البلد النهاردة فوق بعضها.. المشوار اللي باجيه في ربع ساعة خد مني ساعة إلا ربع.. ربنا يستر في طريق العودة.
عرض للطباعة
البلد النهاردة فوق بعضها.. المشوار اللي باجيه في ربع ساعة خد مني ساعة إلا ربع.. ربنا يستر في طريق العودة.
الطرق زفت زفت زفت الزفت
انا واصل الشغل بعد 9:40 دقيقة
شغلى في المعادي وانا ساكن في مدينة نصر
وكل مخارج مدينة نصر مقفولة بالضبة والمفتاح
كنت طالع دائري كالعادة لقيت الطيق مقفول من قبل
الـN/a والناس كلها راجعة وماشية عكس الاتجاة
علشان تهرب من الزنقة!
لفيت علشان اخد الاوتوستراد لقيتة متنيل هو كمان
وواقف والناس بتلف وترجع برضة عكس الاتجاة
في حضور مجموعة من خيرة ضباط وامناء وعساكر المرور!!
كل دة لية؟!! لو المدارس السبب يبقى خيالات لان الوقت دة
يبقوا دخلين على الحصة الثالثة وفي نفس الوقت مش شايف
شباب الجامعات منتشر!! كلهم شكلهم ناس رايحين شغلهم وقليل
اوي من العربيات كانوا طلبة!
امبارح 6 اكتوبر كنت ماشي لوحدي على الدائري مفيش
معايا على الطريق كلة غير 10 ولا 12 عربية بالكتير:funny34d:
ما احلى القاعدة فى البيت :)
:mad2::mad2:ANA KONT RAY7 EL KOLYA EL NHRDA M3RFTSH BSBAB EL METRO 3TLAN SHOARE3 ZA7MA MOOT MOSLAT MOST7ELA ANA SAKIN FY EL 7DAY2 EL KOLYA FY MATAR EMBABA NO WAY TO REACH THERE
أنا كنت رايح شغلي كالعادة من علي طريق السويس لاني ساكن في الرحاب و شغلي في الماظة بصراحة المشوار ده بيأخد حوالي 15 دقيقة لكني النهاردة وقفت في الكيلو 4.5 اكتر من نصف ساعة و كده وصلت متأخر حوالي الساعة 10 الاربع
بصراحة انا مش عارف ايه سبب الوقفة دي بالرغم من وجود امناء الشرطة و كام رتبة كده من الرتب التقيلة
و الاخطر هو سلوك الناس اللي بيزود الطين بلة
ربنا يستر أخر النهار
و الله يا اختى الغالية نها انا عندى رأى لكن مبحبش ان اى اخت تزعل منى فية و هو لو ان البنت او الست تستطيع انها متنزلش الشغل فدة اكرملها من اللى بيحصل فى البلد من شوارع و زحمة و معاكسات غير الشغل و اللى بيحصل فية و بعدين ترجع البيت منهكة جدا جدا و تعبانة و مطلوب منها اكل و شرب و متابعة اولاد فأكيد ضغط قوى جدا عليها لكن لو هى مركزة مع البيت و الاولاد اعتقد سيكون تركيزها مع اولادها و متابعتهم أفضل كثيرا و سترى نتيجة هذا فى استقرار الحالة النفسية لإولاد و زوجها و فى نتائجهم فى دراستهم لأن هناك من لا يتركهم و يلاحظهم بإستمرار
و عموما المسألة دى بتختلف فيها وجهات النظر لكن انا قلت هذة وجهة نظرى الشخصية
يا ساتر يا رب
افتكرت والله ايام الكلية اول ما دخلتها و كنت لسه مش بسوق و بركب ال cta الله يحرقه و الناس واقفة و مفيش مكان لواحد يحط رجله و لو فكرت تاخد تاكسي هينزلك فى نص الطريق و يقولك العربية سخنت كمل انت وحدك و حتى لما سقت مسلمتش من المشوار و زحمته و البهدلة بتاعة العربية و كنت قلباه تاكسي و اوصل كل صحابي لحد بيوتهم اللى فى الهرم و اللى فى المهندسين و اللى فى المنيل و ارجع على المغرب مهدودة .. يااااااااااه ايام زفت ..
فين بأة على ما المرور يفك شوية و بتوع الجامعة يبتدوا يزوغو و ميروحوش و المرور يهدي شوية :)
الشركة كلها النهاردة عملت اذون تأخير . حاجة جميلة فعلا