السلام عليكم سؤال غريب شويه

**د احمد** · 18-04-2014 09:32 PM

انا اشتريت عربيه اوبل من اسبوعين وكانت ماشيه تمام المهم الكاوتش اتخرم فحبيت افك الكاوتش علشان اركب الاستبن بصراحه كانت مأساه ساعه عمال اخبط في الكاوتش وفي الجنط من جوه علشان يتخلع بعد مافكيت المسامير المهم بعد مالحمت الكاوتش وركبته حاسس برجه غريبه في العربيه وانا ماشي ياتري ممكن يكون ايه السبب

**samaty** · 18-04-2014 09:37 PM

ممكن يكون المسامير مش مربوطة كويس
جرب ارفع العجلة ولفها بايدك شوف فيها رفة ولا لأ

**samaty** · 18-04-2014 11:27 PM

طيب بس طاوعني
مش هتخسر حاجة
حط الكوريك وارفع العجلة ولفة باليد ونظرة فاحصة بالعين
شوف فيه رفة او علي وواطي ولا لأ
أقل من دقيقة

**drcobra** · 19-04-2014 12:13 AM

يمكن كان راكب رنجات (اللى هى حلقات بيركب عليها الكاوتش ) كانت راكبة شحط وانت مرجعتهاش مكانها
ويمكن فى خطأ فى مقاس الجنط خصوصا لو سبور احيانا ناس بتركب مقاسات خطأ

**night_angel0007** · 19-04-2014 12:15 AM

روح اظبط زوايا ورصص وهناك هتعرف المشكله فين وبالمره تباه مطمن

**د احمد** · 19-04-2014 12:53 AM

المشاركة الأصلية كتبت بواسطة drcobra

يمكن كان راكب رنجات (اللى هى حلقات بيركب عليها الكاوتش ) كانت راكبة شحط وانت مرجعتهاش مكانها
ويمكن فى خطأ فى مقاس الجنط خصوصا لو سبور احيانا ناس بتركب مقاسات خطأ

هو فعلا كان فيه حلقه راكبه وطلعت عيني علشان اركب الاستبن لانه ماكانش داخل لدرجه اني ربطه كده يدوبك بالمسامير لحد ماوصل لبتاع الكاوتش وهناك فك الاستبن قوله مش راضي يربط ليه قالي علشان الحلقه دي مانعاه يتربط وقالي مالهاش لازمه ورماها ولو هيا اللي عامله كده دي تتجاب منين

**mohamedeltawel** · 19-04-2014 01:23 AM

الحكايه كلها ان انت مركب طقم جنوط سبور والجنوط بتبقى مقاساتها على عمود الطنبور مختلفه فلازم بيتركبلها رينجات تيفلون او بلاستيك علشان تحكم الجنط على العمود ولما شيلت الجنط الاسبور وحاولت تركب الجنط العادى بتاع الاستبن وطبعا الفتحه بتاعته مضبوطه على عمود الطنبور ومش محتاجه الرينج البلاستيك وكان الرينج راكب وعلشان كده غلبتك فى تجميعها لغاية بتاع الكاوتش وبعدين لما الحمار رمى الرينج وركبلك الجنط الاسبور من غير الرينج بقى فيه بوش بين العمود وفتحة الجنط فلازم يعملك غربله مع السرعات العاليه فى الدركسيون لو الفرده قدام ويعمل دربكه لو الفرده ورا وطبعا لازم تروح لواحد بتاع جنوط يركبلك الرينج تانى فى مكانه او تروح لواحد خراط يعملهولك عموله وهو رخيص مش هيعمل 10 او عشرين جنيه وتبقى تخلى بالك بعد كده

**د احمد** · 19-04-2014 01:28 AM

المشاركة الأصلية كتبت بواسطة mohamedeltawel

الحكايه كلها ان انت مركب طقم جنوط سبور والجنوط بتبقى مقاساتها على عمود الطنبور مختلفه فلازم بيتركبلها رينجات تيفلون او بلاستيك علشان تحكم الجنط على العمود ولما شيلت الجنط الاسبور وحاولت تركب الجنط العادى بتاع الاستبن وطبعا الفتحه بتاعته مضبوطه على عمود الطنبور ومش محتاجه الرينج البلاستيك وكان الرينج راكب وعلشان كده غلبتك فى تجميعها لغاية بتاع الكاوتش وبعدين لما الحمار رمى الرينج وركبلك الجنط الاسبور من غير الرينج بقى فيه بوش بين العمود وفتحة الجنط فلازم يعملك غربله مع السرعات العاليه فى الدركسيون لو الفرده قدام ويعمل دربكه لو الفرده ورا وطبعا لازم تروح لواحد بتاع جنوط يركبلك الرينج تانى فى مكانه او تروح لواحد خراط يعملهولك عموله وهو رخيص مش هيعمل 10 او عشرين جنيه وتبقى تخلى بالك بعد كده

هو فعلا انا عندي جنوط سبور والاستبن جنط عادي وربنا يسهل واعرف اشوف حل لموضوع الرينج ده لانه رماه واكيد مش هلاقيه عنده وهشوف موضوع المخرطه ده بس ابقي اخلي بالي ازاي في حاجه معرفهاش