هو كده مش هيبقي فيه قطع غيار استيراد خلاص؟؟؟

**casper9114** · 20-04-2014 01:24 AM

فى اوربا و الدول المتقدمة العربيات مبتترخصش لو عدى على تاريخ انتاجها فترة معينة و بالتالى لو العربية معملتش 1000 كيلو و موديل اديم تمنها بينزل الارض و بتتحول عندهم لخردة حتى لو مفهاش خربوش و فى الاخر بيكون نهايتها السحق و اعادة التدوير او تتصدر لدول النامية , هنا فى مصر ممنوع استيراد شاسيهات السيارات المستعملة و عشان تجيب عربيك المستعملة من برة ليها شروط كتير و معقدة المهم الى بيجيبو عربيات من برة بيقطعوها بصاروخ من النص و تتحمل على كونتنر 20 م او 40 متر و تنزل هنا يجيب صنيعى باليومية و يفك حسب الطلب طبعا بعد القرار العجيب دة لو حد حب يجيب عربية من برة لازم يفككها ودة هيبقى مكلف جدا جدا لان سعر العمالة برة غالى جدا و نتيجة لدلك العربيات الى ليها قطع غيار جديدة سعرها هيغلى و العربيات زى الرينو و الجولف و الحجات دية المستعمل منة هيرخص جدا الن ساعة ما العربية هتحتاج حاجة مش هتلائيها

ثانيا اسعار الجديد هيعلى لان الطلب هيزيد اكيد

ثالثا سرقة العربيات هتزيد لان الى معاه عربية هيقطعها و يبع حاجتها باكتر من تمنها وهيا على بعضها

ان شايف ان القرار دة معمول لمصلحة اصحاب التوكيلات لان صيانة و بيع هيتم من خلالهم فقط و لو كان الاعتراض على الرخص المضروبة او حتى تهريب مخدرات و اسلاحة فى السيارت المستوردة دية كان الاحسن يشددوا الرقابة عليها لان بسهولة ممكن البلاوى دية تتهرب فى الزيرو بردو

دة سعر الدايو مستعملة برة http://www.parkers.co.uk/cars/for-sa...rpp/10/page/1/

**Ahmadhamza84** · 20-04-2014 01:42 AM

أنا بس حابب أعلق على حاجة : ان القرار بيحترم الشعب !!!!!!!!!!!!!
و في حد محترم قال : إنهم لو بيحترمونا كانوا باعولنا العربيات بأسعارها الأصلية ... ده حتى اللي بيتجمع في مصر بيتباع بضعف سعره ( علشان بس ماحدش يقول لي دول عاملين جمارك علشان يشجعوا الصناعة المحلية )
بلاااااااااااااااااااااش ياسيدي يدونا الحاجة بسعرها الأصلي ....
يعملوا رقابة على التوكيلات اللي بيشتغلونا شغل السنين !
في قرارات كتير تدل ان الشعب بيتم احترامه ... وقرارات كتير لا علاقة لها باحترام الشعب

**esam_refaat** · 20-04-2014 09:06 AM

ممكن يسمحوا باستيراد الانصاف ويكون التقطيع فى المنطقة الحرة بايدى مصرية ورقابة على البوابات يبقى حققنا كل الاهداف : الامان وعدم التلاعب + تشغيل المصريين بدلا من الاجانب + عدم زيادة التكلفة

**laion79** · 20-04-2014 12:50 PM

المشاركة الأصلية كتبت بواسطة esam_refaat

ممكن يسمحوا باستيراد الانصاف ويكون التقطيع فى المنطقة الحرة بايدى مصرية ورقابة على البوابات يبقى حققنا كل الاهداف : الامان وعدم التلاعب + تشغيل المصريين بدلا من الاجانب + عدم زيادة التكلفة

يا باشا الله ينور عليك اهى دى الدمغا ت اللى تفرح عايزين نسمع مجلس الوزراء الكلام الجميل ده حد عنده اقتراح للطريقه

**casper9114** · 20-04-2014 02:52 PM

المشاركة الأصلية كتبت بواسطة esam_refaat

ممكن يسمحوا باستيراد الانصاف ويكون التقطيع فى المنطقة الحرة بايدى مصرية ورقابة على البوابات يبقى حققنا كل الاهداف : الامان وعدم التلاعب + تشغيل المصريين بدلا من الاجانب + عدم زيادة التكلفة

الاقتراح دة ممتاز و اكمل علية ان كل التجار الى شغلين فى بيع استيراد يتراقب على شغلهم يمعنى خد ثلاث عربيات متقطعين برقم شاسية و متور ميتسمحلوش ان ياخد انصاص تانى الا اما يقدم الورق الى يثبت بيع اجزاء العربية دى بكام و لمين و يبقى فرصة يدفع الضريبة هما بتوع قطع الغيار الاستيراد كانوا بيفترو و تبقع الموضع كلة تحت الاشراف