تجربتي مع أبو رواش

**M I D O** · 19-04-2014 10:43 PM

المشاركة الأصلية كتبت بواسطة hiddenspider

الحمد لله التكييف ظبط، ومدفعتش حاجة - كان نفسي يقولولي إني أدفع أي فلوس عشان أتخانق معاهم!!-

وصيانة الألف كلفتهني 475 (منهم 55 جنيه مصنعيات عشان مكنتش لسه استلمت دفتر الضمان من الطارق)، والباقي كان فلتر و 5 لتر زيت!

والسرينة كانت ب37 والمصنعية لوحدها 100!! - الإجمالي كان 151 جنيه بعد الضريبة!!

والحقيقة أنا مقلق من موضوع إنها جديدة ده، بس حقيقي شغل التوكيل حرقة دم وتضييع وقت

جدع انك مدفعتش مليم وصيانة الالف مش مجانية للاسف عشان كدة غالية و السرينة بالتركيب 151 ؟؟!! لا دي كنت ركبتها برة بقي
بس العربية بتاخد 5 ليتر زيت ؟؟ غريبة شوية انا معايا الامجراند بتاخد 4 كيلو الا ربع لية الانفي بتاخد زيت كتير كدة

**bassemali** · 20-04-2014 04:15 AM

بصراحه أنا بتعامل مع مركز العباسيه .. ناس زي الفل .. مع أن كل الناس كانت بتقول أبورواش أحسن !!!!! غريبه دي بصراحه ... لكن عموما جرب تروح فرع العباسيه .. ده مكانه ورا مرور الدراسه قدام الجامعه العماليه تمام ... بهو عموما مراكز التوكيلات كلها بتبقى زحمه ولازم تتستنى ع الأقل لغاية الساعه 2 الظهر لماتستلم .. عشان كده أبعد دايما عن يوم السبت والأحد والخميس .. عشان تبقى الدنيا رايقه شويه .. مركز العباسيه من غير حجز .. تروح الساعه 7.30 الصبح بالضبط قبل مايفتحوا عشان تمسك دور ف الطابور .. هتلاقي قدامك 7 أو 8 عربيات كل الحكايه .. جرب وشوف .

**HiddenSpider** · 20-04-2014 12:39 PM

المشاركة الأصلية كتبت بواسطة hugan

عنوانهم علي الدائري مريوطيه
مركز متكامل خاص
مالوش علاقه بابو الفتوح
طبعا هاتخرج من الضمان
المتحده مشكلتهم الوحيده ان اسعارهم تقريبا نفس سعر التوكيل
مصنعيه وقطع غيار
وشغلهم اصلي مش مضروب
لكن انا شخصيا مابتعاملش
شغلي في الورش العاديه
لائن اسعارهم غاليه علي

لو أسعارهم زي التوكيل ممكن الواحد يستحمل شوية مع التوكيل

ربنا يكرمك يا باشا على الاهتمام :)

**HiddenSpider** · 20-04-2014 12:42 PM

المشاركة الأصلية كتبت بواسطة m i d o

الصيانات الفردية لغاها ابوالفتوح وبقت الصيانات كل 6 شهور او 10 الاف كيلو

أنا بعد ما استلمت كتيب الضمان لقيتهم كاتبين إن الصيانات كل 5000 كم أو 6 شهور

**HiddenSpider** · 20-04-2014 12:47 PM

المشاركة الأصلية كتبت بواسطة m i d o

جدع انك مدفعتش مليم وصيانة الالف مش مجانية للاسف عشان كدة غالية و السرينة بالتركيب 151 ؟؟!! لا دي كنت ركبتها برة بقي
بس العربية بتاخد 5 ليتر زيت ؟؟ غريبة شوية انا معايا الامجراند بتاخد 4 كيلو الا ربع لية الانفي بتاخد زيت كتير كدة

هو اللي خلاني أركبها عندهم إنهم ميتلككوش ويخرجوني من ضمان الكهربا، وقبل كده كانوا قايلين إن تكلفتها 100 جنيه فقلت مش مشكلة

والزيت أنا حاسس إنهم مزودين كيلو زيادة

المرة الجاية كده هشوف إيه اللي هيحصل

**HiddenSpider** · 20-04-2014 12:52 PM

المشاركة الأصلية كتبت بواسطة dedi

انا من اول ماقريت افتكرت انك بتتكلم على الايمجراند و غبور وغلطت و جيت قسم الاسبيرنزا وواضح انة كلهم زى بعض وخدمة زفت واستهبال
انا راى خليك معاهم فى الصيانة لما هم موش فاهمين امال برة هايبقى اية
صدقنى اى توكيل موش غلطان لانة لا توجد رقابة عليهم لو فية رقابة فعلا وروحت تشتكى و تاخذ حقك كان اى توكيل احترم نفسة

هههههههههه

للأسف فعلاً كلهم أسوأ من بعض - ولو إني أعتقد إن أبو الفتوح أرحم شوية :)

إن شاء الله أرحلهم على صيانة ال5000 كده وأشوف هيتعدلوا ولا لأ

وأجرب أغير مركز الصيانة وأشوف

المشاركة الأصلية كتبت بواسطة bassemali

بصراحه أنا بتعامل مع مركز العباسيه .. ناس زي الفل .. مع أن كل الناس كانت بتقول أبورواش أحسن !!!!! غريبه دي بصراحه ... لكن عموما جرب تروح فرع العباسيه .. ده مكانه ورا مرور الدراسه قدام الجامعه العماليه تمام ... بهو عموما مراكز التوكيلات كلها بتبقى زحمه ولازم تتستنى ع الأقل لغاية الساعه 2 الظهر لماتستلم .. عشان كده أبعد دايما عن يوم السبت والأحد والخميس .. عشان تبقى الدنيا رايقه شويه .. مركز العباسيه من غير حجز .. تروح الساعه 7.30 الصبح بالضبط قبل مايفتحوا عشان تمسك دور ف الطابور .. هتلاقي قدامك 7 أو 8 عربيات كل الحكايه .. جرب وشوف .

إن شاء الله الصيانة الجاية أحاول أروح هناك، ولو إنه بعيد شوية عني (أنا في 6 أكتوبر)، أو أجرب أروح الكيلو 32 يمكن يكون أحسن من أبو رواش

**M I D O** · 20-04-2014 09:23 PM

المشاركة الأصلية كتبت بواسطة hiddenspider

أنا بعد ما استلمت كتيب الضمان لقيتهم كاتبين إن الصيانات كل 5000 كم أو 6 شهور

حتي لو كل 5 الاف او 6 شهور دة كويس جدا للناس الي مبتتحركش كتير بس انا كنت اسمع انها 10 الاف او 6 شهور

تقريبا ابوالفتوح بيقول كلام وبيعمل كلام تاني زي باقي التوكيلات

**wallace** · 21-04-2014 03:05 PM

جرب المرة الجاية تروح مركز تاني زي الصحراوي ك 32 (بعد الكارتة بدقيقة علي اليمين)

أو مركز العمرانية (الهرم) ودول تقريباً أقرب إتنين ليك في محيط مركز ابو رواش

-

-

الموضوع: تجربتي مع أبو رواش

LinkBack

أدوات الموضوع

عرض

-

-

-

-

المواضيع المتشابهه

كيف اصل إلي ابو رواش

مكان فرع ابو رواش

تجربتي مع ابو رواش

توكيل كيا فين فى ابو رواش

الطريق الى أبو رواش

الكلمات الدلالية لهذا الموضوع

المفضلات

المفضلات

ضوابط المشاركة