استفسار ضروري من خبراء الكورسا 1600 - مشكلة في الفتيس - ارجو المساعدة

**thegoner_onlin** · 19-04-2014 08:36 AM

ألمشكلة يا رجالة كانت في الاساس موجودة في اللينك ده (http://www.nilemotors.net/Nile/416205-1600.html )
و طلعت فعلا ان دي مشكلة ديسك واسطوانة

وانا غيرت الديسك والاسطوانة - الاسطوانة ال GM - البرازيلي الاصلي - عملت معايا 1250 بس من عبد الراضي نفسه مع اني سمعت انها برة 1200 وممكن مثلا تتظبط

المهم حصلتلي مشكلة وهي ان الغيار التاتي مش بتاخد - تقيل جدا جدا جدا ولازم مثلا اشد عصاية الفتيس بعافية علشان يتاخد - لكن بقيت الغيارات تمام
المهم رجعت لعبد الراضى قلتله الغيار التاني مبتاخدش وعفي ومزرجين - قالي ده طبيعي علشان الديسك والاسطوانة لسة مطبعوش على بعض !!!!
امشي بيها انت بس مشوار ولو فضلت المشكلة قالي تعالى وانا اظبطهالك ( مش عارف عن طريق ايه كدة )
قالي انا كنت ممكن من الاول اظبطهالك بس قدام لما الديسك يطبع على الاسطوانة هتظهرلك - فأنا سيبتها لغاية ما الديسط يطبع

هل الكلام ده صحيح يا رجالة !!!!

**احمد فهمى** · 19-04-2014 10:42 AM

كلام فاضى طبعآ واسلوب ميكانيكية تعبانه مفيش حاجه اسمها يطبع ده كل الموضوع هو بعد الفك والتركيب مظبتش مكان الفتيس ففى ترحيل من مشوار العصايه لازم ينزل تحتها ويظبط الوضع هو فى احتمال تروح بس مش 100% وده هيكون بسبب الترحيل اللى هيتم مع تكرارك للنقل بعنف عشان تجيب النقله ومعروف انك بتجرب وبترجع تانى يظبطلك الوضع

**hammad2010** · 20-04-2014 03:48 AM

لو الفتيس كان معاك حلو قبل ما تركب الديسك والاسطوانة وبقي تقيل فى التانى بعد ما غيرتهم يبقي يامعلم المشاغل بتاعة الفتيس عايزة يتراجع عليها وان شاء الله تكون سليمة ولو لقدر الله بايظة بتغيرها الجديدة فى التوكيل ب 700 والاستيراد من 250 الى 300 وعلى فكرة انا مريت بنفس المشكلة دى بالكورسا بتاعتى وبعد برضه ما غيرت الديسك والاسطوانة وكان برضه الغيار التانى زيك وغيرت قطعة فى المشاغل ب 70 جنيه وبقت الحمد لله تمام

**thegoner_onlin** · 20-04-2014 08:15 AM

المشاركة الأصلية كتبت بواسطة hammad2010

لو الفتيس كان معاك حلو قبل ما تركب الديسك والاسطوانة وبقي تقيل فى التانى بعد ما غيرتهم يبقي يامعلم المشاغل بتاعة الفتيس عايزة يتراجع عليها وان شاء الله تكون سليمة ولو لقدر الله بايظة بتغيرها الجديدة فى التوكيل ب 700 والاستيراد من 250 الى 300 وعلى فكرة انا مريت بنفس المشكلة دى بالكورسا بتاعتى وبعد برضه ما غيرت الديسك والاسطوانة وكان برضه الغيار التانى زيك وغيرت قطعة فى المشاغل ب 70 جنيه وبقت الحمد لله تمام

احمد بك تسلم للرد
انا الغيارات قبل الديسك والاسطوانة تمام مفيهاش اي حاجة
وبعد التغيير برضو مفيهاش اي حاجة عدا الغيار التاني مش بيرضى يسقط
دلوقتي بقى بيسقط بس لازم اشد عصاية الفتيس عليا جامد شوية وبعدين انزل

ده الي بيحصل ولسة مش عارف - انا هرجعله اشوف - ربنا يستر
بس كنت عايز اعرف هي المشاغل بيتراجع عليها ازاي !!!! -حل حواااار زفتح زي ما غيرت الديسك كدة ولا امر بسيط
ارجو الرد :(

**احمد فهمى** · 20-04-2014 10:11 AM

المشاركة الأصلية كتبت بواسطة thegoner_onlin

ربنا يخليك يا فهمي بيه - يعني الموضوع ده فعلا عادي بيحصل يعني ولا كدة مشكله ؟؟؟
وبعدين موضوع التظبيط ده محتاج فك وتركيب وليلة زي ما حصل في تركيب الديسك !!! اصل الفتيس نزل انت عارف
ياريت لو توضيح موضوع التظبيط ده عادي ولا فيه مشكله وبيحصل ازاي - تسلم يا باشا

لا مش محتاج موضوع كبير ده فى حالة لو مفيش عيب تركيب داخلي وهو المسؤل عن كل حاجه انت رايح بعيب اسطوانه وديسك فقط لكن تروس فتيسك سليمه ارجعلو ولو كتر فى الكلام لا انصحك تكمل روح لحد تانى

**thegoner_onlin** · 25-04-2014 11:36 PM

الحمد لله يا جماعة - هو راجع تاني على المشاغل بتاع الفتيس - هو ( هوا ) مسمار كدة من تحت - وبعدين ظبط الفتيس من فوق - وبعد ما ظبط ربط على كدة
حوار ما اخدش من ايده 5 دقاايق - والحمد لله المشكلة اتحلت
شكرا يا جماعة على الي شارك واهتم