاوى من التقفيل المصرى بس التوكيل و الضمان محترم و انا ليه 2 صحابى معاهم و محدش اشتكى منهم من العربيه بس خلى بالك بتاكل بنزين كتير لانها 1600 و العربيه وزنها تقيل بالاضافه انك هاتجيبها اتوماتك و زى ما حضرتك قولت مشاويرك كتير.

ممكن تضيف لاختياراتك اليارس و بجد عربيه ممتازه و موفره جدا فى البنزين و اداءها ممتاز حتى لو اتوماتك و 1300 سىسى بس ثباتها أقل من الانسر و الصنى بس بردو كويسه و انا باحترمها جدا و هتبقه مناسبه ليك جدا خصوصا لو اغلب مشاويرك جوه البلد و هتشيلك فى البنزين جامد.

**blazer** · 07-10-2008 04:59 PM

اعتقد الياريس افضلهم
لانها انعم من عفشه الصنى غير انها موفره فى البنزين

**D . a .\ AYMAN** · 08-10-2008 12:37 AM

انا شايف ان الـ HONDA CITY جميلة جدا حتى من الياريس وموفرة جدا برضه في الوقود الأتوماتيك بتاعها مش وحش خالص وسحبه حلو (عن سمع فقط) غير اللانسر الـ 1300 سحبها هايبقى ضعيف شوية في الأتوماتيك (عن تجربة)

والنيسان يعيبها التقفيل المصري واستهلاك الوقود لو اتوماتيك

الوكيل بتاع هوندا الفطيم والناس بتشكر فيه جدا هنا في المنتدى وأعتقد قطع الغيار مش هاتبقى مشكلة أي قطع غيار في التوكيل بتبقى غالية وهية دي ميزة اللانسر ان قطع غيارها برة متوفرة شوية عن الهوندا

وربنا يوفقك

**zpoet** · 08-10-2008 03:23 PM

الف شكر يا شباب أنا شايف كده إن اللانسر هي الأقرب للإختيار

يتبقى حيرتي في موضوع أجيب 1300 و لا 1600

عايز أوفر بنزين لأن مشاويري كتير

و في نفس الوقت خايف من عيوب ال1300 زي ما قلتم!!