-
عن اللوجان نتحدث :]
ازيكم يا جماعة اخباركم ايه؟!
كنت عاوز خبرتكم مع اللوجان
طبعا نزل منها شكل جديد لكن سمعت انه منزلش منه اتوماتيك فهل الكلام دا صحيح؟!
انا بفكر في اللوجان الاتوماتيك بس الكلام دا لسة في خلال 6 شهور تقريبا
كنت عاوز اعرف الشكل الجديد هينزل منه اتوماتيك واللا لا
وايه عموما الفوارق بين اللوجان الجديدة والقديمة ؟!
انا سقت القديمة اتوماتيك وعارفها كويس جدا ايه الفوارق بقا ؟!
ولو فيه عيوب معروفة بالنسبة للعربية يا ريت تفيدوني بيها
شاكر جدا ليكم
واخيرا هي سعرها كام ؟!
-
العربية اتغيرت بالكامل ما عدا المحرك و الفتيس
لكن التابلوه اتغير بالكامل و بقى ممتاز و اوبشنز اكتر زى مثبت السرعة و البلوتوث كشكلا بقت افضل بمراحل
-
ممكن مش قبل سنة الأوتوماتيك ينزل
العفشة و الموتور هو هو في المانيزال و بالتالى في الأوتوماتيك لكن الأوبشنز أختلفت زادت خاصة في أعلى فئة العربية عموما خرجت بره المنافسة مع الفيرنا و االلانوس و ألأفيو و الأمجراند و أعتقد لأو في أوتوماتيك منها حينزل في حدود 110ألف مش أقل من كده و بالتالى تبقى قربت من البيجو 301 و الله أعلم
-
ممممممممممممم
يعني غيروا كل دا ومقدروش يعملوا مرايات يكون مدى رؤيتها احسن من المرايات اللي فيها ؟!
انا لاحظت انها نفس المرايات اللي في الشيب القديم
لوجان اتوماتيك ب 110000 !؟
دا كدة هيبقا كتير على اللوجان في حد ذاتها !
-
يعني نفس الموتور ونفس الفتيس !
ودا معناه ان الاتوماتيك برده هتبقا كدة !
هي اصلا الاتوماتيك الموتور كسلان والفتيس مش بيستجيب بسرعة ودا سبب مخليني متحفظ عليها !
طب والمرايات مغيروهاش ليه مع كل التغييرات اللي غيروها دي ؟!
مش كانوا يحطوا مرايات مدى رؤيتها احسن !؟ لأن المرايات الجديدة والقديمة زي بعض الاتنين
مينفعش يرفعوا الرينج بتاع الاتوماتيك ل 110000 عشان كدة هتدخل كاتيجوري تانية خالص وهي لسة مأثبتتش نفسها اوي كدة عشان تكسر حاجز ال 100000 !
اعتقد دا هيبقا كتير عليها !
الاتوماتيك الشيب القديم عامل كام يا شباب ؟! وموجود واللا لا ؟!
-
المانيوال الشكل القديم أعلى فئة كان عامل 81500
والمانيوال الشكل الجديد عامل 95 ألف يعنى العربية زادات في حدود13000 جنيه
الأوتوماتيك الشكل القديم كان94 ألف جنيه زود عليهم 13 ألف ضيف عليهم أوفر برايس 3 ألاف جنيهه 110 الف على أقصى تقدير
-
كدة انا شايف انه هيبقا اوفر بصراحة !
العربية كدة بتدخل في كاتيجوري تانية خالص عن العربيات المعتادة !
-
اللوجان كده يا جماعه بتفقد واحده من اهم مميزاتها اللي هو السعر
يعني لما كان الواحد بيشتري كان دايما بيميل للوجان و السانديرو عشان المنافسه كانت مع عربيات اقل بكتير زي اللانوس و الفيرنا و ال i10 لكن لما تبأه معدية ال100 الف دا معناها هنبدأ نقارنها بالبيجو 201 و النيسان صني و غيرها من العربيات اللي في الفئه دي و ما اظنش ان اللوجان احسن من العربيات دي و ما اظنش ان فيها ما يدفعني اني اسيب البيجو 301 و النيسان صني و اروح اجيب اللوجان
اظن ان السعر دا هيكون غلطه كبيره
-
بالضبط كدة هي كدة هتلعب مع الاسد :d
نيسان صني
بروتون بيرسونا وجين تو
بيجو 301
ستروين سي اليزيه
فيه حجات كتيرة احسن منها في الرينج دا حتى لو بزيادة شوية كمان بس مش لوجان ب 110000
كدة كتير اوي واوفر يعني !
Content Relevant URLs by
vBSEO 3.6.0 PL2