-
استشارة فى اختيار سيارة
السلام عليكم
هاحاول ما اطولش عليكم الموضوع باختصار انى بقى لى 3 سنين باتاجر بالخسارة فى العربيات
نزلت من لادا قلت اركب مكيف جبت بى واى دى زيرو ظروف الشغل اتنيلت بعد الثورة بعتها و اشتريت اسكورت عملت بيها حادثة جبت بعدها مازدا 323 ما ارتحتش فيها
الحمد لله معايا دلوقتى 35 و لقيت انى عشان اجيب مكيف مافيش قدامى غير اكسيل او اسكورت 1600 تاااانى
او اجيب عربية فاضية
و طبعا مستخسر ادفع 30 فى عربية فاضية فلو جبت فاضى هاجيب لادا او شاهين مش اكتر من 25
و اصبحت الاختيارات امامى كالتالى
لادا ( خشنة و تقيلة بس عملية و قطع غيار ببلاش و احتفظ بالفرق لاى ظروف لاقدر الله) او شاهين نفس الشئ
اكسيل ( ضعيفة صاج و ثبات و ما تستحملش بهدلتى )
اسكورت 1600 تاااانى و هى جميلة بس صيانتها صعبة و قطع غيارها غالية بس معمرة
و نزلت النهاردة السوق قلت اشوف الدنيا و عملت لفة كده عند الميكانيكية اللى اعرفهم و اصبحت امامى الاختيارات الأتية
سكودا فورمان 1994 واقفة قوى قوى ب 27 مش محتاجة جنيه بجد بس مش مكيفة
لادا و مش مهم تلموديل لأن كلها زى بعضها فى حدود ال 25
اسكورت 1300 ب 30 و مش مكيفة
اسكورت 1600 زيتك ب 25 و عاوزة 5 مصاريف و تبقى مش عاوزة حاجة تانى ان شاء الله
مونديو ب 36 و عاوزة 4 مصاريف بس بعدها مش هايبقى معايا حق زجاجة مياه
و بجد مش عارف اعمل ايه ؟ و اتصرف ازاى
ادفع و اركب عربية و اسيبها على الله
و لا استرخص و اوفر و مش مهم التعب فى الزحمة و البهدلة اللى احنا فيها ؟؟؟
ارجوكم محتاج نصيحة اخوية
-
دايو سيليو موديل 95 كاملة مانيوال ب 30-34
سكودا فيلشيا موديل 2000 مكيفة 32-35
سيات ابيزا 98 مكيفة 35
سيات قرطبة 94 مكيفة 35
سيات توليدو 96 كاملة 35
بولو 98 مكيفة 35
هوندا سيفيك 91 كاملة اوتو 34
فيات سيينا 2002 مكيفة 34
فيات تمبرا 97 مكيفة 32
سوزوكي سويفت 97 مكيفة 28
البدائل كتير اوي وكلها عربيات حلوة
-
انا حاسس ان السكورت كانت عجباك
انا لو مكانك هجيب الاسكورت 1600 بشرط ان بعد الخمش تلاف جنيه تبقي مظبوطة و باردو الاختيارات اللي العضو الفاضل syd قال عليها كلها كويسة
و بالتوفيق
-
-
بصراحة ربنا هو تكييف الاسكورت مش زى اليابانى طبعا بس مش وحش
و طبعا الباشمهندس محمد حط اختيارات كلها رائعة و خصوصا التوليدو و القرطبة
بس انا اتكبمت على الفورد بصراحة لانى كنت مرتاح جدا مع الراجل اللى باتعامل معاه و عرفت خبايا العربية زى ما بيقولوا مش اكتر يعنى منين و بكام و ازاى
لكن خايف اخش ع السيات اضرب لخمة و اقع فى ايد حد يقعد يجرب فيا و اكره الفربية بسببه و بتحصل
السويفت ماحبهاش صغيرة و ضعيفة
و الفليشيا طبعا مافيهاش كلام بس اسمع برضه انها مقرفة فى الميكانيكا
لكن السؤال الاساسى حضراتكم
احط كل اللى معايا فى عربية و اسيبها على الله كيفما شاء
و لا اوفر قرشين و اجيب حاجة تقضى الغرض و خلاص و ماحدش ضامن الظروف ؟؟؟؟
Content Relevant URLs by
vBSEO 3.6.0 PL2