تويوتا
راي شخصى
عرض للطباعة
تويوتا
راي شخصى
السلام عليكم ورحمة الله
صديقي اسمحلي اسرد لك خصائص كل واحده وبعد كده لك الاختيار الكامل
السيراتو:
عن تجربة شخصيه , سياره هادئة جدا فرشها جميل فعلا من الداخل, لهاتابلوه مميز الشكل وتقفيلها جيد جدا ولها فتيس ذو شكل مميز يشبه الاوكتافيا والباسات وكمالياتها المشهوره كالاتي:
1- طاره مالتي فانكشن
2- مثبت سرعه
3- محدد سرعه
4- فرامل ABS-EBD (حسب الفئه)
5- عدد 2ايرباج الي 4 (حسب الفئة)
6- موتور ذو عزم 130 حصان
7- 4 زجاز فتح بلمسة واحده او فتح وغلق بلمسة واحده (حسب الفئه)
8- مرايات كهرباء وضم
9- كرسي كهربائي (اعلي فئه)
10- فتحات تكييف خلفيه (الفئة الثانيه اوتو)
11- فوانيس ليد (LED) اعلي فئه وبها اضائه نهاريه كبيره
12- فوانيس اماميه زينون
13-فتحة سقف (حسب الفئة)
14- حساس مطر
15- حساس اضائه
16- جنزط 17 بوصه (هاي لاين)
السعر من 134 الف المانوال الي 192 الف الهاي لاين
الكورولا:
يعتبر 2014 طفره فى صناعة كورولا من عشرات السنين وذلك لانها بها عدة كماليات وتعديل كبير فى الموتور وتعديل كلي فى الفتيس , وبها كل ماسبق من السيراتو ومن اشهر كمالياتها الاتي:
1- موتور يعمل بكاتينه معدني جنزير وليس بسير كاوتش كالمعتاد يخرج عزم 122حصان
2- فتيس من نوع CVT الموفر للوقود
3- نظام الراكن التلقائي (Auto park)
4- مثبت اتزان الكتروني ESP
5- متحكم فى السحب (TC (Traction Control
6- اضائة نهاريه
7- تكيف مزدوج
8- زجاج مزدوج الفتح والغلق بلمسة واحده
9- جنط 17 بوصه فى الهاي لاين
10- من 6 الى 8 اير باج (حسب الفئه)
السعر من 165 المانوال الي 215 الف الهاي لاين
للاسف لا يوجد بها فتحة سقف , وبها مقصوره فعلا واسعه ومريحه ولها شكل تابلوه مميز ومختلف عن اي موديل كورولا
وليس معني ان النقاط المسرده فى السيراتو اكثر هذا يعني انها افضل او اعلي !!!! وانما فقط عرض للمميزات , ويزيد عليها ماذكر فى الكورولا
فكر واتفرج واختار .......... ولو لسه محتار ...... كلنا بفضل الله معاك
فى امان الله
كورولا
كامكانيات و شكل داخلي و خارجي
السيراتو تكسب بمرااااااحل
الشكل الرياضي كيا سيراتو تكسب طبعاااا
تويوتا طبعا
لو معاك تمن الكورولا الفئة التانية توكل ع الله
ولية قولنا الكورولا اسباب كتير وهتلاقى ف منتدى المقارنات مقارنة تفصيلية
زميلي العزيز
اي واحد بيتحيز لما يملك , بس الكلام ده غير صحيح هنا في المنتدي و ده عشان احنا بنساعد بعض مش بنعمل مبيعات لموديل معين فتأكد ان الاعضاء الكرام سواء حضرتك سألت السؤال في قسم تويوتا او كيا هيردو عليك بمنتهي الشفافية و الصدق ان شاء الله .
المقارنة التفصيلية للعربيتين بالاسعار و الاوبشنز في الموضوع ده :
http://www.nilemotors.net/Nile/404031-2014-2014-a.html
بالنسبة للموتور فمتغيرش فعلا في التويوتا و هو موتور قوي جدا بس غيرو الفتيس و بقي CVT اقوي بكتير و افضل من القديم .
الاوبشنز بتاعة الكورولا اعلي بكتير من السيراتو و كذلك عوامل الامان و الثبات و ده هتلاحظو في الموضوع اللي بعته لحضرتك .
تحياتي لحضرتك و جاهز لأي سؤال
المقانة دي قديمة فيها كورولا 2013 مش 2014 .
الفرق مبين كورولا 2013 و كورولا 2014 زي الفرق مبين سيراتو 2013 و سيراتو 2014 .
استاذ عمرو
كامل احترامي لكلام حضرتك ,
الشكل الداخلي و الخارجي هو مسألة ازواق في النهاية .
صاحب الموضوع سأل بالحرف :
" اﻧﺎ ﻋﺎﻭﺯ ﺍﻋﺮﻑ ﻛﻞ ﻋﺮﺑيﻪ ﺑﺘﺘﻤﻴﺰ ﻋﻦ ﺍﻟﺘﺎﻧﻴﻪ في ﺍﻳﻪ "
و الموضوع ده هيلاقي فيه اجابات لتساؤلاته و لو حضرتك شفتها هتلاحظ ان العربيتين مليانين اوبشنز و ان الكورولا اكتر في الاوبشنز وليس العكس:
http://www.nilemotors.net/Nile/404031-2014-2014-a.html
ده غير عوامل الامان اللي بتتميز بيها الكورولا عن السيراتو .
ده لا يمنع ان السيراتو عربية ممتازة و انا بنصح بيها ناس كتير جدا و محققة مبيعات هايلة.
و كامل احترامي لحضرتك و لملاك العربية الرائعة سيراتو 2014 .
لو عاوز اختيارات اكتر في نفس السعرعندك المقارنة دي فيها 19 عربية متفصلين
http://www.nilemotors.net/Nile/416752-160-215-a.html