الموضوع: وقعت بالموتوسيكل. والحمد لله

المشاركة الأصلية كتبت بواسطة astro boy

ألف سلامة عليك انا لسة بردوا من شهر ونا باخد ملف واحد كسر علية جامد وكنت يادوبك ماشى حوالى 20 وقعت على جنبى الشمال واتبهدلت وفى سنتين اتكسروا جوة فمى وكدمات كتير فى جنبى الشمال بس الحمد لله دلوقتى رقت

الف سلامة عليك

المشاركة الأصلية كتبت بواسطة idisagree

ألف سلامة ياباشا.
أنت الحادثة هتخوفك بس, لكن فى مصر لو خفت مش هتعرف تعيش.
أنا سوافتى متهورة وبسوق برعونة, وكنت متوقع أعمل حادثة موت بالعربية على سرعة عالية, يشاء القدر أنى أسيب العربية علشان الزحمة والمصاريف وأركب مواصلات, أذا وأنا ماشى فى الشارع جنب العربيات الراكنة مينى باص جاى بسرعة ومش كاشف الطريق وقف قدامه تاكسى مرة واحدة علشان مطب, قام السواق غرز منه وطار من فوق المطب ودخل فى العبد لله.
طبعا طرت وأتسحلت سحلة حلوة, كسرت سنة أمامية وبقى عندى dead tooth وأسنانى كانت من الحاجات القليلة اللى كنت فخور بيها:(, وأدمرت كدمات, وركبتى لسه لحد دلوقتى (سنة الا شوية) لسه مرجعتش زى الأول, فهى دى سخرية القدر.

كان فى جملة الناس اللى بتعامل معاها دايما بيقولوها وكانت بتغيظنى لأنها مش فى موقعها, لكن سيبها على الله, البايك هتلاقيه موفر عليك فى البنزين وقرف المواصلات والزحمة, فى مقابل ده أنت بتخاطر شوية, ولازم تركز شوية أكثر.

الف سلامة عليك ...... ده بياكد ان القدر هيحصل مهما كنت انت مخلي بالك ...
انا كمان من هواة السرعة في العربيات ... و المكنة لما جبتها كنت بمشي بيها 90 و 100 على طريق الصعيد الشرقي مسافة حوالي 40 كيلو و عبى الطريق الزراعي مسافة 29 كيلو بس بسرعة من 70 الى 80 ...
الحمدلله ان محصلش حاجة على الطرق دي و الحادثة حصلن قدام البيت و اولاد عمي كانوا عندي و اتلمت الحمدلله .... اللي مخوفني بقى ايه اللي ممكن يحصل لو وقعت و انا ماشي 80 مثلا ؟ .... ده انا بقيت عامل زي الباب المخلع من سرعة 40 تقريبا امال بقى لو 100 ده مش هيلاقوا حاجة يدفنوها .... ربنا يسترها علينا و لولا الضرورة و عدم توفر عربية في الفترة دي مكنتش جبت مكنة و لا فكرت اركبها