الموضوع: سؤال بخصوص كهرباء التكييف

المشاركة الأصلية كتبت بواسطة lutenit030

انا مش عارف اقولك ايه بجد انا كنت بدورعلى الكتالوج ده بشمعه والله و مكنتش فاكر انى حلاقيه ابدا ، ده احسن منن التانى بكتير حضرتك انسان محترم و خدوةم بجد ربنا ي

ربنا يكرمك ياباشا وانا امبارح على الخاص قولتلك انى هبعتك كتالوج محترم bdf مش البتاع دة اللى مسحوب على سكانر

المشاركة الأصلية كتبت بواسطة lutenit030

ربنا يكرمك يا رب و يخليك انا استفدت كتير والله من مواضيعك و اكتر حاجه بتعجبنى فيهم ان كل حاجه مدعومة بالصور ده اللى بيخلى التنفيذ سهل ، موضوع الفلتر بتاع التكييف انا حعمله بنفسى ان شاء الله بعد ما اركب التكييف، بخصوص الفيشه اللى كنت بسأل عليها انا لقيتها موجوده عندى فى العربيه بالرغم انها نازله منغير تكييف و ان شاء الله حدخل التكييف عالكنترول بنفسى بعد ما الصنايعى يخلص لانه مش عايز يعمله بنفسه وو خايف يحرق الكارته و بيقولى مش فارقه بس انا مش مقتنع طبعا

1 - لو عرفت الفيشة بتاعة اية ابقى قولى من باب العلم بالشيى لانى مش مخضرم قوى فى الكهربا

2 - الاهم من الفلتر هوة غسيل التلاجة والموضوع اللى هعملة عن رفع كفاءة التكييف

3 - الأمن انك تخلى كهربائى يعملك موضوع التكييف بدل ما تغامر بدون داعى وفية اختيار بديل

المشاركة الأصلية كتبت بواسطة lutenit030

مهو الصنايعيى حيوصلهولى فعلا بس من بره بره و حياخد 600 جنيه فى تركيب الدايره بالكامل و الشحن، مفيش حد راضى انه يدخلى التكييف فى الكنترول و كله بيقولى حيوصله من بره و مش حيفرق واحد بس اللى قالى حدخلهولك على الكنترول و عايز 1500 ج طبعا رحت للاول ابو 600
بس انا اعتقد ان توصيله على الكنترول ليه مميزات زى مثلا

لو الر بى م عالى اوى اعتقد المنترول بيفصل الكمبيسور اوتاماتيك عشان ميبوظش
لما العربيه تسخن التكييف يفصل اوتاماتيك
حيتم استغلال مروحه التكييف لو العربيه سخنت جامد
ده غير الدايود اللى مفيش صنايعى بيهتم بيه ده حوصله ان شاء الله

انا عموما ححاول مع الصنايعى تانى بالكتالوج انه يوصل زى ما الكتالوج ما بيقول غير انى عندى نص الضفيره مجهز اصلا لانى كنت مغيره بس انت عارف الصنايعيه مبيحبوش الكتالوج و مبيحبوش حد يعدل عليه او يحسسه ان مش فاهم

على فكرة اكتر واحد ممكن يفيدك فى الموضوع دة هو طارق (tarek_2005) لانة مخضرم فى الكهربا
ابعت لة على الخاص كدة وشوفة هيقولك اية

وهحاول اشوفلك ملف bdf لتوصيلة التكييف على الكنترول

المشاركة الأصلية كتبت بواسطة lutenit030

توصيله التكييف موجوده فعلا فى ملف ال pdf اللى حضرتك بتعتهولى
عموما انا ححاول الاول مع الصنايعى عشان يوصله على الكنترول و لو منفعش بعد ما اجربه كده بشويه ححاول اعمله انا ان شاء الله
متشكر جدا لاهتمامك الجميل ده :)

مجرد اقتراح كدة جة فى بالى
اسأل على ضفيرة داخلية جاهزة عند بتوع الاستيراد وشوف سعرها كام