الموضوع: قصة درامية بامتياز (كاملة )

المشاركة الأصلية كتبت بواسطة lena jo

1- انا علقت قبل نهاية القصة و عندي نقاط اخري.اولا الام لم تعالج مشكلة البنت من الاول بعد ما عرفت انها بتكلم سمسم من ورائها. الضرب مش حل ، كان المفروض تتكلم معها و تشرحلها انها لسه صغيرة و الكلام ده لن يؤدي لشئ و تفهمها العيب و الحرام يعني تربيها الاول و تعلمها الصح فبالتالي هي من نفسها هتمشي صح.
2- موقف الام و الاب معا من الخطوبة. اولا الاولاد غير ناضجين و الام عارفه ان بنتها متهورة و غير اهل للثقة كان المفروض يحكموا المقبلات اللي بينهم ونرجع للنقطة الاولى تفهمها يعني ايه خطوبة و انها لا تبيح اي شئ لان اي واحد فيهم ممكن يرجع في كلامه في اي لحظة و كمان شرعا حتي لو تزوجوا اي تجاوزات قبل ذلك لازالت في ميزان السيئات.طبعا واضح ان البنت اساسا كانت بدون اي وعي ديني عكس اخت سمسم اللي مرتاحة لانها فاهمه صح.يعني من الاخر كان لازم من الاول التربية و التوعية و الدين.زرع الاخلاق و الدين من الصغر بيريح الاهل كثير. مش هيتعبوا مع اولادهم في مجادلات.
3- و طبعا حفلة الخطوبة بتجاوزتها و زيها كثير للاسف كأن فجاة الرقص و اللبس المخالف للشرع و الاسوأ خلع الحجاب للعروسه و احيانا اختها اصبح مباح و حلال و مش عارفين انها بداية حرام لشئ حلال و هو الزواج و طبعا مفيش بركه ولا الموضوع بيتم علي خير .
4- موقفهم ايضا في تعنتهم المادي معه اللي فسخ الخطوبة. يعني الاب عارف سمسم و اهله و شايفه كويس و الموضوع ماشي و هو لازال في بداية حياته و عمل اللي يقدر عليه ايه لازمة التفاهات دي يصمم عليها؟ و الام ساكته محولتش معاه رغم انها شايفة بنتها و سمسم كمان متمسكين ببعض منذ الصغر و لازالوا يعني مشاعر حقيقية.كان المفروض يساعده و يكمل الموضوع. احيانا بشوف اهل البنت بيساعدوا جامد جدا لو وجدوا الشخص المناسب لبنتهم لكن المهم يكون بيحاول مش مستخسر.حتي ممكن يكون لها شقه و لو العريس شقته وحشه يسكنوا فيها . شفت فعلا الموقف ده بس كانوا متأكدين انه كويس و يستاهل لكن طبعا الشقة باسم البنت.
5- موقف سمسمة بعد فسخ الخطبة بشوفه في افلام و غريب بصراحة انها تتزوج اي حد يتقدم لها كأنها بتنتحر مثلا . طب ليه. ما هي قاعده و خلاص لغاية ما ييجي حد مناسب حتي لو هي شايفة سمسم وحش.
4- اما سمسم رغم التربية الدينية الا انه تحول. هل معرفة سمسمه السبب مع انه في الاول يمكن لو قالوا انها بنت مؤدبه كان ممكن رد فعله يختلف؟ هل كان والده يتوقع حاجة كده؟ يبدو انه كان المفروض يفهمه انه ياخد باله من مشاعره و يغض بصره الي ان يصل لسن مناسبة و يختار زوجة مناسبة و يتقي الله في الحرمات.معانا هنا عضو كان عامل موضوع انه مره فوجئ ان فيه بنت تقريبا في المرحلة الثانوية بتسأل علي ابنه اللي لسه في اعدادي .بتسال عليه علي الباب في بيته و عرف من اخته الصغيره ان الولد معجب بيها!!! هو كان مش عارف يقول له و يشد عليه و لا يعمل انه مش عارف و الام هي اللي تتكلم و لا ايه.فعلا حاجة صعبه.
5- اما مسألة العقم دي فكما ذكرت فيه حالات اصعب من كده و بيرتبطوا لكن موقفه بعد وفاتها موجود زيه طبعا بين الرجال نادرلكن موجود. و ممكن ميفكرش يرتبط لكن ممكن برده يقابل واحدة لو ربنا كاتبله و يشعر انه محتاج يرتبط بها ممكن يحس انه غلط في الاول لكن بالاقناع من صديق او والدته ان حياته لن تتوقف و ان ده مش خيانه ممكن يرتبط.لكن سيحتاج وقتا طويلا و ممكن برده لا يستطيع.

تعليق جميل جدا .. الف شكر