معايا ماروتي جديدة ... عاوز لها كاسيت وسماعات وكاميرا خلفية للركن بشاشتها
السلام عليكم ورحمة الله وبركاته
لسه جايب ماروتي وطبعا العربية فاضية زي الفل مافيهاش غير بنزين :dribble:
مفيش كاسيت مفيش سماعات ومفيش حتى مكان للكاسيت زي ما بشوف في العربيات التانية ومش عارف اظبطها ازاي ... رغم ان فيها اريال ... يعني مافيش كاسيت وفي اريال ... شوف ازاي :B4_556:
وبما اني لسه معملتش صيانة ال 1000 كيلو مش هاينفع اللعب فيها دلوقتي عشان ما اطلعش من الضمان وطبعا مش معقول استنى لما اروح اعمل الصيانة دي عشان يركبولي اللي انا عاوزه ...
وكمان كنت عاوز اركب كاميرا خلفية بتاعة الركن وطبعا الشاشة بتاعتها .. انا شوفتها في عربية قبل كده وكانت ممتازة وعملية ومريحة جدا جدا جدا كأني شايف كل اللي ورا العربية قدامي ...
مش عارف اعمل ايه ... اجيب دلوقتي ولا ماجبش ولا استعجل واروح التوكيل يركبهوملي وبعدين ابقى اروح ساعة الصيانة وخلاص ...
انا مبدئيا كنت عاوز كل حاجة تبقى تبع الضمان سواء قبل صيانة ال 1000 او بعد كده .. ولا إيه رأيكم ؟؟؟
ويا ترى اخبار اسعار الحاجات دي ايه (لو ركبتها تبع التوكيل كام - ولو بره التوكيل كام) وسعر التركيب كام ؟؟؟
وايه الماركات الكويسة ... طبعا في حدود امكانيات ان دي عربية ماروتي ... مش جاجوار :3gears:
يعني كفاية جدا راديو وكاسيت فيه يو اس بي وسماعات عادية مش لازم اعمل فرح وانا ماشي :coool:
وبالنسبة للكاميرا وشاشتها يكونو حاجة كويسة وتعيش ....
وكل الشكر للجميع
