لكل المصريين في قطر محتاج مساعدتكو

**M R. Z E C O** · 19-04-2014 05:24 AM

المشاركة الأصلية كتبت بواسطة minicooper20

هو انتا بتجيب معلوماتك منين يا حج زيكو
الله يرضى عليك
متعرفش حاجه قول معرفش
و لما تيجى تعمم صفه اكملها بجمله الا من رحم ربى شان متخدش زنوب الناس دى
تحياتى

يباشا انا كنت فالبحرين وبحكم القرب كنت بحتك بقطريين كنت بحس انهم بيبصولو بطرف مناخرهم هما الدول الانا قبلتهم لو ليك راي تاني اتفضل بس معلومتي مبنيه على تجربة شخصية جايز انا مفهمتش الواقع ساعتها او جايز انا غلطان . بالنبه للراتب فاقل حاجه عشان تعيش من وجهه نظري 8000 ريال

**M R. Z E C O** · 19-04-2014 05:28 AM

المشاركة الأصلية كتبت بواسطة bmya

صديقنا العضو زيكو قاصده يعمل الواجب مش اكتر :s_thum1[1]:

ربنا يباركلك وعلفكرة انا مكنتش مجبر عالرد بس انا ردين لاني قبلتهم على الارض

**waleedfesal** · 19-04-2014 11:48 AM

اولا وقبل كل حاجه قطر هاتنور بيك

1- ايه اخبار السكن هناك لإن هو كان قاعد في فندق طول المدة دي ودلوقتي الوضع اختلف ف لازم شقة ..
وايه نظام الكمباوند هناك وسمعت ان فيه حمام سباحة وجيم في كل عمارة ف هل ده صحيح ؟
السكن معروف انه غالى جدا هنا بس اللى فهمته ان ممكن الشركه اللى الوالد شغال فيها هى اللى هاتوفره فكده اكيد هايراعوا عدد افراد الاسرة

2- هل ينفع تحويل جامعة اخويا لاي جامعه هناك ؟ وايه الجامعات اللي هناك ومصاريفها ؟ واجراءات التحويل

ما اقدرش افيدك فى موضوع التحويل بس اللى اعرفه من زميل لى ان ابنه فى الجامعه هنا ومصاريفها على الاقل 25الف ريال سنويا

3- ايه الاحسن اسافر معاهم وادور وانا هناك ولا استني في شغلي ل حد ما اوالد يشوفلي حاجه هناك ؟ وايه المرتب اللي هيناسبني خصوصا اني مش هتكلف حاجه :)

طبعا الافضل من وجهة نظرى انك تنتظر حتى يجد لك الوالد وظيفه هنا وبعدين تيجى لان موضوع البحث على وظيفه ممكن يطول معاك شويه

4- ايه اجراءات رخصة القيادة ؟ وهل ينفع الامتحان علي عربية اوتوماتيك ؟

اجراءات الرخصه تعتمد اذا كنت بتعرف تسوق كويس ومعاك رخصه مصريه من فترة سابقه ... تروح تقدمها فى مدرسه المرور وتطلب تدخل اختبار السواقه على طول ...لكن لا قدر الله لو سقطت هاتتطر انك تاخد على الاقل ربع دوره ودى بحوالى 1200 ريال ....
وينفع تمتحن على سيراه اتوماتيك اذا كنت بمؤهل عالى بس ممنوع انك تسوق اى عربيه مانيوال ...
واختبارات القياده 3
الاول اختبار الاشارات ودا بتجيب كتاب من المدرسه ب25 ريال فيه كل الاشارات وضرورى موضوع الكتاب لان فى هنا اشارات كتير مش موجوده فى بلدنا العزيزه
التانى فى اختبار جديد بيبقى فى الميكانيكا بتاعة العربيه يعنى يخليك تفتح الكبوت ويسالك كده كام سؤوال عن مكونات العربيه الميكانيكيه
بعد كده اختبارات القياده ودا نوعين فى المدرسه والتانى اختبار القياده فى الشارع ودا اصعبهم ... بيركب معاك ظابط مرور ويبقى حظك من السما لو كان قطرى ... لانهم ودودين وبيحبوا المصريين وان شاء الله تعدى معاك على خير

5- ليه في تفاوت رهيب في اسعار المستعمل ؟ يعني لقيت bmw 730 2008 سعرها 60 و 65 الف !!وممكن الاقي تويوتا و ميتسوبيشي اغلي !!

