الحمدلله انها جت علي قد كدة و ربنا يعوض عليك
انا لو لوحدي وواحد عمل كدة انا هنزل اطلع م***ن امه
و للاسف في مصر لازم نمشي بسلاح دلوقتي
عرض للطباعة
الحمدلله انها جت علي قد كدة و ربنا يعوض عليك
انا لو لوحدي وواحد عمل كدة انا هنزل اطلع م***ن امه
و للاسف في مصر لازم نمشي بسلاح دلوقتي
الحمد لله علي سلامة العالم دى مبتفهمش واللة بس انزل زعق فى وشو هتلاقية كش بس لحد معين لم الموضوع قبل ما زميلو يجو يوجبو معاة بس بمجرد ميلقيق مش سهل هيسبك و يبعد عنك ويدور على حد غيرك
فى حادثة مماثلة برضوا دكتور زميلنا فى المنتدى سواق اتوبيس خبطة قالى باحترام خالى بالك قام حككله الجنب كله
راحوا القسم الظابط قال لزميلنا مفيش فايدة افضل حل تاخد فلوس تمن التصليح ويادوب قدروا يقنعوا البلطجى انه يدفع 200 جنية البلطجى قالهم هاروح اجيب الفلوس وفعلا راح وهو داخل القسم (خالى بالكوا العربية بتاعة الدكتور جوا الفسم )
تصوروا البلطجى المريض دة عمل اية ؟؟؟؟؟؟؟؟؟؟؟؟ظظظ
جرح العربية كلها بمسمار قبل ما يدخل للظابط
تخيلوا رد فعل الظابط؟؟؟؟؟؟؟؟؟؟؟؟
ولا حاجة يا دكتولر كل اللى هنقدر نعملة اننا نحبسة يوم وبعدين يطلع منها ومفيش حد شافة هههههههههههه
البلد دى فيها حكومة ههههههههههههقوقوقوووووووو وووو
شيلاه ياحكومة شيلاة يا قانون
الراجل المحترم الدكتور كويس انه محصلوش حاجة............
كان معكم دكتور زميل والله تعب من القصص المخيفة دى وحصلى حاجة نفسية من فقدان الثقة اه والله
على فكرة حضراتكم ده لا برشام و لا اى حاجة
هم بيبقى ليهم نظرة و شاف حضرتك محترم زيادة عن اللازم فكان عاوز يطلع منك بمصلحة
انما لو انت محترم بس مش قوى و من النوع اللى ممكن تبقى مناخيره بايظة و ما بيعرفش ينطق غير حرف ال خ متواصل ماكانش هايعمل كده مع حضرتك اصلا
النصاب عارف بينصب على مين و البلطجى كمان عارف يبلطج على مين و يلم نفسه امتى و ازاى
انت عملت الصح و اشتريت احترامك و مقامك
لكن نزولك كان هايقل منك لا لشئ الا انك محترم بس بزيادة و كنت هاتتبهدل و هاتزعل اكتر
مش عارف اقول دى نصيحة و لا لا
بس يعنى ما تبقاش محترم قوى فى الزمن ده عشان الناس ما تطمعش فيك
فعلا منتهى البلطجه وقله الادب بس كويس انك اتصرفت كده وهات صاعق كهرباء انا برود بدور ع واحد اجيبه ومش عارف الاقى حاجه نظيفه
قدر الله وما شاء فعل .... الحمد لله ...
واكيد هو مش حاسس باللى كان بيعملوه اكيد كان ضارب اى برشام وطلبت معاه انه يقرفك ...
انا حصل معايا كده بس من واحد راكب ملاكى وحبط لى المرايا بس الحمد لله مكسرتش مع ان الطريق كان فاضى جدا الساعة 6.3 الصبح على طريق البحر والواضح انه كان سكران من طريقه قيادته للعربية .
نفس الموقف من يومين اتعرضت عربيه الشركه عندنا لموقف مشابه ., عربيه ميكروباص زنقت علي العربيه وخبط له الجنب علشان يوقفه بالعافيه , المهم وقفوه ونزلوا السواق من العربيه بالعافيه ونزلوا ضرب فيه وخدوه وعايزين يركبوه العربيه معاهم , وواحد تاني عايز يأخد المفاتيح من ايده علشان يأخد العربيه , ولما الناس اتلمت وحاسوا ان الموضوع هيكبر , خدوا عربيتهم ومشيوا , المهم ان القصه ده حصلت علي بعد خطوات من كمين المظلات وفي عز الظهر الساعه 2 , من الاخر عليه العوض كله واحد يحمي نفسه بالطريقه اللي شايفها صح ( ده شعار الامن هذه الايام ) للأسف الامن مش فاضي , الامن بيجري ورا الطلبه في الجامعه والناس اللي بتهتف , وسايب الشعب للبلطجيه يوجبوا معاه .... حسبي الله ونعم الوكيل
قدر الله وما شاء فعل الحمد لله.
انا حصل موقف قدام عينى اول امبارح.... عربيه ميكروباص جاى عكسى وعربيه ملاكى مخدش باله من الميكروباص وقام كسرله الفانوس الخلفى قام سواق الميكروباص نزل ومعاه اتنين اصحابه ونزلوا الشاب من عربيته وهاتك يا خناق لولا الصدفه عربية بوكس كانت ورانا نزل منها اتنين مباحث مسكوا التلت عيال بتوع الميكروباص بصراحه العيال اول لما شفولهم سابوا الشاب ووقفوا وبتوع المباحث ادوهم علقه وهما الاشكال الوسخه دى مبتجيش الا بكده
المشكلة انه البلطجية والاشكال ال****** دول بيشيلوا سلاح وعادي جداً
انما لو واحد محترم شال سلاح فالعربية اليكتريك ولا غيره واتمسك بيه بيتبهدل ومش بعيد توصل لحبس :)
البلد بقت لا تطاق .... عايشين فى غابة فى وسط حيوانات
اللهم ارفع مقتك وغضبك عنا
اللهم انتقم من الظالمين
حسبنا الله ونعم الوكيل