سؤال بخصوص الترخيص للفيرنا

**smsm2004w** · 18-04-2014 10:17 PM

تحياتى لأعضاء المنتدى الكرام
عندى سؤال مش عارف هتكون اجابتة سهلة ولا صعبة فى حد قابلة مشكلة فى ترخيص الفيرنا 2014 انا بعد ما فحصت جيت ادفع الضريبة قالولى مينفعش تدفع دلوقتى لازم يكون رقم الشاسية بتاعك موجود قدامى على الكمبيوتر فى منشور او الكتاب الدورى بتاع العربيات المجمعة او انتاج محلى المهم عربيتى مستلمها من المعرض من اسبوع واستلمت الورق بتاعها يوم الأربع لكن المشكلة فى الكتاب الدورى ده ايه الحل انا بسال علشان ممكن حد يكون قابلة نفس المشكلة ولا ارجع العربية للمعرض
وتحياتى للجميع

**egypt123456** · 18-04-2014 11:05 PM

اول مره اسمع كده انا مرخص 2014

**Mico_Mico** · 18-04-2014 11:32 PM

يا باشا الف مبروك - ارجع للمعرض قولهم عاللى حصل وافهم منهم المفيد ولما تروح المرور تانى خد معاك ظابط سواء شرطة او جيش وهتتفاجىء بتأثير الكوسة هناك - ممكن يعملك استثناءات كتير

**mero100** · 18-04-2014 11:55 PM

ألف ألف مبروك يا أ/ سمسم

ربنا يديك خيرها و يكفيك شرها

المفروض ان المعرض يكون اداك مبايعه من المصنع الي شركه غبور و دي بتكون علي ما أتذكر مختومه من المرور او متسجله في المرور .

انا لما اشتريت اللانوس من منصور سلموني المبايعه من شركه جنرال موتورز الي منصور مختومه من المرور و رخصتها في مرور مدينه نصر بدون اي مشاكل .

الحل انك تتصل بالمعرض و أكيد حيبعت معاك مندوب يخلصلك الموضوع

و ألف مبروك اختيار موفق ان شاء الله

**smsm2004w** · 19-04-2014 12:35 AM

المشاركة الأصلية كتبت بواسطة mico_mico

يا باشا الف مبروك - ارجع للمعرض قولهم عاللى حصل وافهم منهم المفيد ولما تروح المرور تانى خد معاك ظابط سواء شرطة او جيش وهتتفاجىء بتأثير الكوسة هناك - ممكن يعملك استثناءات كتير

الله يبارك فيك يا باشا انا فعلآ رجعت للمعرض وعرض عليا انى اغير العربية بلون تانى علشان الشاسيهات مرتبطة بالألوان فأى لون غير الفيرانى هيكون برقم شاسية قديم لأن العربية اللى انا خدتها شاسية جديد بمعنى انتاج شهر ابريل لسه غبور مبعتش الكتيب بتاع الشاسيهات الجديدة لهيئة الرقابة على التصنيع اللى بتبعت للأدارة العامة للمرور وانا معايا المبايعة بتاعة غبور للموزع ومبايعة الموزع المعتمد للمعرض المشكلة فى الكتيب اللى بيجى من الهيئة لأدارة المرور انا كنت بسأل لو كان حد عارف حاجة عن الموضوع ده

**smsm2004w** · 19-04-2014 12:45 AM

المشاركة الأصلية كتبت بواسطة mero100

ألف ألف مبروك يا أ/ سمسم

ربنا يديك خيرها و يكفيك شرها

المفروض ان المعرض يكون اداك مبايعه من المصنع الي شركه غبور و دي بتكون علي ما أتذكر مختومه من المرور او متسجله في المرور .

انا لما اشتريت اللانوس من منصور سلموني المبايعه من شركه جنرال موتورز الي منصور مختومه من المرور و رخصتها في مرور مدينه نصر بدون اي مشاكل .

الحل انك تتصل بالمعرض و أكيد حيبعت معاك مندوب يخلصلك الموضوع

و ألف مبروك اختيار موفق ان شاء الله

يا راااااااااااجل لسه فاكر تباركلى انا كنت فاكر انك اول واحد هيكلمنى اول لما جبتها على العموم الله يبارك فيك يا عمرو المعرض بعت مندوب بالورق فعلا وعملت الفحص وكله تمام بس المشكلة ان فى نظام جديد بالنسبة للسيارات المجمعة محليآ علشان الشاسيهات اللى بتضرب للعربيات المسروقة او اللى بتيجى من ليبيا او الخليج فبقى فيه الزام على المصنع انه يبلغ هيئة الرقابة على التصنيع بأرقام الشاسيهات الجديدة اللى تم انتاجها او حفرها والهيئة تبعت لمرور الدراسة كتيب فيه الأرقام دى والدراسة توزع نسخة رسمية على وحدات المرور وميرخصوش اى عربية لسه المنشور اللى فية رقم الشاسية بتاعها مجاش وده ملهوش دعوة بالمبايعة ولا بورق العربية لأن ده كله معايا بدليل انى فحصت وخلصت كل حاجة فاضل الضريبة بس مش هيخدوها ولا هيصرفوا لوحات الا لما يجى المنشور اللى بيجى من مصنع غبور