غريبه مع ان الالمانى هنا سعره فى الارض ممكن تلاقى الفرق بس بين اللى انت زكرتهم فى سنه الموديل

6- هل فعلا البلد ممله ؟؟ انا بتاع خروج وسهر من الاخر ف هل فعلا هحس بملل مع الوقت ؟

ان شاء هاتقدر تكون اصحاب جداد بسرعه وفى اماكن كتير ممكت تروحها وتسهر فيها ومتنوعه حتى لو انت مش ساكن فى الدوحه لان المسافات هنا قصيره جدا ...( البلد كلها اوضتين وصاله)
وبالنسبه للتعامل ارى ان القطريين من اكثر الناس احتراما للمقيمن معهم وبياخدو يودوا معاك فى الكلام الا شواذ القاعده ( ولكل قاعده شواذ..) من الاخر محترمين جدا مع المحترم واللى يشغل الفهلوه بياخد فوق دماغه...
اسف للاطاله وتمنياتى لك بكل الخير

**M R. Z E C O** · 19-04-2014 12:18 PM

الباشا جاب من الاخر واعذرني لو كانت معلوماتي قديمة

**Ahmed_Rahem** · 19-04-2014 07:03 PM

فية نقطة تتأكد منها انت بتقول انك بتشتغل يعنى عمرك معدى 20 سنة ومعرفش هينفع تاخد اقامة على والدك ولا لأ أتاكد من النقطة دى قبل متسيب شغلك وتسافر

**mohaakotb** · 20-04-2014 12:56 PM

المشاركة الأصلية كتبت بواسطة zeco

يباشا انا كنت فالبحرين وبحكم القرب كنت بحتك بقطريين كنت بحس انهم بيبصولو بطرف مناخرهم هما الدول الانا قبلتهم لو ليك راي تاني اتفضل بس معلومتي مبنيه على تجربة شخصية جايز انا مفهمتش الواقع ساعتها او جايز انا غلطان . بالنبه للراتب فاقل حاجه عشان تعيش من وجهه نظري 8000 ريال

اكيد في كده و في كده إذا كان هنا في مصر في كده،،
موضوع الراتب ده انت بتتكلم عليا ولا علي الوالد؟

**mohaakotb** · 20-04-2014 01:02 PM

المشاركة الأصلية كتبت بواسطة waleedfesal

اولا وقبل كل حاجه قطر هاتنور بيك

1- ايه اخبار السكن هناك لإن هو كان قاعد في فندق طول المدة دي ودلوقتي الوضع اختلف ف لازم شقة ..
وايه نظام الكمباوند هناك وسمعت ان فيه حمام سباحة وجيم في كل عمارة ف هل ده صحيح ؟
السكن معروف انه غالى جدا هنا بس اللى فهمته ان ممكن الشركه اللى الوالد شغال فيها هى اللى هاتوفره فكده اكيد هايراعوا عدد افراد الاسرة

2- هل ينفع تحويل جامعة اخويا لاي جامعه هناك ؟ وايه الجامعات اللي هناك ومصاريفها ؟ واجراءات التحويل

ما اقدرش افيدك فى موضوع التحويل بس اللى اعرفه من زميل لى ان ابنه فى الجامعه هنا ومصاريفها على الاقل 25الف ريال سنويا

3- ايه الاحسن اسافر معاهم وادور وانا هناك ولا استني في شغلي ل حد ما اوالد يشوفلي حاجه هناك ؟ وايه المرتب اللي هيناسبني خصوصا اني مش هتكلف حاجه :)

طبعا الافضل من وجهة نظرى انك تنتظر حتى يجد لك الوالد وظيفه هنا وبعدين تيجى لان موضوع البحث على وظيفه ممكن يطول معاك شويه

4- ايه اجراءات رخصة القيادة ؟ وهل ينفع الامتحان علي عربية اوتوماتيك ؟

اجراءات الرخصه تعتمد اذا كنت بتعرف تسوق كويس ومعاك رخصه مصريه من فترة سابقه ... تروح تقدمها فى مدرسه المرور وتطلب تدخل اختبار السواقه على طول ...لكن لا قدر الله لو سقطت هاتتطر انك تاخد على الاقل ربع دوره ودى بحوالى 1200 ريال ....
وينفع تمتحن على سيراه اتوماتيك اذا كنت بمؤهل عالى بس ممنوع انك تسوق اى عربيه مانيوال ...
واختبارات القياده 3
الاول اختبار الاشارات ودا بتجيب كتاب من المدرسه ب25 ريال فيه كل الاشارات وضرورى موضوع الكتاب لان فى هنا اشارات كتير مش موجوده فى بلدنا العزيزه
التانى فى اختبار جديد بيبقى فى الميكانيكا بتاعة العربيه يعنى يخليك تفتح الكبوت ويسالك كده كام سؤوال عن مكونات العربيه الميكانيكيه
بعد كده اختبارات القياده ودا نوعين فى المدرسه والتانى اختبار القياده فى الشارع ودا اصعبهم ... بيركب معاك ظابط مرور ويبقى حظك من السما لو كان قطرى ... لانهم ودودين وبيحبوا المصريين وان شاء الله تعدى معاك على خير

5- ليه في تفاوت رهيب في اسعار المستعمل ؟ يعني لقيت bmw 730 2008 سعرها 60 و 65 الف !!وممكن الاقي تويوتا و ميتسوبيشي اغلي !!

غريبه مع ان الالمانى هنا سعره فى الارض ممكن تلاقى الفرق بس بين اللى انت زكرتهم فى سنه الموديل

6- هل فعلا البلد ممله ؟؟ انا بتاع خروج وسهر من الاخر ف هل فعلا هحس بملل مع الوقت ؟

ان شاء هاتقدر تكون اصحاب جداد بسرعه وفى اماكن كتير ممكت تروحها وتسهر فيها ومتنوعه حتى لو انت مش ساكن فى الدوحه لان المسافات هنا قصيره جدا ...( البلد كلها اوضتين وصاله)
وبالنسبه للتعامل ارى ان القطريين من اكثر الناس احتراما للمقيمن معهم وبياخدو يودوا معاك فى الكلام الا شواذ القاعده ( ولكل قاعده شواذ..) من الاخر محترمين جدا مع المحترم واللى يشغل الفهلوه بياخد فوق دماغه...
اسف للاطاله وتمنياتى لك بكل الخير

بالنسبة للسكن فهي هتوفر بدل سكن تقريبا 14 الف ف ده كويس؟ و يجيبو ايه؟
بالنسبة للجامعة كنت عايز اعرف ايه الجامعات اللي هناك
و كنت عايز اعرف لو رحت دلوقتي من غير شغل تأشيرة الزيارة بتبقي قد ايه؟

موضوع الرخصة ده مقلق منه بصراحه

بالنسبة للعربيات بقي.. بما انكو في قطر ايه اكتر نوع منتشر؟ هل الالماني محبوب زي هنا؟ لو اشترينا بي ام الفئة السابعة موديل 2008 هتبقي صفقه كويسه ولا قدمت؟

**mohaakotb** · 20-04-2014 01:04 PM

المشاركة الأصلية كتبت بواسطة ahmed_rahem

فية نقطة تتأكد منها انت بتقول انك بتشتغل يعنى عمرك معدى 20 سنة ومعرفش هينفع تاخد اقامة على والدك ولا لأ أتاكد من النقطة دى قبل متسيب شغلك وتسافر

اه فعلا انا معدي ال21 و هتبقي تأشيرة عشان كده سألت بتبقب قد ايه

**mohaakotb** · 20-04-2014 01:08 PM

المشاركة الأصلية كتبت بواسطة amrezzat82

اعتقد ان الكفالة للوالد لما يبلغ الولد 21 سنة و بعد كده لازم يشتغل او يترحل و البنت لحد ما تتجوز
السواقة عادي جدا خد ربع دورة او حصتين و حيحفظوك الامتحان - بس لازم تتأنى كويس فى السواقة عشان احنا فى مصر بنهبل مش بنسوق
السكن غالي جداااااا و بيغلى كل سنة - بس لو حد قديم ممكن يدلك على أماكن توصل لحد 3500 او 4000 الاف

الخروجات فى قطر لا تحصي لو انت متابع للحفلات و الحركات ديه - بس خلى بالك فبها محرمات كتيييييييييييييييييييرة جدا

ا

ايه موضوع ربع دورة و حصتين ده بيبقي في مدرسة زي هنا؟ و تكاليفهم كام بالرخصة؟
و ياريت لو اعرف الامتحان بيبقي ازاي العملي بالذات؟

الاماكن اللي ب 3 و 4 دي كويسة ولا متطرفه ومفيهاش وسائل ترفيه
ومحدش جاوبني علي نظام الكمبونذ هناك لان كل ما بفتح dubizzle بلاقي شقق في كمبوند وفيها حمامات سباحه و جيم و فري انترنت ف عايز اعرف ايه نظامها